IND Vs SL: हातात हात घालूनी आली संकटे! दुखापतींमुळे ‘हे’ स्टार खेळाडू मैदानाबाहेर, ‘या’ संघाची अडचण वाढली

दोन्ही संघांसाठी सिरिज महत्वाची असणार आहे. सध्या भारत अन् श्रीलंका यांच्यात सराव सामना सुरू आहे. दरम्यान सिरिज सुरू होण्याआधीच श्रीलंकेच्या गोटातून एक मोठी बातमी समोर येत आहे.

• 15 ऑगस्टपासून भारत-श्रीलंका टेस्ट सिरिज सुरू होणार 
• सिरिज सुरू होण्याआधी श्रीलंकेचे दोन खेळाडू स्पर्धेबाहेर 
• सराव सामन्यात भारताचा कर्णधार शुभमन गिल देखील जखमी 

India Vs SRI Lanka Test Series: येत्या 15 ऑगस्टपासून भारत विरुद्ध श्रीलंका यांच्यात दोन सामन्यांची टेस्ट सिरिज सुरू होणार आहे. वर्ल्ड टेस्ट चॅम्पियनशिप अंतर्गत ही सिरिज खेळवली जाणार आहे. त्यामुळे दोन्ही संघांसाठी सिरिज महत्वाची असणार आहे. सध्या भारत अन् श्रीलंका यांच्यात सराव सामना सुरू आहे. दरम्यान सिरिज सुरू होण्याआधीच श्रीलंकेच्या गोटातून एक मोठी बातमी समोर येत आहे.

15 ऑगस्टपासून सुरू होणाऱ्या भारत विरुद्ध श्रीलंका टेस्ट सिरिजआधी श्रीलंकेला मोठा धक्का बसला आहे. श्रीलंकेला दोन मोठे धक्के बसले आहेत. दोन खेळाडू दुखापतीमुळे खेळू शकणार नाहीयेत. कुशल मेंडिस पूर्ण सिरिजमधून बाहेर गेला आहे. तर पथूम निसांका हा पहिला सामना खेळू शकणार नाहीये. त्यामुळे सिरिज सुरू होण्याआधीच श्रीलंकेला धक्का बसला आहे. आता श्रीलंका क्रिकेट बोर्ड कोणाला संधी देणार हे पहावे लागणार आहे.

श्रीलंकेचा स्टार खेळाडू आणि विकेटकिपर कुसल मेंडिस उजव्या पायाला दुखापत झाल्यामुळे संपूर्ण कसोटी मालिकेतून बाहेर पडला आहे. तसेच पथूम निसांका देखील मनगटाच्या दुखापतीमुळे पहिल्या कसोटी सामन्याला मुकणार आहे. मालिकेची सुरुवात होण्यापूर्वीच दोन आघाडीच्या फलंदाजांच्या दुखापतीमुळे श्रीलंकेच्या संघ व्यवस्थापनाची आणि निवड समितीची डोकेदुखी प्रचंड वाढली आहे.

IND vs SL: युवा श्रीलंकेने काढली भारताची लाज; पहिल्याच दिवशी चोपल्या ३६३ धावा, टीम इंडिया फ्लॉप

19 जुलै रोजी एका प्रीमियर लीगमध्ये कोलंबो कॅप्सकडून खेळताना रन काढत असताना त्याला उजव्या पायाला दुखापत झाली. त्यानंतर तो वैद्यकीय टीमच्या देखरेखीखाली उपचार घेत होता. भारताविरुद्ध खेळण्यासाठी तो तंदुरूस्त होईल असे वाटत होते. मात्र अंतिम वैद्यकीत तपासणीत तो फिट नसल्याचे समोर आले आहे. त्यामुळे या सिरिजमध्ये खेळू शकणार नसल्याचे स्पष्ट झाले आहे.

कुसल मेंडिस संघात नसल्याने श्रीलंकेच्या मिडल ऑर्डरचे संतुलन बिघडले आहे. कुसल मेंडिस केवळ फलंदाज नव्हता तर तो श्रीलंकेसाठी विकेटकीपिंग देखील करत असे. त्यामुळे आता श्रीलंकेला विकेटकीपिंग करत असलेला खेळाडू शोधावा लागणार आहे.

IND Vs SL: गर्वाचे घर खाली! श्रीलंकेला बुडवायची स्वप्न मात्र विकेट कुठे मिळतेय? पहिल्या 20 ओव्हर्समध्ये…

कसे आहे वेळापत्रक?

पहिला सामना – 15 ऑगस्ट ते 19 ऑगस्ट 2026
दुसरा सामना – 23 ते 27 ऑगस्ट 2026