दिल्लीविरूद्ध येणार का CSK चा वाघ MSD? कोच फ्लेमिंगने दिली रिकव्हरीवर अपडेट

CSK स्टार महेंद्रसिंग धोनीला मैदानावर परत पाहण्यासाठी उत्सुक आहे. स्पर्धेच्या सुरुवातीला दुखापतीमुळे संघाबाहेर गेलेल्या या खेळाडूविषयी संघाचे प्रशिक्षक स्टीफन फ्लेमिंग यांनी माहिती दिली आहे.

• आजच्या सामन्यात महेंद्रसिंह धोनी खेळणार का?

• प्रेक्षकांची उत्सुकता शिगेला

• कोच स्टिफन फ्लेमिंगोने दिली मोठी अपडेट 

इंडियन प्रीमियर लीग २०२६ मध्ये चेन्नई सुपर किंग्स (CSK) संघाची अवस्था बिकट आहे. सलग तीन सामने गमावल्यानंतर, संघ गुणतालिकेत तळाशी पोहोचला आहे. तर दुसरीकडे संघाचा स्टार खेळाडू महेंद्रसिंह धोनी नक्की कधी खेळणार याकडे चाहत्यांचे लक्ष लागून राहिले आहे. आज दिल्ली कॅपिटल्सविरूद्ध चेन्नईचा संघ खेळण्यासाठी उतरणार आहे आणि मुख्य प्रशिक्षक स्टीफन फ्लेमिंग यांनी एम.एस. धोनीच्या प्रकृतीबद्दल माहिती दिली. दुखापतीमुळे या माजी कर्णधाराला स्पर्धेतील पहिले तीन सामने खेळता आले नाहीत. धोनी सध्या पोटरीच्या दुखापतीतून सावरत असून रिहॅबिलिटेशनचे पालन करत आहे.

यंदा CSK चं खरं नाही! MS Dhoni लवकरच मैदानात? समोर आली महत्वाची अपडेट

कशी आहे चेन्नईची स्थिती 

MA चिदंबरम स्टेडियमवर सीएसके आणि दिल्ली कॅपिटल्स यांच्यातील सामन्यापूर्वी झालेल्या पत्रकार परिषदेत फ्लेमिंग यांनी सांगितले की, धोनी पुनरागमनासाठी कठोर परिश्रम घेत आहे. प्रशिक्षकांनी धोनीच्या पुनरागमनाची तारीख किंवा सामना जाहीर केला नाही, ज्यामुळे चाहत्यांना त्यांच्या आवडत्या स्टारला पाहण्यासाठी आणखी प्रतीक्षा करावी लागत आहे. स्पर्धा सुरू होण्यापूर्वीच धोनीच्या दुखापतीमुळे तो स्पर्धेतून बाहेर पडल्याची बातमी आली होती.

CSK या हंगामात संघर्ष करत आहे. अद्याप एकही विजय न मिळवता, संघ गुणतालिकेत तळाशी आहे. धोनी आणि डेवाल्ड ब्रेविस यांसारख्या महत्त्वाच्या खेळाडूंच्या अनुपस्थितीमुळे संघाला मोठा फटका बसत आहे. चांगली बातमी ही आहे की ब्रेविस लवकरच प्लेइंग इलेव्हनमध्ये परत येऊ शकतो, ज्यामुळे फलंदाजीची फळी मजबूत होईल. एका कार्यक्रमात ब्रेविसने पुनरागमनाचे संकेत देत म्हटले, “मित्रांनो, ११ तारखेला भेटू… मी प्रत्येक सामना, कुठेही खेळेन.” त्याच्या पुनरागमनामुळे मधली फळी मजबूत होऊ शकते.

संजू सॅमसनने स्वीकारली जबाबदारी 

एम.एस. धोनीच्या अनुपस्थितीत, संजू सॅमसनने यष्टीरक्षणाची जबाबदारी स्वीकारली आहे. मात्र, तो फलंदाजीमध्ये संघर्ष करत आहे. CSK साठीच्या आपल्या पहिल्या दोन सामन्यांमध्ये त्याने केवळ ६ आणि ७ धावा केल्या आहेत. स्पर्धा जसजशी पुढे जाईल, तसतशी त्याच्या कामगिरीत सुधारणा होईल अशी संघाला आशा आहे. वृत्तानुसार, धोनी पूर्ण तंदुरुस्तीच्या जवळ आहे. त्याने आधीच एक फिटनेस चाचणी दिली आहे आणि लवकरच दुसरी चाचणी देणार आहे. सर्व काही ठीक झाल्यास, तो १४ एप्रिल रोजी कोलकाता नाईट रायडर्सविरुद्धच्या सीएसकेच्या पुढील सामन्यासाठी उपलब्ध होऊ शकतो.

RCB कडून 43 धावांनी CSK चा पराभव तरीही बनवला World Record, T20 मध्ये अनोखा रेकॉर्ड!