IND VS SA : यशस्वी जयस्वालचा WTC मध्ये महापराक्रम! ‘हा’ विक्रम करत जागतिक क्रिकेटमध्ये रचला इतिहास  

गुवाहाटी येथे खेळवण्यात ये असलेल्या दक्षिण आफ्रिकेविरुद्धच्या दुसऱ्या कसोटी सामन्यात, यशस्वी जयस्वालने त्याच्या कसोटी कारकिर्दीतील १३ वे अर्धशतक झळकवले आहे. यासोबत त्याने विक्रम रचला आहे.

Yashasvi Jaiswal created history at WTC : गुवाहाटी येथे खेळवण्यात ये असलेल्या दक्षिण आफ्रिकेविरुद्धच्या दुसऱ्या कसोटी सामन्यात, यशस्वी जयस्वालने त्याच्या कसोटी कारकिर्दीतील १३ वे अर्धशतक झळकवून एक अनोखा विक्रम प्रस्थापित केला. जुलै २०२३ पासून जयस्वाल कसोटी क्रिकेटमध्ये सर्वाधिक ५०+ धावा करणारा फलंदाज बनला आहे. यशस्वी  जयस्वालने त्याच्या कसोटी कारकिर्दीत २० ५०+ धावा फटकावल्या आहेत. दरम्यान, जो रूटने ४६ डाव खेळले असून त्यामध्ये एकूण १७ वेळा कसोटी क्रिकेटमध्ये ५०+ धावा काढल्या आहेत.

हेही वाचा : IND vs SA : एडेन मार्करामच्या जबरदस्त कॅचने नितीश कुमार रेड्डी झाला थक्क; Video Viral

यशस्वी जयस्वालच्या पदार्पणापासून सर्वाधिक कसोटी ५०+ धावा

1. २० – यशस्वी जयस्वाल (५२ डाव)
2. १७ – जो रूट (४६ डाव)
3. १५ – हॅरी ब्रूक (३५ डाव)
4. १३ – बेन डकेट (४७ डाव)
5. १२ – झॅक क्रॉली (४० डाव)

WTC मध्ये सलामीवीर म्हणून सर्वाधिक ५०+ धावा करणारा जयस्वाल हा जगातील दुसराच फलंदाज ठरला आहे आणि भारताकडून तो पहिलाच फलंदाज ठरला आहे. WTC मध्ये सलामीवीर म्हणून सर्वाधिक ५०+ धावा करण्याचा विक्रम दिमुथ करुणारत्नेच्या नावावर जमा आहे, त्याने २१ वेळा ही किमया साधली आहे. WTC मध्ये सलामीवीर म्हणून जयस्वालने २० वेळा वर्ल्ड कपमध्ये ५०+ धावा काढल्या आहेत.

WTC मध्ये सर्वाधिक ५०+ धावा करणारे सलामीवीर

1. २१ – दिमुथ करुणारत्ने (६४ डाव)
2. २०* – यशस्वी जयस्वाल (५२ डाव)
3. १९ – झॅक क्रॉली (८९ डाव)
4. १९ – उस्मान ख्वाजा (७३ डाव)
5. १८ – टॉम लॅथम (७० डाव)

हेही वाचा : ZM VS PAK : सलमान अली आघाने मोडला राहुल द्रविडचा विक्रम! ‘हा’ पराक्रम करणारा जगातील ठरला पहिला खेळाडू

२३ वर्षांच्या वयापर्यंत कसोटीत सर्वाधिक ५०+ धावा करणाऱ्या फलंदाजांमध्ये यशस्वी जयस्वाल पाचव्या क्रमांकावर विराजमा आहे. २३ वर्षांच्या वयापर्यंत कसोटी क्रिकेटमध्ये सर्वाधिक ५०+ धावा करणाऱ्या फलंदाजांमध्ये सचिन तेंडुलकर अव्वल आहे. सचिन तेंडुलकरने २३ वर्षांच्या वयापर्यंत २९ वेळा ५०+ धावा केल्या होत्या.

या यादीमध्ये रामनरेश सरवन दुसऱ्या क्रमांकावर विराजमान आहेत, त्याने त्याच्या कसोटी कारकिर्दीत २५ वेळा ५०+ धावा काढण्याची किमया केली आहे. वयाच्या २३ व्या वर्षी. अ‍ॅलिस्टर कुकने २३ वेळा, तर जावेद मियांदादने २२ वेळा ही कामगिरी बजावली केली आहे. तर न्यूझीलंडच्या केन विल्यमसनने २३ व्या वर्षी २० वेळा ५०+ धावा काढल्या आहेत.