फोटो सौजन्य - Lucknow Super Giants सोशल मीडिया
झहीर खान : सध्या आयपीएलचा हंगाम सुरु आहे. यामध्ये आज लखनौ सुपर जायंट्सचा सामना कोलकाता नाईट रायडर्स विरुद्ध सुरु आहे. या संघाचे नेतृत्व सध्या रिषभ पंत करत आहे. तर संघाचे मेंटॉर हे झहीर खान आहेत. भारतीय गोलंदाज आणि २०११ च्या विश्वचषक विजेत्या संघाचा महत्त्वाचा सदस्य, झहीर खान सध्या लखनौ सुपर जायंट्सच्या मार्गदर्शकाची भूमिका बजावत आहे. त्याने भारतीय संघासाठी मोठी कामगिरी केली आहे. सध्या भारताचे प्रशिक्षक हे संघाचे माजी खेळाडू गौतम गंभीर हे टीम इंडियाचे मुख्य प्रशिक्षक आहेत. त्याच्या उपस्थितीचा फायदा आयपीएल संघातील तरुण आणि अनुभवी खेळाडूंना होत आहे.
२०११ च्या विश्वचषकात आपल्या गोलंदाजीने विरोधी फलंदाजांना त्रास देणाऱ्या झहीरला अलीकडेच कोलकाता येथे झालेल्या एका कार्यक्रमात भारतीय राष्ट्रीय संघाचे प्रशिक्षक होण्याच्या शक्यतेबद्दल विचारण्यात आले. यावर उत्तर देताना त्यांनी गमतीने विचारले की अर्ज न करता असे पद कसे मिळू शकते. त्यांना पुन्हा एकदा याबद्दल प्रश्न विचारण्यात आला, ज्यावर त्यांनी उत्तर दिले, ‘टीम इंडियाचा प्रशिक्षक होणे हा सन्मान असेल.’ टीम इंडियाच्या मुख्य प्रशिक्षक म्हणून झहीरची भविष्यातील भूमिका टीम इंडियाला खूप फायदेशीर ठरू शकते, कारण त्याला आयपीएलमध्ये भरपूर अनुभव आहे.
लखनौमध्ये येण्यापूर्वी, झहीर मुंबई इंडियन्सचे क्रिकेट संचालक, ग्लोबल डेव्हलपमेंट प्रमुख आणि गोलंदाजी प्रशिक्षक होते. लखनौ सुपर जायंट्ससोबतच्या त्याच्या अलिकडच्या मार्गदर्शनामुळे त्याच्या ओळखींमध्ये आणखी भर पडली आहे. झहीर खानचा असा विश्वास आहे की आयपीएल हा प्रतिभावान क्रिकेटपटूंचा एक महत्त्वाचा स्रोत आहे.
Former Indian pacer Zaheer Khan is ready to coach Team India if given the opportunity in the future.#ZaheerKhan #Indiancricket #Insidesport #CricketTwitter pic.twitter.com/VdXqPG3Pfq
— InsideSport (@InsideSportIND) April 7, 2025
पुढे झहीर खान म्हणाला, ‘मर्यादित संधींमुळे अनेक प्रतिभावान खेळाडू सामन्यापासून दूर होते. पण आता बरेच लोक आयपीएल फ्रँचायझीकडून खेळण्याचे स्वप्न पूर्ण करण्यास तयार आहेत. हे स्वप्न त्याला राष्ट्रीय संघात पोहोचण्यास मदत करते. जेव्हा तुम्ही ड्रेसिंग रूममध्ये प्रवेश करता तेव्हा तुम्हाला नेहमीच नवीन खेळाडू शिकण्यास उत्सुक दिसतात. तो निकोलस पूरन, ऋषभ पंत किंवा आंतरराष्ट्रीय अनुभव असलेल्या इतर कोणत्याही वरिष्ठ क्रिकेटपटूच्या सतत संपर्कात असतो. भारतीय क्रिकेटचे वर्चस्व टिकवून ठेवण्यासाठी हे सर्व खूप महत्वाचे आहे. अशा खेळाडूंसोबत काम केल्याने मला खरे समाधान मिळते.
.png "Videos"){kind=small}
