PAK vs SA : बाबर आझम फेल झाल्यानंतर पाकिस्तानचा कमबॅक! दक्षिण आफ्रिकेचा निराशाजनक पराभव, मालिकेत बरोबरी

पाकिस्तान आणि दक्षिण आफ्रिका यांच्यातील T20 मालिकेतील दुसरा सामना लाहोरच्या गद्दाफी स्टेडियमवर खेळवण्यात आला. कर्णधार सलमान अली आघा यांनी नाणेफेक जिंकून दक्षिण आफ्रिकेला प्रथम फलंदाजीसाठी आमंत्रित केले.

• पाकिस्तान आणि दक्षिण आफ्रिका मालिकेत बरोबरी
• दुसऱ्या सामन्यात पाकिस्तानने दक्षिण आफ्रिकेला केला पराभूत
• पाकिस्तानने 13.1 षटकांत फक्त एक विकेट गमावून सामना जिंकला

पाकिस्तान आणि दक्षिण आफ्रिका यांच्यामध्ये तीन सामन्यांची टी20 मालिका पार पडली या मालिकेमध्ये पहिल्या सामन्यामध्ये दक्षिण आफ्रिकेच्या संघाने विजय मिळवल्यानंतर आता या मालिकेलमध्ये पाकिस्तानने कमबॅक केला आहे. पाकिस्तान आणि दक्षिण आफ्रिका यांच्यातील T20 मालिकेतील दुसरा सामना लाहोरच्या गद्दाफी स्टेडियमवर खेळवण्यात आला. कर्णधार सलमान अली आघा यांनी नाणेफेक जिंकून दक्षिण आफ्रिकेला प्रथम फलंदाजीसाठी आमंत्रित केले.

डोनोव्हन फरेरा यांच्या संघाने फलंदाजीत खराब कामगिरी केली, त्यांनी 19.2 षटकांत फक्त 110 धावा केल्या. पाकिस्तानने 13.1 षटकांत फक्त एक विकेट गमावून सामना जिंकला. या महत्त्वाच्या सामन्यानंतर, मालिका 1-1 अशी बरोबरीत आहे. कालच्या सामन्यामध्ये दक्षिण आफ्रिकेच्या संघाने फारच निराशाजनक कामगिरी केली. या कालच्या सामन्यात पाकिस्तानची गोलंदाजी चांगली कामगिरी. 

टीम इंडिया अ संघात पुनरागमन केल्यानंतर, रिषभ पंतने दिला ग्रीन सिग्नल! म्हणाला – “मी आनंदाने सांगू शकतो की आता मी…”

दक्षिण आफ्रिकेची फलंदाजी अत्यंत अपयशी ठरली

नाणेफेक गमावून प्रथम फलंदाजी करण्याचा निर्णय घेतलेल्या दक्षिण आफ्रिकेला त्यांचे खातेही उघडता आले नाही. अनुभवी यष्टीरक्षक-फलंदाज क्विंटन डी कॉक आणि टोनी डी जॉर्गी यांनी प्रत्येकी ७ धावा केल्या. डेवाल्ड ब्रेव्हिसने २५ धावांची महत्त्वपूर्ण खेळी केली, तर कर्णधार डोनोव्हन फरेरा यांनी १५ धावा केल्या. या दोघांव्यतिरिक्त, इतर कोणीही १५ धावाही करू शकले नाही, ज्यामुळे संघ फक्त ११० धावांवर गुंडाळला गेला. पाकिस्तानकडून फहीम अशरफने ४, तर सलमान मिर्झाने ३ बळी घेतले. नसीम शाहने २ बळी घेतले, तर अबरार अहमदनेही १ बळी घेतला.

पहिल्या टी-२० मध्ये दारुण पराभवानंतर पाकिस्तानने उल्लेखनीय पुनरागमन केले. एका छोट्या लक्ष्याचा पाठलाग करताना, साहिबजादा फरहानने पाकिस्तानी संघाकडून २८ धावा केल्या. दरम्यान, सॅम अयुबची बॅट अखेर बऱ्याच काळानंतर सक्रिय झाली आणि त्याने फक्त ३८ चेंडूत नाबाद ७१ धावा केल्या. १८६.८४ च्या स्ट्राईक रेटने खेळताना अयुबने सहा चौकार आणि पाच उत्तुंग षटकार मारले. बाबर आझमने १८ चेंडूत फक्त ११ धावा केल्या. तथापि, असे असूनही, पाकिस्तानने ४१ चेंडू शिल्लक असताना नऊ विकेट्सने सामना जिंकला. मालिकेतील तिसरा आणि शेवटचा सामना १ नोव्हेंबर रोजी त्याच मैदानावर खेळला जाईल, जिथे विजेता निश्चित केला जाईल.