काव्या मारनने अबरार अहमदवर उधळलेल्या करोडोंवर फेरलं पाणी! द हंड्रेडमध्ये खेळाडूच्या सहभागाबद्दल शंका, जाणून घ्या सविस्तर

सनरायझर्स हैदराबादची मालकीण काव्या मारन मागील काही दिवसांपासून सातत्याने चर्चेत आहे. अबरार अहमदला खरेदी करने त्यांना चांगलेच महागात पडले आहे कारण त्यामुळे मोठ्या प्रमाणात टीका केली जात आहे.

हंड्रेड लीगने पहिला लिलाव आयोजित केला होता. भारतात त्याची फारशी चर्चा होत नाही, पण जेव्हा सनरायझर्स हैदराबादची बहीण फ्रँचायझी सनरायझर्स लीड्सने पाकिस्तानी खेळाडू अबरार अहमदला निवडले तेव्हा वाद निर्माण झाला. सनरायझर्स संघाचे नेतृत्व करणारी काव्या मारन पाकिस्तानी खेळाडूसाठी कोट्यवधी रुपये खर्च केल्याबद्दल टीकेच्या भोवऱ्यात सापडली. अनेक गोष्टी बोलल्या जात होत्या, पण आता असे दिसून येत आहे की अबरार अहमदची द हंड्रेड लीगमध्ये खेळण्याची शक्यता ५०-५० आहे.

इंडियन प्रिमियर लीगचा संघ सनरायझर्स हैदराबादची मालकीण काव्या मारन मागील काही दिवसांपासून सातत्याने चर्चेत आहे. द हंड्रेड लिलावानंतर मोठ्या वादात सापडली आहेत. १२ मार्च रोजी झालेल्या द हंड्रेड लिलावात तिने पाकिस्तानी खेळाडू अबरार अहमदला खरेदी केले. अबरार अहमदला खरेदी करने त्यांना चांगलेच महागात पडले आहे कारण त्यामुळे मोठ्या प्रमाणात टीका केली जात आहे. टी-२० लीगमध्ये पाकिस्तानी खेळाडूसाठी भारतीय फ्रँचायझीने पहिल्यांदाच बोली लावली होती. २००९ पासून आयपीएलमध्ये पाकिस्तानी खेळाडूंवर बंदी आहे, परंतु इंग्लंडच्या १००-बॉल लीगमध्ये पाकिस्तानी खेळाडूवर सट्टा लावून काव्या मारन मोठ्या अडचणीत सापडली आहे.

IPL 2026 : या दोन चॅम्पियन खेळाडूंना सोडणे केकेआरसाठी पडले महागात, चुकीच्या निर्णयाचे परिणाम संघाला लागणार भोगावे!

सनरायझर्स लीड्सने २०२६ च्या द हंड्रेड लीग हंगामासाठी पाकिस्तानी फिरकी गोलंदाज अबरार अहमदला १९०,००० ग्रेट ब्रिटन पौंड (अंदाजे २.३४ कोटी रुपये) मध्ये खरेदी केले होते. आता, या स्पर्धेत त्याचा सहभाग संशयास्पद आहे. यामागील कारण आंतरराष्ट्रीय प्रतिबद्धता आहे. द हंड्रेड विंडो दरम्यान पाकिस्तान संघाला वेस्ट इंडिजचा दौरा करायचा असल्याने पाकिस्तान क्रिकेट बोर्ड (PCB) त्याला ना हरकत प्रमाणपत्र (NOC) देऊ शकणार नाही. पाकिस्तान संघ १५ जुलै ते ७ ऑगस्ट दरम्यान दोन कसोटी सामन्यांच्या मालिकेसाठी वेस्ट इंडिजचा दौरा करेल. द हंड्रेड २१ जुलैपासून सुरू होईल आणि १६ ऑगस्टपर्यंत चालेल.

टीओआयच्या एका वृत्तानुसार, एका सूत्राने सांगितले की, “पाकिस्तान वेस्ट इंडिजविरुद्ध दोन सामन्यांची कसोटी मालिका खेळणार आहे, त्यामुळे तो द हंड्रेडमध्ये खेळू शकणार नाही.” तथापि, सूत्राने सांगितले की त्याला खूप पैसे मिळाले आहेत आणि पीसीबी प्रमुखांशी त्याचे चांगले संबंध आहेत, त्यामुळे शक्यता ५०-५० आहेत. सूत्राने सांगितले की, “हे खूप पैसे आहेत. त्याच्या एजंटने त्याचे नाव लिलावात टाकले आहे, याचा अर्थ त्याला एनओसी मिळण्याची खात्री आहे. तो सध्याच्या काही पाकिस्तानी क्रिकेटपटूंपैकी एक आहे ज्यांचे पीसीबी प्रमुखांशी चांगले संबंध आहेत. द हंड्रेडमध्ये खेळण्याची त्याची शक्यता ५०-५० आहे.”