Colombo Weather: कोलंबो कसोटीच्या दुसऱ्या दिवशी पाऊस पडण्याची शक्यता, कसे राहील तासातासाला हवामान

Colombo Weather: भारत विरूद्ध श्रीलंकेदरम्यान कोलंबोमध्ये दुसरा कसोटी क्रिकेट सामना खेळला जात असून दुसर्या दिवशी पावसाची शक्यता वर्तविण्यात आली आहे. कसे असणार हवामान जाणून घ्या

• भारत विरूद्ध श्रीलंका दुसरा कसोटी क्रिकेट सामना 

• दुसऱ्या दिवशीच्या खेळावर पावसाचे सावट

• कसे राहणार दिवसभर हवामान, जाणून घ्या 

Colombo Weather: भारत आणि श्रीलंका यांच्यातील दुसऱ्या कसोटी सामन्याच्या पहिल्या दिवशी पावसामुळे कोणतीही अडचण आली नाही. पहिल्या दिवशी टीम इंडियाने ३०० चा टप्पा गाठला. दरम्यान दिवसभरात ५ विकेट्सही गमावल्या. हा सामना कोलंबो येथील सिंहलीज स्पोर्ट्स क्लबच्या मैदानावर खेळला जात आहे. गॉल आंतरराष्ट्रीय क्रिकेट स्टेडियमवर झालेल्या मालिकेतील पहिल्या सामन्यात पावसामुळे व्यत्यय आला होता. सामन्याच्या पहिल्या दिवशी कोलंबोमधील हवामान पूर्णपणे निरभ्र होते, परंतु दुसऱ्या दिवशी तशी अपेक्षा नाही.

IND vs SL: शुभमन गिलने WTC मध्ये उडवला ‘धुरळा’! अशी कामगिरी करणारा पहिला भारतीय कर्णधार

कोलंबोमधील आजचे हवामान

आज, सोमवारी, कोलंबोमध्ये पावसाची शक्यता वर्तविण्यात आली आहे. तथापि, सकाळी हवामान निरभ्र असेल असंही सांगण्यात आले आहे. सामना सकाळी १० वाजता सुरू झाला असून, AccuWeather नुसार, त्यावेळी पावसाची शक्यता ६६ टक्के आहे. दुपारपर्यंत पावसाची शक्यता सुमारे ५० टक्के आहे. संध्याकाळीही पावसाचा अंदाज आहे. सोमवारी कोलंबोमध्ये तापमान २८ ते ३१ अंश सेल्सिअस दरम्यान राहण्याची शक्यता आहे.

IND vs SL 2nd Test: ‘देवदत्त’ने वाचवला भारताचा डाव! पडिक्कलने पहिल्याच दिवशी पेटवली लंका; गिलनेही गाजवलं मैदान, भारत ३०० पार

कोलंबोमधील तासागणिक हवामान अपडेट्स

भारताचा पहिल्या दिवसाचा खेळ 

कोलंबोमध्ये पहिल्या दिवशी, भारतीय कर्णधार शुभमन गिलने नाणेफेक जिंकून प्रथम फलंदाजी करण्याचा निर्णय घेतला. देवदत्त पडिक्कलच्या सलग दुसऱ्या शतकाच्या जोरावर भारताने पहिल्या दिवसाचा खेळ संपताना पाच गडी गमावून ३०० धावा केल्या. पडिक्कलने दोनदा जीवदान मिळाल्याचा फायदा घेत, १२ चौकारांसह १९३ चेंडूंमध्ये ११७ धावा केल्या. 

देवदत्तने कर्णधार शुभमन गिल (५०) सोबत तिसऱ्या विकेटसाठी १२० धावांची आणि रवींद्र जडेजा (४३ धावा, ८३ चेंडू, चार चौकार) सोबत चौथ्या विकेटसाठी ७४ धावांची भागीदारी केली. सलामीवीर यशस्वी जयस्वालनेही ४५ धावांची उपयुक्त खेळी केली. दिवसाचा खेळ संपला तेव्हा ध्रुव जुरेल सात धावांवर, तर सारांश जैन चार धावांवर होता. ऋषभ पंतला लागल्यामुळे तो रिटायर्ट हर्ट होऊन तंबूत परतला होता.