IPL चा ‘फ्लॉप शो’! Power Play मध्ये ‘या’ संघांना 20 धावाही करणे झाले कठीण; दिग्गज अन्…

फलंदाजी करणाऱ्या संघासाठी पॉवर प्ले अत्यंत महत्वाचा समजला जातो. गोलंदाजी करणाऱ्या संघाचे दोनच खेळाडू या काळात सीमारेषेवर ठेवण्याची परवानगी असते. त्यामुळे फलंदाज आक्रमक फलंदाजी करू शकतात.

आयपीएलच्या इतिहासात अनेक रेकॉर्ड आले समोर 
पॉवर प्लेमध्ये अनेक संघाची फलंदाजी कोलमडली 
20 पेक्षा अधिक धावा करणे झालेले अवघड

Indian Premier League Records: 2008 मध्ये आयपीएल म्हणजेच इंडियन प्रीमियर लीग या स्पर्धेला सुरुवात झाली. यंदा 2026 मध्ये या स्पर्धेचे 19 वा सीझन सुरू झाला आहे. यंदाच्या हंगामात दोन सामने देखील पार पडले आहेत. आज आपण असे काही रेकॉर्ड जाणून घेणार आहोत, ज्याबद्दल तुम्हाला कदाचित माहिती नसेल. फलंदाजी करणारा संघासाठी पॉवर प्ले हा अत्यंत महत्वाचा असतो. तर आज आपण असे काही संघ पाहणार आहोत की ज्या संघांनी पॉवर प्लेमध्ये 20 देखील (Cricket) धावा केल्या नाहीत.

फलंदाजी करणाऱ्या संघासाठी पॉवर प्ले अत्यंत महत्वाचा समजला जातो. गोलंदाजी करणाऱ्या संघाचे दोनच खेळाडू या काळात सीमारेषेवर ठेवण्याची परवानगी असते. त्यामुळे फलंदाज आक्रमक फलंदाजी करू शकतात व मोठी धावसंख्या करण्यासाठी प्रयत्न करतात. मात्र याच वेळेस आक्रमक फलंदाजी करताना ताळमेळ नसला तर तो फलंदाज पटकन बाद देखील होतो. आज आपण ज्या संघांना पॉवर प्ले मध्ये 20 धावा देखील करणे कठीण गेले, त्याबाबत जाणून घेणार आहोत.

आरसीबी विरुद्ध दिल्ली कॅपिटल्स 

हा सामना सर्वात कमी धावा पॉवर प्ले मध्ये करण्यासाठी ओळखला जातो. रॉयल चॅलेंजर्स बंगलोरचा संघ फलंदाजी करत होता. तेव्हा आरसीबीने पहिल्या ओव्हर्समध्ये 2 धावा केल्या. मात्र नंतर सामना सुरू असलेल्या ठिकाणी पाऊस सुरू झाला. त्यानंतर सामनाच रद्द झाला. त्यामुळे आरसीबीने केलेल्या 2 धावा या पॉवर प्ले मध्ये सर्वात कमी धावा करण्याच्या रेकॉर्डमध्ये प्रथम स्थानी आल्या.

अबब! KKR चा पराभव ‘त्या’ 21 चेंडूंमुळे; IPL मध्ये Andre Russell नसल्याने….; चर्चेला उधाण

चेन्नई विरुद्ध आरसीबी

आयपीएलच्या इतिहासात पॉवर प्ले मध्ये कमी धावा करण्याचा दूसरा रेकॉर्ड चेन्नई सुपर किंग्सच्या नावावर आहे. चेन्नई विरुद्ध आरसीबी असा सामना सुरू होता. 2013 मध्ये झालेल्या या सामन्यात चेन्नईचे फलंदाज लवकर बाद झाले. तर चेन्नईने पॉवर प्लेमध्ये केवळ 11 धावा केल्या होत्या आणि 3 फलंदाज बाद झाले होते.

विजयाचा श्रीगणेशा! IPL मध्ये MI ने मोडला 14 वर्षांचा जुना ‘शाप’; KKR विरुद्ध हिटमॅनची वादळी खेळी

एसआरएच विरुद्ध आरआर

2022 मध्ये आक्रमक फलंदाजीसाठी प्रसिध्द असलेल्या सनरायझर्स हैद्राबादला 2022 मध्ये राजस्थान रॉयल्सविरुद्ध पराभवाचा सामना करावा लागला. आरआर विरुद्ध हैद्राबादच्या संघाने वेगाने आपल्या विकेट गमावल्या. पहिल्या 6 ओव्हर्समध्ये 14 धावा करून 3 खेळाडू बाद झाले.