IPL 2025 : पहिले शतक ठोकल्यानंतर इशान किशनने त्याच्या यशाचे श्रेय दिले या खेळाडूला, सेलिब्रेशनचा Video Viral

हैदराबाद विरुद्ध राजस्थान यांच्यामध्ये काल सामना झाला, यामध्ये हैदराबादच्या फलंदाजांनी कमालीची कामगिरी केली. यामध्ये ईशान किशनने हैदराबाद विरुद्ध पहिल्याच सामन्यात शतक झळकावले त्याचा व्हिडीओ व्हायरल होत आहे.

Ishan Kishan’s first century in IPL : सनरायझर्स हैदराबादचा फलंदाज इशान किशनने रविवारी राजस्थान रॉयल्सविरुद्ध शानदार खेळी करत शतक झळकावले. राजीव गांधी आंतरराष्ट्रीय स्टेडियमवर इशान किशनने २५ चेंडूत आपले अर्धशतक पूर्ण केले, त्यानंतर त्याने जलद शॉट्स मारले आणि ४५ चेंडूत आपले शतक पूर्ण केले. आयपीएल २०२५ च्या मेगा लिलावात इशान किशनला सनरायझर्स हैदराबादने ११.२५ कोटी रुपयांना खरेदी केले.

सनरायझर्स हैदराबादचे सर्व फलंदाज स्फोटक फलंदाजी करताना दिसले. अभिषेक शर्माने ११ चेंडूत २४ धावा, ट्रॅव्हिस हेडने ३१ चेंडूत ६७ धावा आणि नितीश कुमारने १५ चेंडूत ३० धावा केल्या. ४७ चेंडूत १०६ धावा करून इशान किशन नाबाद परतला. त्याने त्याच्या डावात ११ चौकार आणि ६ षटकार मारले. यापूर्वी, आयपीएल २०२५ च्या आधी मुंबई इंडियन्सने किशनला रिलीज केले होते.

CSK vs MI : माही आणि चहरचं अतुट नातं! मैदानात येताच गोलंदाजाने MS Dhoni ला डिवचल, कॅप्टन कुलच्या प्रतिक्रियेचा Video Viral

राजस्थानविरुद्ध शतक झळकावल्यानंतर, सामन्याच्या मध्यात झालेल्या मुलाखतीत इशान किशन म्हणाला, “मला बरं वाटत आहे, हे खूप दिवसांपासून घडणार होतं. गेल्या हंगामातही मला असंच करायचं होतं, पण शेवटी माझं पहिलं शतक झळकावल्याबद्दल मला खूप आनंद होत आहे. संघाने माझ्यावर विश्वास व्यक्त केला आहे आणि मी त्यांच्यासाठी माझं सर्वोत्तम देऊ इच्छितो. कर्णधाराने आपल्या सर्वांना पूर्ण स्वातंत्र्य आणि आत्मविश्वास दिला आहे. अभिषेक आणि हेडने चांगली सुरुवात केली तेव्हा डगआउटमध्ये बसलेल्या फलंदाजांनाही आत्मविश्वास मिळाला. खेळपट्टी चांगली होती आणि आमचा उद्देश फक्त विरोधी संघावर दबाव आणणे हा होता.”

तो पुढे म्हणाला, ‘आता आपल्याला गोलंदाजीत योग्य दिशा राखावी लागेल आणि गोष्टी सोप्या ठेवाव्या लागतील.’ राजस्थानचे गोलंदाज चांगले आहेत, पण जर आपण योग्य क्षेत्रात गोलंदाजी केली आणि आपल्या योजना राबवल्या तर आपण चांगली कामगिरी करू शकतो.

See more

𝙏𝙝𝙖𝙩 𝙢𝙖𝙞𝙙𝙚𝙣 #TATAIPL 𝙘𝙚𝙣𝙩𝙪𝙧𝙮 𝙛𝙚𝙚𝙡𝙞𝙣𝙜 🧡 A special first for Ishan Kishan as he brought up his 💯 off just 45 balls 🔥 Updates ▶️ https://t.co/ltVZAvInEG#SRHvRR | @SunRisers | @ishankishan51 pic.twitter.com/8n92H58XbK — IndianPremierLeague (@IPL) March 23, 2025

रविवारी इंडियन प्रीमियर लीग (आयपीएल) टी-२० सामन्यात सनरायझर्स हैदराबाद (एसआरएच) ने राजस्थान रॉयल्स विरुद्ध शानदार फलंदाजी केली आणि ६ विकेटच्या मोबदल्यात २८६ धावांचा मोठा स्कोअर केला. आयपीएलच्या इतिहासातील हा दुसरा सर्वोच्च धावसंख्या आहे.

आयपीएलमध्ये आतापर्यंतचा सर्वाधिक धावसंख्या देखील सनरायझर्स हैदराबादच्या नावावर आहे, जेव्हा संघाने गेल्या वर्षी रॉयल चॅलेंजर्स बंगळुरूविरुद्ध ३ विकेटच्या मोबदल्यात २८७ धावा केल्या होत्या. या सामन्यात एसआरएचसाठी पहिला सामना खेळणाऱ्या इशान किशनने ४७ चेंडूत नाबाद १०६ धावांची तुफानी खेळी केली, तर ट्रॅव्हिस हेडने ३१ चेंडूत ६७ धावा केल्या. राजस्थान रॉयल्सकडून तुषार देशपांडेने ३ आणि महेश तीक्षाने २ विकेट घेतल्या.