फोटो सौजन्य - सोशल मिडिया
Anil Kumble questioned KKR : आयपीएल २०२४ मध्ये प्रभावी विजयानंतर श्रेयस अय्यर आणि फिल साल्ट यांना सोडून देऊन कोलकाता नाईट रायडर्सने चुकीचा निर्णय घेतला असे भारताचे माजी कर्णधार अनिल कुंबळे यांचे मत आहे. संघाच्या विजेतेपदात श्रेयस आणि साल्ट दोघांनीही महत्त्वाची भूमिका बजावली असे सांगून कुंबळे यांनी फ्रँचायझीच्या खेळाडूंना कायम ठेवण्याच्या धोरणावर प्रश्नचिन्ह उपस्थित केले.
श्रेयसच्या नेतृत्वाखाली, केकेआरने २०२४ मध्ये तिसऱ्यांदा आयपीएलचे विजेतेपद जिंकले. या फलंदाजाने १४ डावांमध्ये १४६.८६ च्या स्ट्राईक रेटने ३५१ धावा केल्या, ज्यात दोन अर्धशतकांचा समावेश होता. सॉल्टबद्दल बोलायचे झाले तर, या इंग्लिश क्रिकेटपटूने १२ डावांमध्ये १८२ च्या स्ट्राईक रेटने ४३५ धावा केल्या, ज्यात चार अर्धशतकांचा समावेश होता.
बर्फ आणि आग नाही, फायर आहोत फायर…का म्हटलं असं संजू सॅमसनने मुलाखतीत! सोशल मिडियावर Video Viral
JioHotstar वर बोलताना, माजी भारतीय लेग-स्पिनर म्हणाले, “दोन वर्षांपूर्वी केकेआरने आयपीएल जिंकले आणि त्यांचा तिसरा ट्रॉफी जिंकला. त्या विजयात दोन प्रमुख खेळाडू श्रेयस अय्यर आणि फिल साल्ट होते. दोघांनीही संघाच्या विजयात महत्त्वाची भूमिका बजावली होती, परंतु केकेआरने त्या दोघांनाही जाऊ दिले. खेळाडूंच्या रिटेनशनमध्ये सातत्य नसल्याचे दिसून येते. श्रेयस अय्यर आणि फिल साल्टला सोडून देऊन केकेआरने चुकीचा निर्णय घेतला आणि त्यामुळे आता त्यांच्याकडे आयपीएल जिंकणारा कर्णधार नाही.”
केकेआरचा सध्याचा कर्णधार अजिंक्य रहाणेबद्दल बोलताना कुंबळे म्हणाले की, त्याच्याकडे बराच अनुभव असला तरी, ३७ वर्षीय खेळाडूने कर्णधार म्हणून अद्याप आयपीएलचे विजेतेपद जिंकलेले नाही. तो म्हणाला, “हो, अजिंक्य रहाणे हा एक अनुभवी खेळाडू आहे. त्याने स्थानिक क्रिकेटमध्ये मुंबईचे आणि आयपीएलमध्ये राजस्थान रॉयल्सचे नेतृत्व केले आहे. पण त्याला अद्याप कर्णधार म्हणून आयपीएलचे विजेतेपद जिंकता आलेले नाही. ज्या संघाचा कर्णधार यापूर्वी ट्रॉफी जिंकला आहे त्याला फायदा असतो. केकेआरने तो फायदा वाया घालवला.”
श्रेयस अय्यर आणि फिल साल्ट यांच्या सुटकेनंतर कोलकाता नाईट रायडर्सचा आयपीएल २०२५ चा हंगाम निराशाजनक राहिला. ते ७ व्या स्थानावर राहिले, ५ जिंकले आणि ७ पराभव पत्करले, २ सामने निकालाशिवाय संपले. गेल्या वर्षी, अय्यरने पंजाब किंग्जला हंगामाच्या अंतिम फेरीत नेले.
