IND Vs WI: उद्या क्रिकेटचा नव्हे तर पावसाचा खेळ? भारत-वेस्ट इंडिज टी 20 सामना होणार की नाही?

IND Vs WI: वेस्ट इंडिजचा संघ भारत दौऱ्यावर आहे. वनडे सिरिज झाल्यावर भारत आणि वेस्ट इंडिजचा संघ आता टी 20 सिरिज खेळणार आहे. उद्या पहि ला सामना खेळवला जाणार आहे.

• भारत वेस्ट इंडिज सामन्यावर पावसाचे संकट
• उद्यापासून सुरू होणार टी 20 सिरिज 
• वनडे सिरिजमध्ये भारताचा 2-1 ने विजय 

IND Vs WI T20 Series: नुकतीच भारत अन् वेस्ट इंडिज संघात वनडे सिरिज पार पडली. या सिरिजमध्ये भारताने 2-1 ने जिंकली आहे. शेवटच्या सामन्यात भारताचा पराभव झाला आहे. वेस्ट इंडिजचा संघ भारत दौऱ्यावर आहे. वनडे सिरिज झाल्यावर भारत आणि वेस्ट इंडिजचा संघ आता टी 20 सिरिज खेळणार आहे. उद्या पहि ला सामना खेळवला जाणार आहे. मात्र या सामन्यावर पावसाचे सावट असळचे म्हटले जात आहे. याबाबत अधिक माहिती जाणून घेऊयात.

भारत आणि वेस्ट इंडिज दरम्यान उद्या, म्हणजेच ६ ऑक्टोबरपासून 5 टी 20 सामन्यांची सिरिज खेळवली जाणार आहे. या सिरिजमधला पहिला सामना लखनऊ येथील ‘भारतरत्न श्री अटल बिहारी वाजपेयी इकाना आंतरराष्ट्रीय क्रिकेट स्टेडियम’वर संध्याकाळी ७ वाजता खेळवला जाणार आहे. या सामन्याचा टॉस संध्याकाळी ६:३० वाजता केला जाणार आहे.

टीम इंडियाचा ‘हा’ जादूगार पुनरागमन करणार? वेस्ट इंडिजविरुद्ध गोलंदाज अपयशी; दिनेश कार्तिक म्हणाला…

लखनऊमध्ये उद्या दिवसभर ढगाळ वातावरण राहण्याची शक्यता असून, सामन्यादरम्यान पावसाच्या सरी कोसळू शकतात. संध्याकाळच्या वेळी पाऊस पडल्यास टॉस होण्यास आणि सामना सुरू होण्यास उशीर होऊ शकतो. यामुळे सामना काही काळासाठी थांबवावा लागण्याचीही शक्यता वर्तवण्यात आली आहे. त्यामुळे उद्याच्या सामन्यावर पावसाचे सावट असल्याचे पाहायला मिळत आहे.

उत्तर प्रदेशची राजधानी लखनऊमध्ये गेल्या काही दिवसांपासून हवामानात मोठा बदल पाहायला मिळत आहे. हवामान खात्याने दिलेल्या अंदाजानुसार, शहरात १० ऑक्टोबरपर्यंत मुसळधार पावसाची शक्यता वर्तवण्यात आली आहे.

पावसाची टक्केवारी आणि दैनिक अंदाज

हवामान खात्याने जाहीर केलेल्या आकडेवारीनुसार, पुढील काही दिवसांत पावसाची शक्यता खालीलप्रमाणे राहील:

• मंगळवार: ६८ टक्के पावसाची शक्यता
• बुधवार: ७० टक्के पावसाची शक्यता
• गुरुवार: ६० टक्के पावसाची शक्यता
• शुक्रवार: ६८ टक्के पावसाची शक्यता
• शनिवार: ५५ टक्के पावसाची शक्यता

IND vs WI: मालिका संपताच भारत-वेस्ट इंडिजला मोठा झटका; दोन्ही संघांना ICC चा दणका; नेमकं कारण काय?

लखनऊ येथील भारतरत्न श्री अटल बिहारी वाजपेयी इकाना क्रिकेट स्टेडियमची खेळपट्टी फलंदाजी अन् गोलंदाजीसाठी उपयुक्त असल्याचे दिसून येत आहे. मात्र येथील खेळपट्टी संथ  राहण्यासोबतच फिरकी गोलंदाजांना अधिक अनुकूल ठरताना दिसली आहे. मात्र, नव्या चेंडूने सुरुवातीच्या ओव्हर्समध्ये वेगवान गोलंदाजांना मदत देण्याचा अंदाज वर्तवला जात आहे. सामना पुढे सरकेळ तसा खेळपट्टी अधिक संथ होऊ शकते. त्यामुळे या स्टेडियमवर प्रथम फलंदाजी करणे जास्त योग्य ठरू शकते.