Ind vs Sa 2nd Test: अरेरे..!भारतापेक्षा पाकची कामगिरी सरस! एका वर्षात दुसऱ्यांदा व्हाईट वॉश

भारत आणि दक्षिण आफ्रिका यांच्यात दोन सामन्यांची कसोटी मालिका खेळली गेली. या मालिकेतील दुसऱ्या कसोटी सामन्यात दक्षिण आफ्रिकेकडून भारताने ४०८ धावांच्या या सर्वात मोठ्या फरकाने पराभव पत्करला आहे.

• गुवाहटी टेस्टमध्ये दक्षिण आफ्रिकेने भारताचा ४०८ धावांनी केला पराभव 
• भारताचा आजवरचा हा सर्वात मोठ्या फरकाचा पराभव ठरला
• एका वर्षात दोन वेळा भारताला क्लीन स्वीप

Ind vs Sa 2nd Test : भारत आणि दक्षिण आफ्रिका यांच्यात दोन सामन्यांची कसोटी मालिका खेळवण्यात आली. या मालिकेतील शेवटचा आणि दूसरा कसोटी सामना गुवाहाटी येथे खेळला गेला. या सामन्यात दक्षिण आफ्रिकेने भारताचा तब्बल ४०८  धावांनी पराभव केला. दक्षिण आफ्रिकेने या विजयासह दोन कसोटी सामन्यांच्या मालिकेत भारताचा २-० असा धुव्वा उडवला आणि मालिका आपल्या नावे  केली. भारताच्या या पराभवामुळे संघ व्यवस्थापनावर चांगलीच टीका होत आहे. एका वर्षात दोन वेळा भारताला क्लीन स्वीप मिळाली आहे.

गुवाहाटी कसोटीच्या पाचव्या दिवशी ५४९ धावांच्या लक्ष्याचा पाठलाग करणाऱ्या भारतीय संघाने आपल्या दुसऱ्या डावात १४० धावांत सर्व गडी गमावले. दक्षिण आफ्रिकेने हा सामना ४०८ धावांनी जिंकला. भारताला आपल्या ९३ वर्षांच्या कसोटी इतिहासात पहिल्यांदाच ४०० पेक्षा जास्त धावांच्या फरकाने पराभव पत्करावा लागला आहे. गेल्या एका वर्षात भारतीय संघाचा घरच्या मैदानावर ७ कसोटी सामन्यांमधील हा पाचवा पराभव आहे.

हेही वाचा : “भारताला या मुलींचा अभिमान…” अंध टी-२० विश्वचषक विजेत्या संघाच्या भेटी दरम्यान विरोधी पक्षनेते राहुल गांधी यांचे गौरवोद्गार

या काळात भारताला दोनदा घरच्या मैदानावर क्लीन स्वीप व्हावे लागले आहे. ऑक्टोबर-नोव्हेंबर २०२४ मध्ये न्यूझीलंडने भारताला ३ कसोटी सामन्यांच्या मालिकेत ३-० असे हरवले होते. घरच्या मैदानावर सर्वांत कमकुवत एक वर्षापूर्वीपर्यंत घरच्या मैदानावर अजिंक्य मानला जाणारा भारतीय संघ यावेळी घरच्या मैदानावर जगातील सर्वांत कमकुवत संघांपैकी एक बनला आहे. गेल्या १३ महिन्यांत पाकिस्ताननेही भारतापेक्षा चांगला खेळ दाखवला आहे. या कालावधीत घरच्या मैदानावर भारतापेक्षा जास्त सामने फक्त झिम्बाब्वे संघाने गमावले आहेत. फक्त वेस्ट इंडिजला हरवू शकले ऑक्टोबर २०२४ पासून आतापर्यंत भारतीय संघाने घरच्या मैदानांवर तीन मालिका खेळल्या आहेत.

पाकची कामगिरी सरस

भारतापेक्षा पाकिस्तानची कामगिरी चांगली राहिली पाकिस्तानचा संघ प्रत्येक फॉरमॅटमध्ये टीम इंडियापेक्षा कमकुवत मानला जातो. परंतु, गेल्या १३ महिन्यांत पाकिस्ताननेही आपल्या घरच्या मैदानांवर भारतापेक्षा चांगली कामगिरी केली आहे. या कालावधीत पाकिस्तानने आपल्या घरच्या मैदानांवर ७ कसोटी सामने खेळले. यापैकी ४ मध्ये त्यांना विजय मिळाला आणि फक्त ३ मध्ये पराभव पत्करावा लागला.

हेही वाचा : IND vs SA : गौतम गंभीर माझा नातेवाईक नाही… दुसऱ्या अपमानास्पद पराभवानंतर आर. अश्विनने का केले असे विधान?