क्रिकेट फॅन्ससाठी मोठी बातमी! आशिया चषकात पुन्हा होणार IND vs PAK ‘महामुकाबला’, वेळापत्रक जाहीर

जर तुम्ही क्रिकेट चाहते असाल तर आणखी एका महाकाव्यात्मक लढाईसाठी सज्ज व्हा. पुढच्या महिन्यात, आतापर्यंतचा सर्वात मोठा क्रिकेट सामना, भारत विरुद्ध पाकिस्तान सामना खेळला जाईल.

• ACC ने संपूर्ण वेळापत्रक केले जाहीर
• दोन्ही संघ एकाच गटात
• दुबईत रंगणार हाय-व्होल्टेज सामना

IND vs PAK: क्रिकेट चाहत्यांसाठी मोठी बातमी समोर येत आहे. आता पुन्हा एकदा भारत-पाकिस्तानचा (India vs Pakistan) सामना आपल्याल पाहायला मिळणार आहे. नुकतेच एसीसीने (ACC) याचे वेळापत्रक जाहीर केले आहे. त्यामुळे दिवाळीचे राहिलेल फटाके असतील तर बाहेर काढुन ठेवा. एसीसीने १२ डिसेंबरपासून सुरू होणाऱ्या आशिया कपचे वेळापत्रक जाहीर केले आहे. हा १९ वर्षांखालील आशिया कप असेल. एकूण आठ संघ सहभागी होत आहेत, त्यांना दोन गटात विभागले गेले आहे. भारत आणि पाकिस्तानला पुन्हा एकदा एकाच गटात स्थान देण्यात आले आहे.

पाच संघ निश्चित, तीन अद्याप खेळायचे आहेत

भारत विरुद्ध पाकिस्तान क्रिकेट सामन्यासाठी पुन्हा एकदा स्टेज तयार झाला आहे. आतापर्यंत पाच संघांनी त्यांचे स्थान निश्चित केले आहे. उर्वरित तीन संघांची नावे अद्याप अंतिम झालेली नाहीत. भारत आणि पाकिस्तान व्यतिरिक्त गट अ मधील दोन संघ अद्याप निश्चित झालेले नाहीत. गट ब मध्ये बांगलादेश, श्रीलंका आणि अफगाणिस्तान आहेत. चौथ्या संघाचे नाव अद्याप जाहीर झालेले नाही.

See more

The journey to the U19 Asian crown begins on 12th December! 😍 With the brightest young talents set to light up the UAE, the #DPWorldMensU19AsiaCup2025 promises high-quality cricket from the very first ball. Here’s your full run of fixtures! 🫡#ACC pic.twitter.com/f6ferPhURu — AsianCricketCouncil (@ACCMedia1) November 20, 2025

हे देखील वाचा: Ashes series 2025: मिचेल स्टार्कचा मोठा कारनामा! कसोटी पदार्पणानंतर ‘हा’ पराक्रम करणारा ठरला तो पहिलाच खेळाडू…

भारत विरुद्ध पाकिस्तान ‘महामुकाबला’ कधी

भारत संघ १२ डिसेंबर रोजी आपला पहिला सामना खेळेल. मात्र, ते कोणत्या संघाशी सामना करतील हे माहित नाही. भारताचा सामना क्वालिफायर १ च्या विजेत्या संघाशी होईल. भारत विरुद्ध पाकिस्तान सामन्याबद्दल बोलायचे झाले तर, हा महत्त्वाचा सामना १४ डिसेंबर रोजी, रविवारी खेळवला जाईल. स्पर्धेचे दोन्ही उपांत्य सामने १९ डिसेंबर रोजी खेळवले जातील आणि त्यानंतर २१ डिसेंबर रोजी अंतिम सामना होईल. पुढील वर्षी १९ वर्षांखालील विश्वचषक देखील होणार असल्याने, आशियाई संघांना त्यांच्या तयारीला अंतिम स्वरूप देण्याची ही एक चांगली संधी आहे. भारतीय संघ या स्पर्धेत फेव्हरिट म्हणून प्रवेश करण्याची अपेक्षा आहे. लवकरच संघाची घोषणा केली जाईल.

यंदाच्या १९ वर्षांखालील आशिया चषकात भारत आणि पाकिस्तानला पुन्हा एकदा एकाच गटात (Group A) स्थान देण्यात आले आहे.

दुबईमध्ये खेळवले जाणारे सामने

आशिया कप एसीसी (आशियाई क्रिकेट परिषद) च्या नेतृत्वाखाली खेळला जातो. त्याचे मुख्यालय दुबईमध्ये आहे. दुबईमध्ये आयसीसी मुख्यालय देखील आहे. बहुतेक सामने आयसीसी अकादमीमध्ये खेळवले जातील. या काळात १९ वर्षांखालील खेळाडू कसे कामगिरी करतात हे पाहण्यासाठी भारतासाठी ही एक चांगली संधी असेल. या स्पर्धेत वैभव सूर्यवंशी भारताकडून खेळताना दिसण्याची दाट शक्यता आहे.

हे देखील वाचा:  Ashes series 2025 : ऑस्ट्रेलिया-इंग्लंड संघांचा लाजिरवाणा विक्रम! क्रिकेट इतिहासात पहिल्यांदाच ओढवली नामुष्की