NZ vs WI : 1073 दिवसांनंतर कसोटी क्रिकेटमध्ये टॉम लॅथमने झळकावले शतक, वेस्ट इंडिजविरुद्ध पहिल्यांदाच केली ही कामगिरी

न्यूझीलंडचा सलामीवीर टॉम लॅथमने क्राइस्टचर्च कसोटीत शतक झळकावून एकाच दगडात दोन पक्षी मारले. या मालिकेचा पहिला सामना सध्या हॅग्ली ओव्हल येथे खेळवला जात आहे.

New Zealand vs West Indies 1st Test : न्यूझीलंड विरुद्ध वेस्ट इंडिज यांच्यामध्ये तीन सामन्यांच्या कसोटी मालिकेचे आयोजन करण्यात आले आहे. या मालिकेचा पहिला सामना सध्या हॅग्ली ओव्हल येथे खेळवला जात आहे. पहिल्या डावामध्ये न्यूझीलंडच्या संघाला वेस्ट इंडिजच्या संघाने 231 धावांवर रोखले. तर न्यूझीलंडने विरोधी संघाला 167 धावांवर रोखले. न्यूझीलंडचा सलामीवीर टॉम लॅथमने क्राइस्टचर्च कसोटीत शतक झळकावून एकाच दगडात दोन पक्षी मारले.

त्याने केवळ १०७३ दिवस आणि ३९ डावांची कसोटी शतकाची वाटच संपवली नाही तर वेस्ट इंडिजविरुद्धच्या कसोटी शतकाची सुरुवातही केली. टॉम लॅथमने वेस्ट इंडिजविरुद्धच्या क्राइस्टचर्च कसोटीच्या दुसऱ्या डावात शतक झळकावले. तिसऱ्या दिवशी चहापानाच्या ब्रेकपूर्वी त्याने नऊ चौकार मारत आपले शतक पूर्ण केले.

IND vs SA : दुसऱ्या सामन्याच्या पराभवानंतर केएल राहुलचे मोठे विधान! पदरात हार आल्यानंतर याला ठरवले दोषी

वेस्ट इंडिजविरुद्ध पहिले शतक

क्राइस्टचर्च कसोटीच्या दुसऱ्या डावात टॉम लॅथमने १७९ चेंडूंचा सामना करून शतक पूर्ण केले. हे त्याचे १४ वे कसोटी शतक होते आणि वेस्ट इंडिजविरुद्धचे पहिले शतक होते. टॉम लॅथमचे कसोटी शतक ३९ डावांच्या प्रतीक्षेनंतर आले. त्याचे शेवटचे कसोटी शतक १०७३ दिवसांपूर्वी, डिसेंबर २०२२ मध्ये, कराची येथे पाकिस्तानविरुद्ध होते.

See more

– 4 Hundreds vs Sri Lanka.
– 3 Hundreds vs Pakistan.
– 3 Hundreds vs Bangladesh.
– 2 Hundreds vs Zimbabwe.
– 1 Hundred vs England.
– 1 Hundred vs West Indies*. 14th TEST HUNDRED FOR NEW ZEALAND CAPTAIN – TOM LATHAM, One of the best openers in Tests in this generation. 🫡 pic.twitter.com/aSnPkeH3eH — Johns. (@CricCrazyJohns) December 4, 2025

तिसऱ्या दिवसाच्या ब्रेकपूर्वी लॅथमने शतक झळकावले

वेस्ट इंडिजवर पहिल्या डावात आघाडी घेतल्यानंतर, न्यूझीलंडने दुसऱ्या डावात दमदार सुरुवात केली. डावाची सुरुवात करताना टॉम लॅथमने डेव्हॉन कॉनवेसह पहिल्या विकेटसाठी ८४ धावा जोडल्या. त्यानंतर लगेचच कॉनवे बाद झाला, परंतु दुसऱ्या टोकावर लॅथम ठाम राहिला. तिसऱ्या दिवशी चहापानाच्या ब्रेकपूर्वी त्याने आपले शतक पूर्ण केले. त्याच्या शतकासोबतच, त्याने रचिन रवींद्रसोबत तिसऱ्या विकेटसाठी एक मजबूत भागीदारी देखील केली.

टॉम लॅथमच्या १४ शतकांचे पोस्टमॉर्टेम!

टॉम लॅथमने त्याच्या ११ वर्षांच्या कसोटी कारकिर्दीत एकूण १४ शतके झळकावली आहेत, ज्यामध्ये सर्वाधिक शतके श्रीलंकेविरुद्ध (चार) आहेत. त्याने पाकिस्तान आणि बांगलादेशविरुद्ध प्रत्येकी तीन शतके देखील झळकावली आहेत. झिम्बाब्वेविरुद्ध त्याचे दोन शतके आहेत, तर इंग्लंड आणि वेस्ट इंडिजविरुद्ध त्याचे प्रत्येकी एक शतक आहे. भारत, ऑस्ट्रेलिया आणि दक्षिण आफ्रिका हे इतर तीन संघ आहेत ज्यांच्याविरुद्ध लॅथमने कसोटी खेळली आहे पण अद्याप एकही शतक झळकावलेले नाही.