IND vs SA 2nd ODI: "Troublemakers will soon..." Ravi Shastri's stormy statement in support of Virat and Rohit is in the news
Ravi Shastri’s commentary on Virat Kohli-Rohit Sharma : भारतीय संघाचे माजी मुख्य प्रशिक्षक रवी शास्त्री यांनी विराट कोहली आणि रोहित शर्मा यांच्याबद्दल महत्त्वपूर्ण भाष्य केले आहे. रवी शास्त्री यांनी दोन्ही या दिग्गजांना “दादा खेळाडू” असे संबोधित केले आहे. तसेच त्याने स्पष्टपणे म्हटले आहे की, पांढऱ्या चेंडूच्या क्रिकेटमध्ये त्यांची प्रतिष्ठा वेगळ्या पातळीवरची आहे. एका वृत्तानुसार, शास्त्री म्हणाले की, “कोणताही समजूतदार माणूस अशा उच्च-स्तरीय खेळाडूंना तोंड देण्याचा धोका पत्करणार नाही. ते म्हणाले की काही लोक अनावश्यकपणे असे करण्याचा प्रयत्न करत असून त्यांना हे किती महाग असू शकते याबद्दल कल्पना नाही.”
हेही वाचा : IND vs SA, 3rd ODI : विशाखापट्टणममध्ये भारताची पाटी कोरी! गेल्या सहा वर्षापासून विजयापासून दूर; वाचा सविस्तर
विराट कोहली सध्या चांगल्या फॉर्ममध्ये दिसत आहे. दक्षिण आफ्रिकेविरुद्धच्या सलग दुसऱ्या एकदिवसीय सामन्यात विराटने शतक ठोकले आहे. दक्षिण आफ्रिकेविरुद्धच्या या मालिकेत कोहलीचे हे सलग दुसरे शतक ठरले आहे. याआधी, त्याने मालिकेच्या पहिल्या एकदिवसीय सामन्यात १३५ धावांची खेळी केली होती. रायपूरमधील दुसऱ्या एकदिवसीय सामन्यात विराट कोहली तिसऱ्या क्रमांकावर फलंदाजीसाठी उतरला होता. विराट कोहलीने ९० चेंडूत आपले शतक पूर्ण केले. हे त्याचे ५३ वे एकदिवसीय शतक ठरले. विराट कोहलीने या सामन्यात ९३ चेंडूंचा सामना करत १०२ धावा केल्या. यामध्ये त्याने ७ चौकार आणि २ षटकार लगावले आहेत.
रवी शास्त्री यांनी केलेल्या विधानावरून असे दिसून येते की संघात आणि बाहेर देखील असे काही लोक आहेत, जे कोहली आणि रोहितवर प्रश्नचिन्ह उपस्थित करत असतात किंवा त्यांना कमी लेखण्याचा प्रयत्न करत आहेत. जरी त्यांनी नावे त्यांनी घेतली नसले तरी त्यांच्या शब्दांवरून हे प्रतिबिंबित होते की, ते या वृत्तीच्या विरोधात आहेत.
रवी शास्त्री यांनी विराट कोहली आणि रोहित शर्मा या दोन्ही खेळाडूंच्या खेळाची आणि सामना जिंकण्याच्या क्षमतेचे कौतुक केले आहे. त्यांच्या मते, अनुभव आणि दर्जा एकत्रितपणे एक असा मानक निश्चित केला आहे जो ओलांडणे खूप कठीण असे आहे.
.png "Videos"){kind=small}
