सोमवार, 9 नोव्हेंबर 2026
खेलो इंडिया यूथ गेम्स 2026 (फोटो- ai gemini)
खेलो इंडिया युथ गेम्स २०२६ च्या प्रतीक्षेत असलेल्या खेळाडूंसाठी आणि क्रीडाप्रेमींसाठी अत्यंत महत्त्वाची बातमी समोर आली आहे. केंद्रीय युवा व्यवहार आणि क्रीडा मंत्री डॉ. मनसुख मांडविया यांनी सोमवारी या स्पर्धेचे संपूर्ण वेळापत्रक जाहीर केले आहे. पहिल्यांदाच ही स्पर्धा तेलंगणा राज्यात होणार आहे. तेलंगण या स्पर्धेचे यजमानपद भूषविणार आहे.
खेलो इंडिया युथ गेम्सच्या माध्यमातून देशातील नवोदित खेळाडूंना आंतरराष्ट्रीय दर्जाचे व्यासपीठ मिळते. तेलंगणा राज्याला पहिल्यांदाच या स्पर्धेचे यजमानपद मिळाल्यामुळे राज्यातील क्रीडा पायाभूत सुविधांना मोठी चालना मिळणार आहे. केंद्रीय मंत्री डॉ. मनसुख मांडविया म्हणाले, देशात क्रीडा संस्कृतीचा विस्तार करण्यासाठी आणि आगामी आंतरराष्ट्रीय स्पर्धांसाठी तरुण खेळाडू तयार करण्यात ‘खेलो इंडिया’ उपक्रमाची भूमिका अत्यंत मोलाची आहे. तेलंगणा सरकार आणि क्रीडा प्रशासन या स्पर्धेच्या यशस्वी आयोजनासाठी सज्ज झाले आहे.
ही क्रीडा स्पर्धा 11 ते 22 डिसेंबर 2026 दरम्यान तेलंगणा राज्यात होणार आहे. या स्पर्धेत देशभरातून सुमारे ६,००० खेळाडू आणि 1800 सपोर्ट स्टाफ सहभागी होणार असल्याचे समजते आहे. या स्पर्धे एकूण 27 क्रीडा प्रकारांचा समावेश करण्यात आला आहे. या स्पर्धेमुळे देशातील नवोदित खेळाडूंना एक भव्य व्यासपीठ निर्माण होणार आहे.
या स्पर्धेतील सामने तेलंगणा राज्यातील हैदराबाद आणि विविध जिल्ह्यांमध्ये आयोजित केले जाणार आहेत. बशीरबाग येथील ‘लाल बहादूर शास्त्री स्टेडियम कॉम्प्लेक्स’ आणि ‘मॉडर्न गच्चीबाउली स्पोर्ट्स कॉम्प्लेक्स’ येथे काही सामने होणार आहेत.
हनुमानकोंडा – ॲथलेटिक्स
महबूबनगर- कबड्डी
निजामाबाद – टेबल टेनिस
खम्मम – तीरंदाजी
करीमनगर – ज्युडो
ॲथलेटिक्स, बॅडमिंटन, बास्केटबॉल, बॉक्सिंग, सायकलिंग, फेन्सिंग (तलवारबाजी), फुटबॉल, जिम्नॅस्टिक्स, हॉकी, ज्युडो, रोइंग (नौकायन), शूटिंग, स्विमिंग, सॉफ्टबॉल, टेबल टेनिस, टेनिस, व्हॉलीबॉल, वेटलिफ्टिंग आणि रेसलिंग, तीरंदाजी , कबड्डी, खो-खो, मल्लखांब, योगासन, गतका, कलारीपयट्टू आणि थांग-टा
Ans: खेलो इंडिया यूथ गेम्स 2026 तेलंगणा राज्यात होणार आहे.
Ans: खेलो इंडिया यूथ गेम्स 2026 11 ते 22 डिसेंबर दरम्यान होणार आहे.
