हत्येचा गुन्हा दाखल; पण शाकिब अल हसनला कोणीही त्रास नाही देणार; बांगलादेश क्रिकेट बोर्डाचे परतण्याचे आवाहन

बांगलादेशात गेल्या महिन्यातच शेख हसीना यांचे सरकार पडले आणि पंतप्रधानांना राजीनामा देऊन लगेचच देश सोडून पळून जावे लागले. शाकिब अल हसन हे शेख हसीना यांच्या पक्ष अवामी लीगचे खासदार होते आणि सरकारचा एक भागही होते. या संपूर्ण घटनेनंतर तो बांगलादेशला परतला नाही. शाकिब टीमसोबत दौऱ्यावरच आहे, आता सध्या भारतात असल्याने, बांगलादेश क्रिकेट बोर्डाने शाकिब हसनला परतण्याचे आवाहन केले आहे.

Shakib Al Hasan : बांगलादेश क्रिकेट संघाचा स्टार अष्टपैलू खेळाडू शकीब अल हसन सध्या भारतात आहे, जिथे तो कसोटी मालिकेचा भाग आहे. बांगलादेशच्या या स्टार क्रिकेटरवर हत्येचा गुन्हा दाखल आहे, यावर कोणाचा विश्वास बसणार नाही. परंतु, ही गोष्ट खरी आहे. ही कसोटी मालिका या महिन्याच्या अखेरीस संपणार असून बांगलादेशी संघ त्यांच्या देशात परतणार आहे. पण, सगळ्यात मोठा प्रश्न उरतो. साकिबही देशात परतणार का? बांगलादेशात परतल्यावर शाकिबला अटक होणार का? बांगलादेशला पुढील महिन्यात मायदेशात कसोटी मालिका खेळायची आहे, त्यात शकिबच्या सहभागाबाबत परिस्थिती स्पष्ट होत नसल्याने हा प्रश्न निर्माण होत आहे. अशा वेळी बांगलादेश क्रिकेट बोर्डाने शकीबला देशात परतण्याचे आवाहन केले असून, बांगलादेशात परतल्यावर त्याला कोणत्याही प्रकारे त्रास दिला जाणार नाही, असे आश्वासन दिले आहे.

माजी पंतप्रधान शेख हसीना यांच्या अवामी लीग पक्षाचा खासदार
गेल्या महिन्यात बांगलादेशच्या माजी पंतप्रधान शेख हसीना यांचे सरकार पडल्यानंतर देशात अशांतता आहे. शाकिब अल हसन हा या वर्षाच्या सुरुवातीला हसीनाच्या अवामी लीग पक्षाकडून खासदार बनला होता आणि सरकारचा एक भागही होता. त्यानंतर काही दिवसांनी आंदोलक विद्यार्थ्याच्या मृत्यूप्रकरणी 147 जणांविरुद्ध खुनाचा गुन्हा दाखल करण्यात आला असून यात साकिबलाही आरोपी करण्यात आले आहे. यामुळे सर्वांनाच धक्का बसला. साकिब त्यावेळी बांगलादेशात नव्हता पण या संपूर्ण घटनेनंतर तो आपल्या देशात परतला नाही.

त्रास होणार नाही, बांगलादेश क्रिकेट बोर्डाचा खुलासा
साकिबविरुद्ध एफआयआर दाखल झाल्यापासून बांगलादेशात परतल्यावर त्याला अटक होणार की नाही, अशी अटकळ बांधली जात आहे. या भीतीमुळे शाकिबच्या बांगलादेशात परतण्याबाबत अजूनही शंका असून ही शंका आणि भीती दूर करण्यासाठी बांगलादेश क्रिकेट बोर्डाचे अधिकारी शहरयार नफीस यांनी आवाहन केले आहे. मंगळवारी नफीसने ढाका येथे विश्वास व्यक्त केला की, शाकिब देशात परतेल आणि त्याला कोणत्याही प्रकारची अडचण येणार नाही. बांगलादेशी बोर्डाच्या क्रिकेट ऑपरेशन्सचे प्रमुख नफीस म्हणाले की देशाच्या काळजीवाहू सरकारचे मुख्य सल्लागार, कायदेशीर सल्लागार आणि क्रीडा सल्लागार यांनी शकीबच्या बाबतीत परिस्थिती अगदी स्पष्ट केली आहे की त्याला किंवा कोणालाही विनाकारण त्रास दिला जाणार नाही.
तुम्हाला अटक होणार नाही अशी आशा
नफीस म्हणाले की, जर शाकिबला फिटनेसशी संबंधित समस्या येत नसतील तर दक्षिण आफ्रिकेविरुद्धच्या घरच्या कसोटी मालिकेत शकिबने न खेळण्याचे कारण नाही. ईएसपीएन क्रिकइन्फोच्या वृत्तानुसार, बांगलादेशचे कायदेशीर सल्लागार आसिफ नजरुल यांनी साकिबला देशात परतल्यावर अटक होणार नाही, अशी आशा व्यक्त केली होती. स्टार अष्टपैलू खेळाडूविरुद्ध फक्त एकच एफआयआर नोंदवण्यात आला असून पोलिसांना जास्तीत जास्त संयम बाळगण्यास सांगण्यात आल्याचे त्यांनी सांगितले होते. गेल्या महिन्यात हसीनाचे सरकार पडले तेव्हा साकिब देशात नव्हता, पण तेव्हापासून तो परतला नाही.