Neeraj Chopra: भारतीयांच्या पदरी घोर निराशा! नीरज चोप्रा जागतिक अ‍ॅथलेटिक्स चॅम्पियनशिपच्या अंतिम फेरीतून बाहेर

नीरज चोप्राचा अंतिम फेरीतील सर्वोत्तम थ्रो ८४.०३ मीटर होता. या अंतिम फेरीत भारताला एक आशा शिल्लक आहे. पाचव्या फेरीनंतर भारताचा सचिन यादव बाहेर पडला आहे. सचिन यादवने ८६.२७ मीटरचा त्याचा सर्वोत्तम थ्रो केला होता.

• भारतीयांच्या पदरी घोर निराशा!
• नीरज चोप्रा जागतिक अ‍ॅथलेटिक्स चॅम्पियनशिपच्या अंतिम फेरीतून बाहेर
• सचिन यादव चौथ्या क्रमांकावर

World Athletics Championships 2025: जागतिक अ‍ॅथलेटिक्स चॅम्पियनशिपच्या अंतिम फेरीतून मोठी बातमी येत आहे. भारताचा स्टार अ‍ॅथलीट नीरज चोप्रा जागतिक अ‍ॅथलेटिक्स चॅम्पियनशिपच्या अंतिम फेरीतून बाहेर पडला आहे. नीरज चोप्राचा अंतिम फेरीतील सर्वोत्तम थ्रो ८४.०३ मीटर होता. पाचव्या फेरीनंतर भारताचा सचिन यादव बाहेर पडला आहे. तो चौथ्या क्रमांकावर राहिला. सचिन यादवने ८६.२७ मीटरचा त्याचा सर्वोत्तम थ्रो केला होता.

नीरज चोप्राने २०२३ मध्ये जागतिक अजिंक्यपद स्पर्धेत सुवर्णपदक जिंकून इतिहास रचला आणि ऑलिंपिक आणि जागतिक दोन्ही स्पर्धा जिंकणाऱ्या निवडक खेळाडूंमध्ये स्थान मिळवले. आता सलग दुसऱ्यांदा हे जेतेपद जिंकण्याची त्याची आशा संपली आहे.

See more

Shocking and sad. It’s over for Neeraj Chopra. He finished at 8th spot. 💔

His best throw was 84.03. #Tokyo2025 pic.twitter.com/m2ztfV6BoC

— Silly Point (@FarziCricketer) September 18, 2025

केशॉर्न वॉलकॉटने जिंकले सुवर्णपदक

केशॉर्न वॉलकॉटने सुवर्णपदक जिंकले. वॉलकॉटचा सर्वोत्तम ८८.१६ मीटरचा फेक होता. वयाच्या १९ व्या वर्षी, केशॉर्न वॉलकॉटने लंडनमध्ये ऑलिंपिक पदक जिंकले आणि त्याच वर्षी त्याने ज्युनियर वर्ल्ड स्पर्धेतही सुवर्णपदक जिंकले. एकाच वर्षी दोन्ही पदके जिंकणारा तो जगातील पहिला भालाफेकपटू ठरला आणि आजही १३ वर्षांनंतरही त्याची प्रतिभा अबाधित आहे. १३ वर्षे सतत एकाच स्पर्धेत भाग घेतल्यानंतर आणि टोकियोमध्ये येथे आल्यानंतर, केशॉर्न वॉलकॉटने २०२५ च्या जागतिक अॅथलेटिक्स चॅम्पियनशिपमध्ये पुरुषांच्या भालाफेकमध्ये सुवर्णपदक जिंकले आहे.

नीरज चोप्राची पत्नी हिमानीचा टेनिसला रामराम; १.५ कोटी रुपयांच्या नोकरीवरही सोडले पाणी, करणार ‘हा’ बिझनेस..

नीरज चोप्राने केले निराश

जागतिक अॅथलेटिक्स चॅम्पियनशिपच्या अंतिम फेरीत नीरज चोप्रा सुरुवातीपासूनच त्याच्या नेहमीच्या फॉर्ममध्ये नसल्याचे दिसून आले. त्याच्या कामगिरीने सर्वांची निराशा झाली आणि तो आठव्या स्थानावर राहिला. नीरजने पहिल्या फेरीत ८३.६५ मीटर भालाफेक केली. त्यानंतर त्याने दुसऱ्या आणि तिसऱ्या फेरीत ८४.०३ मीटर भालाफेक केली. दुर्दैवाने, त्याच्या कामगिरीत कोणताही मोठा बदल दिसला नाही. चौथ्या फेरीतही तो ८४.०३ मीटरच्याच अंतरापर्यंत भालाफेक करू शकला. यामुळे तो अंतिम फेरीतून बाहेर पडला आणि भारताच्या पदकाच्या आशा संपुष्टात आल्या.