IND W vs SL W Final Live: आशिया कप फायनलला सुरुवात! नाणेफेक भारताच्या बाजूने; श्रीलंकेविरुद्ध प्रथम फलंदाजीचा निर्णय

IND W vs SL W Asia cup Final 2026 India won Toss elected Bating: भारत आणि श्रीलंका यांच्यात आशिया कपचा अंतिम सामना खेळला जाणार आहे. त्याआधी नाणेफेकीसाठी दोन्ही कर्णधार मैदानात उतरले आहेत.

• फायनलआधी भारताची बाजी
• टॉस जिंकून प्रथम फलंदाजीचा निर्णय
• आठव्या जेतेपदाच्या लढतीला सुरुवात

भारत आणि श्रीलंका यांच्यात महिला आशिया कप २०२६ ( Womens Asia cup 2026) चा अंतिम महामुकाबल्याला थोड्याच वेळात सुरुवात होणार आहे. त्याआधी दोन्ही कर्णधार हरमनप्रीत कौर आणि चमारी अट्टापट्टू नाणेफेकीसाठी मैदानात उतरले आहे. भारताने नाणेफेक जिंकला असून प्रथम फलंदाजी करण्याचा निर्णय घेतला आहे. या सामन्यासाठी भारताने अंतिम ११ खेळाडूंमध्ये एक बदल केला आहे. प्रतिका रावलच्या जागी जी. कमलिनीला संधी देण्यात आली आहे. या स्पर्धेच्या उपांत्य फेरीत भारताने बांग्लादेशला पराभूत करून अंतिम फेरीत स्थान मिळवले, तर श्रीलंकेने पाकिस्तानला हरवून ट्रॉफीच्या फायनलमध्ये धडक मारली आहे. या स्पर्धेत आतापर्यंत भारत आणि श्रीलंका या दोन्ही संघांनी उत्कृष्ट कामगिरी करत अपराजित राहून अंतिम फेरी गाठली आहे. आता, विजेतेपदासाठी या दोन संघांमध्ये रोमांचक सामना होऊ शकतो.

IND vs AFG 1st T20 Live: भारताचा डावपेच ठरला; श्रेयस अय्यरने टॉस जिंकून घेतला ‘हा’ निर्णय; वैभव-वॉशिंग्टनला प्लेइंग-11 मधून डच्चू

आशिया कपमध्ये भारताचे वर्चस्व

सात वेळा चॅम्पियन ठरलेला भारतीय संघ महिला टी-२० आशिया कपच्या अंतिम सामन्यात श्रीलंकेला हरवून आठव्यांदा विजेतेपद पटकावण्याच्या तयारीत आहे. भारतीय महिला संघाने आशिया कपमध्ये आपले वर्चस्व गाजवले आहे. एकदिवसीय असो वा टी-२०, भारतीय संघ या स्पर्धेच्या प्रत्येक प्रकारात नेहमीच विजेतेपदाच्या सामन्यापर्यंत पोहोचला आहे. भारताने सर्वाधिक सात वेळा विजेतेपद पटकावले असून, आता तो आपल्या आठव्या विजेतेपदापासून केवळ एक पाऊल दूर आहे. भारत आणि श्रीलंका यांच्यातील २०२४ मध्ये झालेल्या आशिया कपच्या अंतिम सामन्यात, श्रीलंकेने भारताला पराभूत करून एक मोठा उलटफेर करत विजेतेपद पटकावले होते. त्यामुळे भारतीय संघाला त्या पराभवाचा बदला घेण्याची ही एक सुवर्णसंधी असेल.

कोणाचे पारडे जड?

महिलांच्या टी-२० आंतरराष्ट्रीय सामन्यांमध्ये भारत आणि श्रीलंका या दोन्ही संघांमध्ये एकूण ३१ सामने खेळले गेले आहेत. यापैकी भारतीय संघाने २५ सामने जिंकले आहेत, तर श्रीलंकेने फक्त पाच सामने जिंकले असून एक सामना अनिर्णित राहिला आहे. याशिवाय, महिलांच्या आशिया कपमध्ये भारताने श्रीलंकेवर वर्चस्व गाजवले आहे. आशिया कपमध्ये या दोन संघांमध्ये सहा सामने खेळले गेले असून, त्यापैकी भारताने चार आणि श्रीलंकेने फक्त एक सामना जिंकला आहे.

दोन्ही संघाचे प्लेइंग ११

भारत: स्मृती मानधना, शेफाली वर्मा, गुणालन कमलिनी, हरमनप्रीत कौर (कर्णधार), भारती फुलमाली, रिचा घोष (यष्टीरक्षक), दिप्ती शर्मा, प्रेमा रावत, श्री चर्नी, क्रांती गौड, नंदिनी शर्मा

श्रीलंका: चमारी अट्टापट्टू (कर्णधार), इमिशा दुलानी, विश्मी गुणरत्ने, हसिनी परेरा, हर्षिता समरविक्रमा, कविशा दिलहरी, नीलाक्षिका सिल्वा, कौशानी नुथ्यांगना (विकेटकीपर), सुगंधिका कुमारी, चामुडी प्रबोदा, मिताली अयोध्या

ICC Test Ranking: पाकिस्तानची अवस्था ‘ना घर का ना घाट का’; इंग्लंडकडून 0-3 ने व्हाईटवॉश, ICC Ranking मध्येही फटका