IND vs SL: शुभमन गिलच्या बोटाला दुखापत (फोटो सौजन्य - इन्स्टाग्राम)
आता सराव सामन्यामध्ये शुभमन खेळणार नाही हे चित्र स्पष्ट झाले आहे. मात्र भारतीय क्रिकेट संघासाठी ही नक्कीच चांगली बाब नाही. शुभमन हा भारतासाठी अत्यंत भरवशाचा खेळाडू आहे आणि टेस्ट क्रिकेटमध्ये नेहमीच त्याने उत्तम कामगिरी केली आहे. त्यामुळे मुख्य सामन्यांपूर्वी शुभमनची दुखापत बरी व्हावी असंच सर्वांना वाटत आहे. मात्र तोपर्यंत सर्वांच्या डोक्यावरच टांगती तलवार लटकणार आहे हे मात्र नक्की!
मंडळाने दिलेल्या माहितीनुसार, खबरदारीचा उपाय म्हणून शुभमन गिल श्रीलंका क्रिकेट इलेव्हनविरुद्धच्या तीन दिवसीय सराव सामन्याच्या पहिल्या दिवशी मैदानात उतरणार नाही. बीसीसीआयची वैद्यकीय टीम त्याच्या आरोग्यावर आणि दुखापतीच्या प्रगतीवर सतत लक्ष ठेवून आहे. तथापि, खेळाडूची सुरक्षितता आणि आगामी कसोटी मालिका लक्षात घेऊन, केवळ खबरदारीचा उपाय म्हणून हे पाऊल उचलण्यात आले आहे. शुभमन गिलच्या नेतृत्वात भारतीय संघ ऐतिहासिक कामगिरी करण्याच्या तयारीत आहे. पण १५ पैकी तब्बल १२ खेळाडूंना श्रीलंकेत खेळण्याचा अनुभव नाही ही बाबही तितकीच महत्त्वाची आहे.
शुभमन गिलच्या अनुपस्थितीत, अनुभवी फलंदाज केएल राहुलची सराव सामन्यासाठी भारतीय संघाच्या कर्णधारपदी नियुक्ती करण्यात आली आहे. राहुल नाणेफेक आणि मैदानातील रणनीतीचे नेतृत्व करेल. १५ ऑगस्टपासून गॉलमध्ये सुरू होणाऱ्या दोन सामन्यांच्या कसोटी मालिकेपूर्वी भारतीय खेळाडूंना स्थानिक परिस्थितीशी आणि फिरकीला अनुकूल खेळपट्ट्यांशी जुळवून घेता यावे, हा कोलंबोमधील या सराव सामन्याचा मुख्य उद्देश आहे.
गॉलमधील ऐतिहासिक ६०० व्या कसोटी सामन्यापूर्वी गिल पूर्णपणे तंदुरुस्त असावा, यासाठी भारतीय संघ व्यवस्थापन सर्वतोपरी प्रयत्न करत आहे. गेल्या १० सामन्यांमध्ये सहा शतके आणि ११०९ धावा करून अलीकडच्या कसोटी क्रिकेटमध्ये उत्कृष्ट फॉर्ममध्ये असलेला गिल, भारतीय संघाच्या मालिका जिंकण्याच्या संधीसाठी अत्यंत महत्त्वाचा मानला जातो.
.png "Videos"){kind=small}
