फोटो सौजन्य - एक्स
पाकिस्तान सुपर लीग सुरू झाले आहे पण या लीगच्या सामन्यांची कमी आणि त्याच्या संबंधित होणाऱ्या वादाची चर्चा मोठ्या प्रमाणात होत आहे. पाकिस्तान सुपर लीग सुरू होऊन केवळ एक दिवस झाला आहे, पण त्यामुळे आधीच अनेक वाद निर्माण झाले आहेत. प्रथम, ही लीग बंद दाराआड आयोजित करण्याचा निर्णय घेण्यात आला, त्यानंतर स्टीव्ह स्मिथ आणि डेव्हिड वॉर्नरसारख्या प्रमुख खेळाडूंना धमक्या देण्यात आल्या. सामना सुरू होताच चेंडूचा रंग पांढऱ्यावरून गुलाबी झाला आणि आता एका पाकिस्तानी खेळाडूची वादग्रस्त पोस्ट समोर आली आहे.
पाकिस्तानी वेगवान गोलंदाज नसीम शाहने अलीकडेच पंजाबच्या मुख्यमंत्री मरियम नवाझ शरीफ यांच्या विरोधात एक पोस्ट केली आहे, ज्यामुळे खळबळ उडाली आहे. मरियम या पाकिस्तानचे माजी पंतप्रधान नवाझ शरीफ यांची कन्या आहे. पीएसएलच्या ११व्या हंगामाचा पहिला सामना लाहोर कलंदर्स आणि हैदराबाद किंग्समेन यांच्यात खेळला गेला. लाहोरमधील गद्दाफी स्टेडियमवर झालेल्या या सामन्यादरम्यान मरियम नवाज शरीफ व्हीआयपी पाहुण्या म्हणून उपस्थित होत्या. पीसीबीने त्यांच्या एक्स अकाउंटवर त्यांचा एक व्हिडिओ पोस्ट केला.
हा व्हिडिओ पुन्हा पोस्ट करत नसीम शाह यांनी लिहिले, ‘तिला लॉर्ड्सच्या राणीसारखी वागणूक का दिली जात आहे?’ मरियम नवाझ शरीफ यांच्या विरोधात नसीम शाह यांची ही पोस्ट अल्पावधीतच व्हायरल झाली, त्यानंतर मोठा गदारोळ झाला. मात्र, नसीम शाह यांनी नंतर स्पष्ट केले की त्यांचे एक्स अकाउंट हॅक झाले होते.
दुसऱ्या एका पोस्टमध्ये त्याने लिहिले, “नसीमचे हे अकाउंट अलीकडेच हॅक झाले होते, पण आता ते यशस्वीपणे परत मिळवण्यात आले आहे.” यावरून हे स्पष्ट होते की, आधीची टिप्पणी ही त्याची वैयक्तिक मते नव्हती.
🚨 Naseem Shah tweeted about Maryam Nawaz… then deleted it within 5 minutes! 😳#PSL pic.twitter.com/ADqQt1D6E1 — Khan (@ccricket713) March 26, 2026
सामन्याबद्दल बोलायचे झाल्यास, प्रथम फलंदाजी करताना लाहोर कलंदर्सने फखर जमानच्या शानदार अर्धशतकाच्या जोरावर १९९ धावा केल्या. फखरने १० चौकारांसह ५३ धावांची उत्कृष्ट खेळी केली. या धावसंख्येचा पाठलाग करताना, हैदराबाद किंग्समेनचा संघ २० षटकांत १३० धावांवर सर्वबाद झाला. त्याच्या खेळीसाठी फखर जमानला सामनावीर पुरस्काराने सन्मानित करण्यात आले.
.png "Videos"){kind=small}
