
शुभमन गिल करणार भारतीय संघाचे नेतृत्व
भारत आणि न्यूझीलंड यांच्यात दोन सामन्यांच्या टेस्ट सिरीजचा उद्यापासून शुभारंभ होणार आहे. सिरीजचा पहिला सामना वेलिंगटनच्या ऐतिहासिक बेसिन रिझर्व्ह मैदानावर खेळवला जाणार आहे. भारतीय वेळेनुसार पहाटे 3.30 वाजता हा सामना सुरू होणार आहे. जसप्रीत बुमराह तब्बल वर्षभराने टीम इंडियाकडून खेळताना दिसणार आहे.
IND vs NZ Test: शुभमनचा प्लान तयार! ODI पेक्षा वेगळाच संघ उतरणार मैदानात, बुम बुम बुमराहचाही जलवा
न्यूझीलंडच्या या दौऱ्यावर इथले हवामान आणि येथील खेळपट्टी भारतीय संघाची परीक्षा घेणार आहे. वेलिंगटनच्या वातावरणात भारतीय फलंदाज आणि गोलंदाज कशी कामगिरी करतात हे पाहणे महत्वाचे ठरणार आहे. वर्ल्ड टेस्ट चॅम्पियनशिप अंतर्गत ही सिरीज खेळवली जाणार असल्याने दोन्ही संघ ताकदीने मैदानात उतरणार आहेत.
काय सांगतो पीच रिपोर्ट?
आगामी सामन्याच्या सुरुवातीलाच खेळपट्टी कशी असेल याचा एक रिपोर्ट समोर आला आहे. पिच क्युरेटर टॉम डेवी यांनी दिलेल्या माहितीनुसार, सामन्याच्या पहिल्या दिवशी विकेटवर सुमारे १५ मिलीमीटर हिरवे गवत ठेवले जाण्याची शक्यता आहे. सामन्याच्या पहिल्या दोन दिवसांत वेगवान गोलंदाजांना प्रचंड सीम आणि स्विंग मूव्हमेंट मिळण्याची शक्यता आहे. अशा कठीण परिस्थितीत नवीन बॉलचा सामना करणे आणि क्रीजवर टिकून राहणे फलंदाजांसाठी खऱ्या अर्थाने कठीण असणार आहे.
या खेळपट्टीवर पहिल्या डावाचा सरासरी स्कोअर ३१३ रन्स इतका आहे. ज्यामुळे पहिल्या डावात या ठिकाणी मोठी धावसंख्या होऊ शकते. सामन्याच्या शेवटच्या दिवशी जुन्या आणि कोरड्या झालेल्या पिचवर फिरकीपटूंनाही टर्न मिळण्याचा अंदाज व्यक्त केला जात आहे. सुरुवातीला वेगवान गोलंदाजांची कसोटी पाहणारी ही खेळपट्टी जसजशी जुनी होईल, तसतशी ती फलंदाजांना साथ देऊ शकते.
वेलिंगटनच्या हवामानाबाबत एक मोठी माहिती समोर आली आहे. येथील वातावरण क्रिकेटपटूंसाठी मोठे आव्हान ठरण्याची शक्यता आहे. येथील तापमान १६° से. ते १७° से. दरम्यान राहण्याचा अंदाज वर्तवण्यात आला आहे. वेलिंगटनची ओळख तिथल्या वेगवान वाऱ्यांसाठी आहे. या वाऱ्यांमुळे आणि ढगाळ वातावरणामुळे वेगवान गोलंदाजांना हवेत अतिरिक्त स्विंग मिळण्याची शक्यता आहे.
Ans: भारत आणि न्यूझीलंड यांच्यातील दोन सामन्यांच्या कसोटी मालिकेतील पहिला सामना न्यूझीलंडमधील वेलिंग्टन येथे होणार आहे.
Ans: भारत आणि न्यूझीलंड यांच्यातील पहिला कसोटी सामना भारतीय वेळेनुसार पहाटे 3:30 वाजता सुरू होणार आहे.