मिशेल स्टार्कने रचला मोठा इतिहास
साऊथ आफ्रिका आणि ऑस्ट्रेलिया (AUS Vs SA) यांच्यात गकेरबाह येथे खेळल्या जात असलेल्या दुसऱ्या कसोटी सामन्यात ऑस्ट्रेलियाचा स्टार वेगवान गोलंदाज मिचेल स्टार्क याने एक अभूतपूर्व आणि ऐतिहासिक पराक्रम केला आहे.स्टार्क आता कसोटी क्रिकेटच्या इतिहासात ४५० बळी घेणारा जगातील पहिला डाव्या हाताचा गोलंदाज ठरला आहे. सामन्याच्या पहिल्या डावात मिचेल स्टार्कने दक्षिण आफ्रिकेच्या मॅथ्यू ब्रीट्जकेला अवघ्या ४ रन्सवर आउट करत विकेटचे खाते उघडले.
Jasprit Bumrah चे सिंहासन डळमळले! कांगारूंच्या ‘या’ गोलंदाजाने पटकावले ICC रॅंकिंगमध्ये पहिले स्थान
मिचेल स्टार्कपूर्वी ऑस्ट्रेलियाकडून केवळ तीनच गोलंदाजांनी कसोटी क्रिकेटमध्ये ४५० किंवा त्याहून अधिक विकेट्स घेण्याची कामगिरी केली आहे. यामध्ये शेन वॉर्न, ग्लेन मैक्ग्रा आणि नाथन लायन यांचा समावेश होतो. आता या एलिट यादीत मिचेल स्टार्कचे नाव देखील जोडले गेले आहे. कसोटी क्रिकेटमध्ये ४५० बळी घेण्याचा टप्पा गाठणारा तो ऑस्ट्रेलियाचा केवळ चौथाच गोलंदाज ठरला आहे, तर जगातील पहिला डाव्या हाताचा गोलंदाज ठरला आहे.
ऑस्ट्रेलियाचा वेगवान गोलंदाज मिचेल स्टार्क याने नुकताच कसोटी क्रिकेटमध्ये ४५० बळींचा ऐतिहासिक टप्पा गाठत जागतिक विक्रम आपल्या नावावर केला आहे. स्टार्कने आपल्या कसोटी कारकिर्दीत आतापर्यंत १९ वेळा एका डावात ५ किंवा त्याहून अधिक विकेट्स घेण्याचा रेकॉर्ड केला आहे. स्टार्कचे कसोटीतील आतापर्यंतचे सर्वोत्तम प्रदर्शन ५८ रन देऊन ७ विकेट्स घेतल्या आहेत. नुकताच हा पराक्रम करणारा ऑस्ट्रेलियाचा डाव्या हाताचा वेगवान गोलंदाज मिचेल स्टार्क याने १०९ कसोटी सामन्यांमध्ये ४५० विकेट्सचा पल्ला गाठला आहे.
सर्वात वेगवान ४५० बळी घेणारे खेळाडू
मुथैया मुरलीधरन (श्रीलंका)
रविचंद्रन अश्विन (भारत)
अनिल कुंबले (भारत)
ग्लेन मैक्ग्रा (ऑस्ट्रेलिया)
शेन वॉर्न (ऑस्ट्रेलिया)
मिचेल स्टार्क (ऑस्ट्रेलिया)
.png "Videos"){kind=small}
