फोटो सौजन्य - सोशल मिडिया
भारतीय आणि मुंबई इंडियन्सचा माजी कर्णधार रोहित शर्मा पाच वेळा आयपीएल चॅम्पियन ठरलेल्या मुंबई इंडियन्सच्या संघात सामील झाला असून, त्यामुळे संघाच्या चाहत्यांमध्ये उत्साहाचे वातावरण आहे. रोहित शर्माने सहा वेळा आयपीएलचे विजेतेपद पटकावले आहे, एकदा डेक्कन चार्जर्ससोबत आणि पाच वेळा मुंबई इंडियन्सचा कर्णधार म्हणून. तो या स्पर्धेच्या इतिहासातील संयुक्तपणे सर्वात यशस्वी कर्णधार आहे. या माजी सलामीवीराने २०११ मध्ये मुंबई इंडियन्सकडून आयपीएलमध्ये पदार्पण केले आणि २०१३ मध्ये त्याला कर्णधार म्हणून नियुक्त करण्यात आले.
‘हिटमॅन’ने कर्णधार म्हणून आपल्या पहिल्याच हंगामात मुंबई संघाला विजय मिळवून दिला आणि २०२४ च्या हंगामापर्यंत ११ वर्षे एमआयचे कर्णधारपद भूषवले. २०२४ मध्ये, स्टार अष्टपैलू खेळाडू हार्दिक पांड्याने त्याची जागा कर्णधार म्हणून घेतली. खरं तर, रोहित शर्मा (IPL 2026) हा मुंबई इंडियन्सच्या इतिहासातील सर्वाधिक धावा करणारा फलंदाज आहे आणि आयपीएलमध्ये ६,००० पेक्षा जास्त धावा करणाऱ्या अव्वल चार फलंदाजांमध्ये त्याचा समावेश आहे.
२०१३ च्या आयपीएल हंगामात त्याने उल्लेखनीय फलंदाजी करत संपूर्ण स्पर्धेत ५३८ धावा केल्या आणि मुंबई इंडियन्सला स्पर्धा जिंकण्यास मदत केली. २०१५ मध्ये रोहितला सामनावीर म्हणून गौरवण्यात आले आणि मुंबई इंडियन्सने त्या हंगामाच्या अंतिम सामन्यात सीएसकेला पराभूत करून आपले दुसरे आयपीएल विजेतेपद पटकावले. रोहितच्या कर्णधारपदाखाली मुंबई संघाने २०१७, २०१९ आणि २०२० मध्येही ही ट्रॉफी जिंकली.
MI ने सोमवारी अधिकृत हंगामपूर्व सरावाला सुरुवात केली, जे आगामी २०२६ हंगामातील पहिले सत्र ठरले. एका प्रसिद्धीपत्रकानुसार, मुख्य प्रशिक्षक महेला जयवर्धने यांनी मैदानावरच्या या सत्राचे नेतृत्व केले. त्यांच्यासोबत गोलंदाजी प्रशिक्षक पारस म्हाम्ब्रे आणि लसिथ मलिंगा, क्षेत्ररक्षण प्रशिक्षक कार्ल हॉपकिन्सन, तसेच संपूर्ण स्ट्रेंथ अँड कंडिशनिंग आणि फिजिओथेरपी सहाय्यक पथके सहभागी झाली होती.
“प्री-सीझनच्या पहिल्या दिवसात नेहमीच काहीतरी खास असतं . खेळाडू येतात, उत्साह शिगेला पोहोचलेला असतो आणि दमदार सुरुवात करण्याचं ध्येय असतं. आमच्याकडे असे खेळाडू आहेत ज्यांना या फ्रँचायझीची इत्थंभूत माहिती आहे आणि काही नवीन, उत्साहवर्धक चेहरेही संघात येत आहेत,” असे मुंबई इंडियन्सचे मुख्य प्रशिक्षक महेला जयवर्धने म्हणाला.
जयवर्धने पुढे म्हणाला, “पहिला दिवस संपूर्ण मोहिमेची दिशा ठरवतो. आम्ही कसा सराव करतो, कशी तयारी करतो आणि एकमेकांसाठी कशी कामगिरी करतो, हा आमचा उद्देश पहिल्याच सत्रापासून सर्वांना जाणवावा अशी आमची इच्छा होती. पहिले सत्र नेहमीच रोमांचक असते, पण ती एका गंभीर गोष्टीची सुरुवातही असते आणि आम्ही कोणत्या दिशेने जात आहोत हे आम्हाला माहीत आहे.”
स्पर्धेची तयारी जोरात सुरू असल्याने, संघातील उर्वरित खेळाडू येत्या काही दिवसांत शिबिरात सामील होण्याची शक्यता आहे. आयपीएल २०२५ मध्ये मुंबई इंडियन्ससाठी रोहितच्या कामगिरीचा उपयोग अनेकदा ‘इम्पॅक्ट प्लेयर’ म्हणून केला गेला आहे. ‘हिटमॅन’ने सावकाश सुरुवात केली आणि सुरुवातीच्या सामन्यांमध्ये त्याला लय साधण्यासाठी संघर्ष करावा लागला. त्यानंतर रोहितने शानदार पुनरागमन केले, १५ सामन्यांमध्ये सलग दोन अर्धशतके आणि १४८ धावा करून मुंबई इंडियन्सला प्लेऑफमध्ये पोहोचण्यास मदत केली.
हार्दिक पांड्या (कर्णधार), रोहित शर्मा, सूर्यकुमार यादव, तिलक वर्मा, रायन रिकेल्टन, रॉबिन मिन्झ, राज बावा, रघू शर्मा, मिशेल सँटनर, कॉर्बिन बॉश, नमन धीर, जसप्रीत बुमराह, ट्रेंट बोल्ट, क्विंटन डी कॉक, दानिश मलेवार, मोहम्मद इझार, अल्लाह गफनझार, अश्विनी कुमार, दीपक चहर, विल जॅक्सन, मार्कन शेरफर्ड, शेरफर्ड, शेरफर्ड, विल जॅक्सन, अथर्व अंकोलेकर, मयंक रावत.
.png "Videos"){kind=small}
