सूर्यकुमार यादव गोव्याकडून खेळत असल्याच्या वृत्तावर MCA चे विधान, स्पष्टीकरणात देत म्हणाले की, अफवा पूर्णपणे…

आता स्वतः मुंबई क्रिकेट असोसिएशनने एक निवेदन जारी केले आहे आणि या अफवांवर स्पष्ट केले आहे. मुंबई क्रिकेट असोसिएशनने या अफवांना पूर्णपणे नकार दिला आहे. एमसीए म्हणते की यादव मुंबईकडून खेळण्यासाठी पूर्णपणे वचनबद्ध आहे.

Will Suryakumar Yadav play for Goa : भारतीय टी-२० संघाचा कर्णधार सूर्यकुमार यादव मुंबई सोडून गोव्याकडून देशांतर्गत क्रिकेट खेळण्यासाठी चर्चेत असल्याचा दावा अनेक वृत्तांतातून करण्यात आल्या आहे. भारताचा सलामीवीर यशस्वी जयस्वाल देखील पुढील हंगामात गोव्यात येण्याची शक्यता आहे आणि तो संघाचे नेतृत्व करण्याची शक्यता आहे. त्याचप्रमाणे, त्यामुळे संघामध्ये बदल होणार असे वृत्त समोर आले होते पण आता स्वतः मुंबई क्रिकेट असोसिएशनने एक निवेदन जारी केले आहे आणि या अफवांवर स्पष्ट केले आहे.

मुंबई क्रिकेट असोसिएशनचे निवेदन जारी

मुंबई क्रिकेट असोसिएशनने (MCA) या अफवांना पूर्णपणे नकार दिला आहे. एमसीए म्हणते की सूर्यकुमार यादव मुंबईकडून खेळण्यासाठी पूर्णपणे वचनबद्ध आहे. हिंदुस्तान टाईम्सच्या वृत्तानुसार, एमसीएचे सचिव अभय हडप यांनी एका निवेदनात म्हटले आहे की, “सोशल मीडियावर पसरणाऱ्या अफवांची आम्हाला जाणीव आहे की सूर्यकुमार यादव मुंबई सोडून गोव्यात जाण्याचा निर्णय घेऊ शकतात, पण हे खोटे आहे.” असे त्यांनी स्पष्ट केले आहे.

KKR vs SRH Playing 11 : पॅट कमिन्स प्लेइंग इलेव्हनमध्ये बदल करणार? हा खेळाडू ठरणार ईडन गार्डन्सवर मॅच विनर

ते म्हणाले, “एमसीएच्या अधिकाऱ्यांनी आज सकाळी सूर्यकुमार यादवशी बोलले आहे आणि ते या अफवा पूर्णपणे खोट्या आणि निराधार आहेत याची पुष्टी करू शकतात. सूर्यकुमार यादव मुंबई संघाकडून खेळण्यास पूर्णपणे वचनबद्ध आहेत आणि त्यांना त्याचा अभिमान आहे. आम्ही सर्वांना विनंती करतो की त्यांनी चुकीची माहिती पसरवू नये आणि आमच्या खेळाडूंना पाठिंबा द्यावा कारण ते मुंबई क्रिकेट असोसिएशनमध्ये योगदान देत आहेत.”

See more

Suryakumar Yadav not holding back pic.twitter.com/FUOZaqqQwl — Shrutika Gaekwad (@Shrustappen33) April 2, 2025

यशस्वी जैस्वाल गोवा संघात सामील

टीम इंडियाचा स्फोटक सलामीवीर यशस्वी जयस्वालने मुंबई सोडण्याबाबत आपले मौन सोडले आहे. तो आता देशांतर्गत क्रिकेटमध्ये गोव्याकडून का खेळणार आहे हे त्याने स्पष्ट केले. अलिकडेच, बातमी आली की जयस्वालने आगामी देशांतर्गत हंगामासाठी गोव्यात सामील होण्यासाठी मुंबई क्रिकेट असोसिएशन (एमसीए) कडून परवानगी (एनओसी) मागितली आहे. आता त्याने मुंबई सोडून गोव्याकडून खेळणार असल्याचे निश्चित केले आहे.

यशस्वी जयस्वाल म्हणाला की, मुंबई सोडण्याचा निर्णय त्यांच्यासाठी “खूप कठीण” होता आणि आज ते त्यांच्या कारकिर्दीत जिथे आहेत त्याबद्दल ते नेहमीच एमसीएचे ऋणी राहतील. इंडियन एक्सप्रेसशी बोलताना तो म्हणाला, “माझ्यासाठी हा खूप कठीण निर्णय होता. मी जे काही आहे ते मुंबईमुळे आहे. या शहराने मला आज जो आहे तो बनवले आहे आणि मी आयुष्यभर एमसीएचा आभारी राहीन.” गोव्याने त्याला नेतृत्वाची भूमिका देऊ केली आहे आणि म्हणूनच त्याने मुंबई संघ सोडण्याचा निर्णय घेतला याचीही त्याने पुष्टी केली.