भारताने चौथ्यांदा आशियाई चॅम्पियन्स ट्रॉफीचे विजेतेपद पटकावले, रोमहर्षक अंतिम सामन्यात मलेशियाचा 4-3 ने केला पराभव!

मलेशियाविरुद्धच्या रोमहर्षक फायनलमध्ये भारताने तिसऱ्या क्वार्टरमध्ये एका मिनिटात दोन गोल करत एका टप्प्यावर १-३ अशी पिछाडीवर परतले.

Follow Us:

Follow Us:

चेन्नई येथे खेळल्या जात असलेल्या आशियाई चॅम्पियन्स ट्रॉफी हॉकीच्या (Asian Champions Trophy Hockey) अंतिम फेरीत भारताने मलेशियावर ४-३ अशी मात केली. भारतीय संघाने चौथ्यांदा हे विजेतेपद पटकावले आहे, तर मलेशियाने कधीही हे विजेतेपद पटकावलेले नाही. मलेशियाविरुद्धच्या रोमहर्षक फायनलमध्ये भारताने तिसऱ्या क्वार्टरमध्ये एका मिनिटात दोन गोल करत एका टप्प्यावर १-३ अशी पिछाडीवर परतले. चौथ्या क्वार्टरमध्ये केलेल्या चौथ्या गोलमुळे भारतीय संघाने हा सामना 4-3 असा जिंकला आणि चौथ्यांदा आशियाई चॅम्पियन्स ट्रॉफीवर नावं कोरलं. आता भारत हा आशियाई चॅम्पियन्स ट्रॉफी सर्वाधिक वेळा जिंकणारा देश बनला आहे. पाकिस्तानने तीन वेळा हे विजेतेपद पटकावले आहे.

पाच वर्षांनंतर टीम इंडिया पुन्हा एकदा चॅम्पियन

यापूर्वी भारताने 2011, 2016 आणि 2018 मध्ये ही ट्रॉफी जिंकली होती. भारत आणि पाकिस्तान 2018 मध्ये संयुक्त विजेते होते, कारण अंतिम सामना पावसामुळे रद्द झाला होता. टीम इंडिया पाच वर्षांनंतर पुन्हा एकदा चॅम्पियन बनली आहे. या संपूर्ण स्पर्धेत भारतीय संघ अपराजित राहिला. भारतीय हॉकी संघाला आता हँगझोऊ आशियाई क्रीडा स्पर्धेत सहभागी व्हायचे आहे. अशा स्थितीत या विजयाने भारतीय खेळाडूंचे मनोबल नक्कीच उंचावले असावे.

पंतप्रधान नरेंद्र मोदींनी विजेत्यांच केलं अभिनंदन

केंद्रीय क्रीडा मंत्री अनुराग ठाकूर, तामिळनाडूचे मुख्यमंत्री एमके स्टॅलिन, बुद्धिबळ चॅम्पियन विश्वनाथन आनंद, राणी रामपाल, सरदार सिंग आणि सविता पुनिया यांच्या नेतृत्वाखाली भारतीय महिला हॉकी संघ सामना पाहण्यासाठी पोहोचला होता. भारताचे पंतप्रधान नरेंद्र मोदी यांनी ट्विट करून टीम इंडियाचे विजयाबद्दल अभिनंदन केले आहे.

Web Title: India defeat malaysia won asian champions trophy hockey nrps

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com