photo- social media
Neeraj Chopra चं जबरदस्त कमबॅक! सीझन बेस्ट थ्रोसह Lausanne Diamond League मध्ये दुसऱ्या स्थानावर
मिचेल स्टार्कने आतापर्यंत वर्ल्ड टेस्ट चॅम्पियनशिपमध्ये ५६ सामने खेळले आहे. यामध्ये त्याने २३० विकेट्स घेतले आहेत. या बाबतीत स्टार्कने नॅथन लायनला मागे टाकले आहे. लायनने आतापर्यंत डब्ल्यूटीसीमध्ये ५७ सामन्यांत २२५ विकेट्स घेतले आहेत. याच सामन्यात, पहिल्या डावात ३ विकेट्स घेऊन कर्णधार पॅट कमिन्सने सर्वाधिक विकेट्स घेणाऱ्या गोलंदाजांच्या यादीत नॅथन लायनसोबत संयुक्तपणे दुसरे स्थान पटकावले आहे. हे ते तीन गोलंदाज आहेत ज्यांनी आतापर्यंत डब्ल्यूटीसीमध्ये २०० किंवा त्याहून अधिक विकेट्स घेतले आहेत. भारताचा माजी दिग्गज फिरकी गोलंदाज आर अश्विन १९५ विकेटसह चौथ्या क्रमांकावर आहे.
मॅके येथे खेळल्या जात असलेल्या कसोटी सामन्यात अवघ्या २२ चेंडूंमध्ये ५ विकेट्स घेणाऱ्या गोलंदाजांच्या विशेष यादीत मिचेल स्टार्कने पुन्हा एकदा आपले नाव नोंदवले आहे. कसोटी क्रिकेटच्या इतिहासात ५ विकेट्स घेण्याचा विश्वविक्रमही त्याच्या नावावर आहे. त्याने २०२५ मध्ये वेस्ट इंडिजविरुद्ध अवघ्या १५ चेंडूंमध्ये हा पराक्रम केला होता. कसोटी सामन्यांमध्ये सर्वात जलद ५ विकेट्स घेणाऱ्या गोलंदाजांच्या या यादीत ऑस्ट्रेलियाचा अर्नी टॉशक दुसऱ्या, तर इंग्लंडचा स्टुअर्ट ब्रॉड तिसऱ्या स्थानावर आहे. या खेळीनंतर स्टार्कचे नाव पाचव्या क्रमांकावर नोंदवले गेले आहे.
ऑस्ट्रेलिया विरुद्ध बांग्लादेश कसोटी सामन्यात, बांग्लादेशचा संघ पहिल्या डावात केवळ ६४ धावांवर सर्वबाद झाला. शरीफुल इस्लाम संघासाठी सर्वाधिक धावा करणारा फलंदाज ठरला. त्याने १९ चेंडूंमध्ये १४ धावा केल्या. या डावात चार फलंदाज शून्यावर बाद झाले. ऑस्ट्रेलियाकडून स्टार्कने सहा, पॅट कमिन्सने तीन आणि जोश हेझलवूडने एक विकेट घेतला. मालिकेतील पहिल्या कसोटी सामन्यात बांग्लादेशने ऑस्ट्रेलियाचा धुव्वा उडवला होता.
.png "Videos"){kind=small}
