IND vs SL ODI: भारत-श्रीलंका मालिकेबाबत मोठी अपडेट! पहिल्या वनडे सामन्याचे ठिकाण बदलले; पाहा अपडेटेड शेड्यूल

BCCI Announce IND vs SL 1st ODI Venue Changed: भारत आणि श्रीलंका यांच्यातील एकदिवसीय मालिकेच्या वेळापत्रकात थोडा बदल करण्यात आला आहे. कसे आहे सुधारित वेळापत्रक, जाणून घ्या.

• टीम इंडियाच्या श्रीलंका मालिकेत मोठा बदल
• पहिल्या वनडेचे ठिकाण बदलले
• पाहा संपूर्ण मालिकेचे नवे वेळापत्रक

IND vs SL updated Schedule : श्रीलंकेचा संघ डिसेंबर २०२६ मध्ये भारताच्या दौऱ्यावर येणार आहे. या दौऱ्यात दोन्ही देशांमध्ये तीन एकदिवसीय आणि तीन टी-२० सामने खेळले जातील. या मालिकेच्या वेळापत्रकात थोडा बदल करण्यात आला आहे. भारत आणि श्रीलंका यांच्यातील पहिला एकदिवसीय सामना मूळतः दिल्लीतील अरुण जेटली स्टेडियमवर खेळवला जाणार होता. मात्र, आता हे ठिकाण बदलण्यात आले आहे. दिल्लीतील चाहत्यांना आता रोहित शर्मा आणि विराट कोहली यांना पाहता येणार नाही. सुधारित वेळापत्रकानुसार, कुठे खेळवला जाणार आहे, जाणून घेऊयात.

Virat Kohli: दिल्लीच्या ड्रेसिंग रूममध्ये विराट कोहलीची एन्ट्री होणार? विजय हजारे ट्रॉफीत खेळण्याबाबत प्रशिक्षकांनी केला मोठा खुला

भारत-श्रीलंका मालिकेचे नवीन वेळापत्रक

भारत आणि श्रीलंका यांच्यात प्रथम एकदिवसीय मालिका आणि त्यानंतर टी-२० मालिका खेळली जाईल. पहिला एकदिवसीय सामना दिल्लीऐवजी विशाखापट्टणम येथे खेळवला जाईल. हे दोन्ही संघ एसीए-व्हीडीसीए स्टेडियमवर एकमेकांविरुद्ध खेळतील. प्रदूषणाची चिंता आणि प्रस्तावित नूतनीकरणाच्या कामामुळे डीडीसीएने बीसीसीआयला पहिल्या एकदिवसीय सामन्यासाठी ठिकाण बदलण्याची विनंती केली होती. दिल्ली आणि जिल्हा क्रिकेट असोसिएशनच्या (DDCA) एका अधिकाऱ्याने सांगितले की, वाढते प्रदूषण आणि मैदानाच्या नूतनीकरणाच्या कामामुळे त्यांनी बीसीसीआयला सामना दिल्लीबाहेर हलवण्याचे आवाहन केले होते. आता ही विनंती मान्य करण्यात आली आहे.

शेवटची मालिका २०२४ मध्ये खेळली

भारत आणि श्रीलंका यांच्यातील शेवटची एकदिवसीय मालिका ऑगस्ट २०२४ मध्ये खेळली गेली, ज्यात श्रीलंकेने तीन सामन्यांची मालिका २-० ने जिंकली. त्या मालिकेतील पहिला सामना बरोबरीत सुटला, तर श्रीलंकेने पुढील दोन सामने जिंकले.

एकदिवसीय मालिका

• पहिला वनडे सामना: १३ डिसेंबर २०२६- भारत विरुद्ध श्रीलंका (एसीए-व्हीडीसीए स्टेडियम, विशाखापट्टणम)
• दुसरा वनडे सामना: १६ डिसेंबर २०२६- भारत विरुद्ध श्रीलंका (एम. चिन्नास्वामी स्टेडियम, बंगळुरू)
• तिसरी वनडे सामनाः १९ डिसेंबर २०२६- भारत विरुद्ध श्रीलंका (नरेंद्र मोदी स्टेडियम, अहमदाबाद)

टी२० मालिका

• पहिला टी२० सामना: २२ डिसेंबर, २०२६ – भारत विरुद्ध श्रीलंका (निरंजन शाह स्टेडियम, राजकोट)
• दुसरी टी२० सामना: २४ डिसेंबर २०२६ – भारत विरुद्ध श्रीलंका (बाराबती स्टेडियम, कटक)
• तिसरा टी२० सामना: २७ डिसेंबर २०२६ -भारत विरुद्ध श्रीलंका (एमसीए स्टेडियम, पुणे)

IND vs PAK: भारताची विजयी गर्जना! SAFF चॅम्पियनशिपमध्ये पाकिस्तानला लोळवलं; सुहेल भट्ट ठरला विजयाचा हिरो