Table Tennis: वर्ध्यात पुण्याच्या शरण्याचा जलवा! कियारा लेलेला नमवत कोरले विजेतेपदावर नाव

Table Tennis: या विजयामुळे राजवर्धन तिवारी आणि शरण्या पटवर्धन यांनी राज्य मानांकन स्पर्धेत आपली गुणवत्ता सिद्ध करत अनुक्रमे मुलांच्या आणि मुलींच्या अकरा वर्षांखालील गटातील विजेतेपदावर आपले नाव कोरले.

• राज्य मानांकन टेबल टेनिस स्पर्धेत शरण्या पटवर्धन विजेते
• अधिराज चौहान, कियारा लेले यांना उपविजेतेपद
  
• वर्ध्यात रंगली चुरशीची टेबल टेनिस लढत

पुणे/Table Tennis: वर्धा जिल्हा हौशी टेबल टेनिस संघटनेच्या वतीने आयोजित चौथ्या महाराष्ट्र राज्य मानांकन टेबल टेनिस स्पर्धेत सोलापूरच्या राजवर्धन तिवारी याने मुलांच्या गटात, तर पुण्याच्या शरण्या पटवर्धन हिने मुलींच्या गटात आपापल्या प्रतिस्पर्ध्यांवर मात करत विजेतेपद पटकावले. वर्धा येथील डिस्ट्रिक्ट स्पोर्ट्स कॉम्प्लेक्सच्या हॉलमध्ये सुरू असलेल्या या स्पर्धेतील अकरा वर्षांखालील मुलांच्या अंतिम सामन्यात राजवर्धन तिवारीने ठाण्याच्या अधिराज चौहान याचा ११-१३, ११-६, ५-११, ११-९, ११-२ असा पाच गेममध्ये पराभव केला. सुरुवातीला चुरशीची झालेली ही लढत अखेरीस राजवर्धनने आपल्या आक्रमक खेळाच्या जोरावर जिंकत विजेतेपदावर नाव कोरले.

राजवर्धन हा बार्शी येथील सेंट जोसेफ इंग्लिश मीडियम स्कूलमध्ये शिक्षण घेत असून, बार्शी टेबल टेनिस अकादमीमध्ये प्रशिक्षक गणेश स्वामी यांच्या मार्गदर्शनाखाली सराव करतो.अकरा वर्षांखालील मुलींच्या अंतिम फेरीत पुण्याच्या शरण्या पटवर्धन हिने ठाण्याच्या कियारा लेले हिच्यावर ११-४, ११-७, १३-११ असा सरळ तीन गेममध्ये विजय मिळवत विजेतेपद पटकावले. शरण्याने सामन्याच्या सुरुवातीपासूनच आक्रमक खेळ करत कियाराला फारशी संधी दिली नाही. शरण्या एमईएस बाल शिक्षण मंदिर इंग्लिश मीडियम स्कूलमध्ये पाचवी इयत्तेत शिकत असून, मार्तंड बिनीवाले टेबल टेनिस अकादमीत प्रशिक्षक मार्तंड बिनीवाले यांच्या मार्गदर्शनाखाली प्रशिक्षण घेत आहे.

अकरा वर्षांखालील मुले

·         अधिराज चौहान (ठाणे) वि.वि. आरव बापट (पुणे) — ११-२, ११-६, ११-१

·         अथर्व वैजवाडे (परभणी) वि.वि. ओजस ऐनापुरे (सोलापूर) — ११-४, ११-२, ११-३

·         निर्मित कुटे (ठाणे) वि.वि. शिव बहल (ठाणे) — ११-५, ११-६, ७-११, ८-११, १३-११

·         राजवर्धन तिवारी (सोलापूर) वि.वि. रणवीर जाधव (कोल्हापूर) — ११-२, ११-५, ११-४

Table Tennis: पुण्यात मानांकन टेनिस स्पर्धेचा थरार; अव्वल खेळाडूंना झुंजवत नवोदित खेळाडूंची जोरदार मुसंडी

उपांत्य फेरी :

·         अधिराज चौहान (ठाणे) वि.वि. अथर्व वैजवाडे (परभणी) — ११-७, ११-५, ११-८

·         राजवर्धन तिवारी (सोलापूर) वि.वि. निर्मित कुटे (ठाणे) — ११-४, ११-४, ११-३

अंतिम फेरी :

·         राजवर्धन तिवारी (सोलापूर) वि.वि. अधिराज चौहान (ठाणे) — ११-१३, ११-६, ५-११, ११-९, ११-२

अकरा वर्षांखालील मुलींचा गट उपांत्यपूर्व फेरी

·         अधीरा आहेर (नाशिक) वि.वि. इशिता भानगडीया (ठाणे) — १२-१०, ११-५, ११-७

·         कियारा लेले (ठाणे) वि.वि. अनया आहेर (नाशिक) — ११-४, ११-८, ११-४

·         रिद्धी सिंग (ठाणे) वि.वि. आरोही श्रीश्रीमळ (कोल्हापूर) — ११-७, ११-५, ११-५

·         शरण्या पटवर्धन (पुणे) वि.वि. धडकन टन्ना (ठाणे) — ५-११, ११-९, ११-१३, १२-१०, ११-७

Table Tennis: राज्य मानांकन टेबल टेनिस स्पर्धा: मयुरेश सावंत अन् स्वरा करमरकर बनले ‘सुवर्ण’पदकाचे मानकरी!

उपांत्य फेरी :

·         कियारा लेले (ठाणे) वि.वि. अधीरा आहेर (नाशिक) — १२-१०, ७-११, ९-११, ११-६, ११-३

·         शरण्या पटवर्धन (पुणे) वि.वि. रिद्धी सिंग (ठाणे) — ११-५, ११-५, ७-११, ११-१३, ११-९

अंतिम फेरी :

·         शरण्या पटवर्धन (पुणे) वि.वि. कियारा लेले (ठाणे) — ११-४, ११-७, १३-११

या विजयामुळे राजवर्धन तिवारी आणि शरण्या पटवर्धन यांनी राज्य मानांकन स्पर्धेत आपली गुणवत्ता सिद्ध करत अनुक्रमे मुलांच्या आणि मुलींच्या अकरा वर्षांखालील गटातील विजेतेपदावर आपले नाव कोरले.