IND vs SA 2nd ODI : दक्षिण आफ्रिकेविरुद्ध ‘विराट’ दर्शन! कोहलीने झळकवले 53 वे एकदिवसीय शतक

रायपूर येथील शहीद वीर नारायण सिंग आंतरराष्ट्रीय क्रिकेट स्टेडियमवर खेळला जात असलेल्या भारत आणि दक्षिण आफ्रिका यांच्यातील दुसऱ्या एकदिवसीय सामन्यात विराट कोहलीने आपले ५३ वे शतक ठोकले आहे.

IND vs SA 2nd ODI  : भारत आणि दक्षिण आफ्रिका यांच्यात तीन सामन्यांच्या एकदिवसीय मालिका खेळवली जात आहे. या मालिकेतील दुसरा सामना आज ३ नोव्हेंबर २०२५ रायपूर येथील शहीद वीर नारायण सिंग आंतरराष्ट्रीय क्रिकेट स्टेडियमवर खेळला जात आहे.   दक्षिण आफ्रिका संघाने टॉस जिंकून फलंदाजी करण्याचा निर्णय घेतला असून भारतीय संघ फलंदाजी करत आहे. या सामन्यात ऋतुराज गायकवाडनंतर विराट कोहलीने देखील शतक झळकवले आहे. विराट कोहलीने ९१ चेंडूत शतक पूर्ण केले. यामध्ये त्याने ७ चौकार आणि २ षटकार लगावले.

हेही वाचा : IND vs SA 2nd ODI :रायपूरमध्ये पुणेरी वादळ घोंघावले! Ruturaj Gaikwad चे दक्षिण आफ्रिकेविरुद्ध शानदार शतक

कर्णधार टेम्बा बावुमाने टॉस जिंकून भारताला प्रथम फलंदाजीसाठी पाचारण केले. भारताची सुरुवात अपेक्षित अशी राहिली नाही आणि ४० धावांवर भारताला रोहित शर्माच्या रूपाने पहिला धकाक बसला. त्याला नांद्रे बर्गरने १४ धावांवर माघारी पाठवले. त्यानंतर तिसऱ्या स्थानावर विराट कोहली मैदानावर आला. रोहितनंतर यशस्वी जैस्वाल देखील झटपट बाद झाला. त्याला २२ धावांवर मार्को जॅनसेनने आपली शिकार बनवले. चौथ्या नंबरवर आलेला ऋतुराज गायकवाड  आणि विराट कोहली यांनी डाव सावरला आणि या दोघांनी १९५ धावांची मोठी भागीदारी रचली.

See more

1⃣0⃣0⃣ in the 1st ODI FIFTY and counting in the 2nd ODI 🙌 Virat Kohli in terrific touch ✨ Updates ▶️ https://t.co/oBs0Ns6SqR#INDvSA | @IDFCFIRSTBank | @imVkohli pic.twitter.com/yKmdQxkjd1 — BCCI (@BCCI) December 3, 2025

या दोघांनी आपापली अर्धशतके पूर्ण केली. तसेच या दोघी खेळाडूंनी दक्षिण आफ्रिकेच्या गोलंदाजांवर चांगलाच हल्लाबोल चढवला. या दरम्यान ऋतुराज गायकवाडने ७८ चेंडूत आपले शतक पूर्ण केले. शतकानंतर गायकवाड बाद झाला. ऋतुराज गायकवाडने  ५३ चेंडूत १०५ धावा केल्या. यामध्ये त्याने १२ चौकार आणि २ षटकार लागवले. त्याला मार्को जॅनसेनने त्याला आपली शिकार बनवले. ऋतुराजनंतर विराट कोहलीनही आपले एकदिवसीय स्वरूपातील ५३ वे शतक पूर्ण केले. विराटने ९१ चेंडूत आपले ही ऐतिहासिक शतक पूर्ण केले. विराट आपले शतक पूर्ण करून बाद झाला. विराट ९३ चेंडूत १०२ धावा करून माघारी गेला. या खेळीत त्याने ७ चौकार आणि २ षटकार लगावले. त्याला एनगिडीने बाद केले. भारताने ४०.२ षटकात चार बाद २८७ धावा केल्या आहेत. कर्णधार केएल राहुल आणि वॉशिंग्टन सुंदर मैदानावर आहेत.

हेही वाचा : ICC Rankings : विराट कोहलीची मोठी झेप! रोहित शर्माचे अव्वल स्थान कायम; ‘या’ पाकिस्तानी खेळाडूचीही मोठी कामगिरी

दोन्ही संघांसाठी प्लेइंग इलेव्हन खालीप्रमाणे

भारतीय संघ :  यशस्वी जैस्वाल, रोहित शर्मा, विराट कोहली, रुतुराज गायकवाड,  केएल राहुल (कर्णधार, यष्टिरक्षक),  वॉशिंग्टन सुंदर,  रवींद्र जडेजा, कुलदीप यादव, हर्षित राणा, अर्शदीप सिंह, प्रदीप सिंह,

दक्षिण आफ्रिका संघ :  एडन मार्कराम, क्विंटन डी कॉक (यष्टीरक्षक),  टेम्बा बावुमा (कर्णधार),  मॅथ्यू ब्रेट्झके,  डेवाल्ड ब्रेविस, टोनी डी जिओर्गी,  मार्को जॅनसेन, कॉर्बिन बॉश,  केशव महाराज, नांद्रे बर्गर, एनगिडी .