IPL 2025 Mega Auction : मेगा लिलावासाठी कोणत्या फ्रेंचायझीकडे किती कोटींची पोटली? कोणता संघ श्रीमंत?

खेळाडूंना कायम ठेवण्यासाठी कोणत्या संघाने किती पैसे खर्च केले आणि आता मेगा लिलावासाठी कोणाकडे किती पैसे शिल्लक आहेत हे जाणून घेऊया.

इंडियन प्रीमियर लीग २०२५ च्या मेगा लिलावाची चर्चा सोशल मीडियावर प्रचंड सुरु आहे. या मेगा लिलावामध्ये कोणत्या खेळाडूंवर किती कोटींची उधळण होईल हे पाहून मनोरंजक ठरेल. या मेगा लिलावामध्ये भारताच्या क्रिकेट संघामधील अनेक मोठ्या नावांचा समावेश आहे. भारताच्या अनेक मोठे खेळाडू म्हणजेच रिषभ पंत, श्रेयस अय्यर, युझवेन्द्र चहल या नावांचा समावेश आहे. इंडियन प्रीमियर लीग २०२५ मध्ये असलेल्या खेळाडूंनी त्याच्या रिटेन खेळाडूंची यादी जाहीर केली आहे तर काही खेळाडूंना रिलीज केले आहे त्यामुळे अनेक मोठे वाद पाहायला मिळाले होते.

इंडियन प्रीमियर लीग २०२५ साठी होणाऱ्या मेगा लिलावासाठी काही तास शिल्लक राहिले आहेत. यावेळी सौदी अरेबियातील जेद्दाह शहरात मेगा लिलावाचे आयोजन करण्यात आले आहे. हा मेगा लिलाव २४ आणि २५ नोव्हेंबर रोजी होणार आहे, ज्यामध्ये सर्व १० फ्रँचायझी मोठ्या प्रमाणात बोली लावताना दिसणार आहेत. काही संघांनी खेळाडूंना कायम ठेवण्यात चांगला पैसा खर्च केला आहे. खेळाडूंना कायम ठेवण्यासाठी कोणत्या संघाने किती पैसे खर्च केले आणि आता मेगा लिलावासाठी कोणाकडे किती पैसे शिल्लक आहेत हे जाणून घेऊया.

क्रीडा संबंधित बातमी वाचण्यासाठी येथे क्लिक करा

कोणाकडे किती पैसे शिल्लक?

आयपीएल २०२५ मेगा लिलावासाठी, सर्व संघांची पर्स किंमत १२० कोटी रुपये आहे, ज्यापैकी सर्व संघांनी खेळाडूंना कायम ठेवण्यात खर्च केला आहे. मेगा लिलावासाठी पंजाब किंग्जकडे सर्वाधिक रक्कम शिल्लक आहे. पंजाबने केवळ २ खेळाडूंना कायम ठेवले होते, ज्यात त्यांनी ९.५ कोटी रुपये खर्च केले होते. अशा स्थितीत पंजाबकडे उत्तम संघ तयार करण्याची सुवर्णसंधी आहे.

फ्रँचाइझीच्या पोटलीत किती रक्कम

पंजाब किंग्स – पर्स मूल्य रु. 110.5 कोटी शिल्लक (रु. 9.5 कोटी रिटेन खर्च)

सनरायझर्स हैदराबाद – पर्स मूल्य ४५ कोटी रुपये शिल्लक (75 कोटी रिटेन खर्च)

मुंबई इंडियन्स – पर्स मूल्य 45 कोटी रुपये शिल्लक (75 रिटेन खर्च)

लखनौ सुपर जायंट्स – पर्स मूल्य 69 कोटी रुपये शिल्लक (51 कोटी रुपये रिटेन खर्च)

राजस्थान रॉयल्स – पर्स मूल्य 41 कोटी रुपये शिल्लक – (79 कोटी रुपये रिटेन खर्च)

चेन्नई सुपर किंग्स – पर्स मूल्य 65 कोटी रुपये शिल्लक (55 कोटी रुपये रिटेन खर्च)

कोलकाता नाईट रायडर्स – पर्स मूल्य रु. 51 कोटी शिल्लक (रु. 69 कोटी रिटेन खर्च)

गुजरात टायटन्स – पर्स मूल्य 69 कोटी रुपये शिल्लक (51 कोटी रुपये रिटेन खर्च)

दिल्ली कॅपिटल्स – रु. 73 कोटी पर्स मूल्य शिल्लक (रु. 47 कोटी रिटेन खर्च)

रॉयल चॅलेंजर्स बंगळुरू – रु. 83 कोटी पर्स मूल्य शिल्लक (37 कोटी रिटेन खर्च).