भारतीय महिला क्रिकेटला मोठा धक्का! स्टार सलामीवीर Poonam Raut ची निवृत्ती

Poonam Raut: पूनम राऊत हिने २००९ ते २०२१ या काळात भारतीय महिला क्रिकेट संघासाठी ऑलिम्पिक आणि जागतिक स्तरावर उल्लेखनीय कामगिरी केली आहे.

• भारतीय महिला क्रिकेटपटू पूनम राऊतने घेतली निवृत्ती
• वयाच्या 37 व्या वर्षी इंटरनॅशनल क्रिकेटला निरोप 
• भारतीय संघाची माजी सलामीवीर म्हणून ओळख 

Poonam Raut: भारतीय महिला क्रिकेट संघाची भरवशाची माजी सलामीवीर पूनम राऊत हिने इंटरनॅशनल क्रिकेटमधून निवृत्ती जाहीर केली आहे. 37 वर्षीय पूनम राऊतने सोशल मिडियावर पोस्ट करत इंटरनॅशनल क्रिकेटच्या सर्व प्रकारच्या फॉर्मटमधून संन्यास घेण्याची घोषणा केली आहे. मुळे चाहत्यांना आणि भारतीय क्रिकेटला मोठा धक्का बसला आहे. पूनम राऊत हिने तिच्या निवृत्तीची घोषणा करताना क्रिकेट प्रवासातील अनेक सुंदर आठवणींना उजाळा दिला आहे.

पूनम राऊत हिने सोशल मिडियावर पोस्ट शेयर करत निवृत्तीची घोषणा केली आहे. भारतीय जर्सी घालून देशाचे प्रतिनिधित्व करणे हा तिच्या आयुष्यातील सर्वात अभिमानास्पद क्षण होता, असे तिने म्हटले आहे. बीसीसीआय, तिचे कुटुंब, सहकारी खेळाडू आणि आयुष्यभर पाठीशी उभे राहिलेल्या चाहत्यांचे तिने मनापासून आभार मानले आहेत. क्रिकेटविश्वातून तीला पुढील वाटचालीसाठी शुभेच्छा दिल्या जात आहेत.

Indian batter Punam Raut announced her retirement from international cricket. She represented the country in 4 Tests, 73 ODIs, and 35 T20Is, scoring 264, 2299, and 719 runs, respectively. https://t.co/murmV6ZgY2 — Circle of Cricket (@circleofcricket) October 16, 2026

पूनम राऊत हिने २००९ ते २०२१ या काळात भारतीय महिला क्रिकेट संघासाठी ऑलिम्पिक आणि जागतिक स्तरावर उल्लेखनीय कामगिरी केली आहे. भारतीय महिला संघात पूनम राऊत सलामीला खेळत असे. तिने आपल्या खेळीच्या जोरावर इंटरनॅशनल क्रिकेटमध्ये एक वेगळी आणि खास ओळख निर्माण केली.

IND Vs ZIM: आता कसोटी स्मृतीच्या नेतृत्वाची; झिम्बाब्वेविरुद्ध कर्णधार म्हणून खेळणार पहिलाच सामना

२०१७ च्या महिला एकदिवसीय विश्वचषक अंतिम सामन्यात पूनम राऊतने चांगली खेळी करत भारताला विजय मिळवून देण्याचा प्रयत्न केला होता. पूनम राऊत हिने भारतासाठी तिचा शेवटचा आंतरराष्ट्रीय सामना २०२१ मध्ये ऑस्ट्रेलियन संघाविरुद्ध खेळला होता. तिच्या या निवृत्तीमुळे भारतीय महिला क्रिकेटच्या एका सुवर्ण पर्वाचा अंत झाला असून, चाहत्यांनी सोशल मीडियावर तिला भावनिक निरोप दिला आहे.

बातमी अपडेट होत आहे…