रवि शास्त्रीने पसरवली भारतीय खेळाडूच्या मृत्यूची बातमी अन् नंतर मागितली माफी; काय आहे नेमका प्रकार, वाचा सविस्तर

नारी कॉन्ट्रॅक्टरच्या मृत्यूची चुकीची बातमी शेअर केल्यानंतर रवी शास्त्रींनी केवळ सोशल मीडियावरून ती काढून टाकली नाही तर माफीही मागितली आहे. 

Ravi Shastri Apologies : रवी शास्त्री भारत आणि न्यूझीलंड यांच्यातील मुंबई कसोटीचे समालोचन करीत आहेत. पण, दरम्यान, त्याच्या सोशल मीडिया हँडलवरून त्याने न्यूझीलंडविरुद्ध कसोटी पदार्पण करणाऱ्या भारतीय खेळाडूच्या मृत्यूची बातमी पसरवली. आपली चूक लक्षात येताच त्याने पोस्ट डिलीट तर केलीच पण चुकीबद्दल माफीही मागितली. रवी शास्त्री यांनी 1955 मध्ये मुंबईतील ब्रेबॉर्न स्टेडियमवर न्यूझीलंडविरुद्धच्या कसोटी कारकिर्दीची सुरुवात करणाऱ्या नारी कॉन्ट्रॅक्टरच्या निधनाची बातमी शेअर केली होती.

रवी शास्त्रींनी नारी कॉन्ट्रॅक्टरच्या निधनाची चुकीची बातमी केली शेअर

See more

Apologies – the news floating around the demise of Nari Contractor is incorrect. He is fine. God bless 🙏 pic.twitter.com/zGqWjim9SL

— Ravi Shastri (@RaviShastriOfc) November 2, 2024

 

रवी शास्त्री यांनी त्यांच्या मृत्यूच्या चुकीच्या बातमीबद्दल मागितली माफी
टीम इंडियाचे माजी मुख्य प्रशिक्षक रवी शास्त्री यांनी नारी कॉन्ट्रॅक्टरच्या मृत्यूबाबत चुकीची बातमी शेअर केल्याबद्दल माफी मागितली आहे. माफी मागताना त्यांनी नारी कॉन्ट्रॅक्टर यांच्या सध्याच्या प्रकृतीचीही माहिती दिली. शास्त्री यांनी लिहिले की, कॉन्ट्रॅक्टर यांच्या तब्बेतीची आता काळजी नसावी आणि त्यांच्या निधनाची बातमी पूर्णपणे चुकीची आहे.

नारी कॉन्ट्रॅक्टरने 31 कसोटींमध्ये 1611 धावा
नारी कॉन्ट्रॅक्टर यांचा जन्म 7 मार्च 1934 रोजी गुजरातमधील गोध्रा येथे झाला. 1955 मध्ये त्यांनी पहिली कसोटी खेळली. त्यांची कसोटी कारकीर्द 7 वर्षे टिकली. या काळात त्यांी खेळल्या गेलेल्या 31 कसोटींमध्ये त्याने 1611 धावा केल्या आणि 1 बळी घेतला. त्याने शेवटचा कसोटी सामना १९६२ मध्ये वेस्ट इंडिजविरुद्ध खेळला होता.

वेस्ट इंडिजच्या वेगवान गोलंदाजाच्या चेंडूवर फुटले होते डोके

See more

60 years ago a metal plate was inserted in the head of Nari Contractor after he was hit by a bouncer from Charlie Griffith The plate was removed today in a pvt hospital
Get well soon Naribhai
Picture courtesy former Bombay fast bowler Hoshedar Contractor son of 88 yr old Naribhai pic.twitter.com/59JHmkQwRn

— Makarand Waingankar (@wmakarand) April 6, 2022

 

ग्रिफिथच्या बाउन्सरने त्याची कारकीर्द संपवली!
नारी कॉन्ट्रॅक्टरची कसोटी कारकीर्द संपुष्टात येण्याचे कारण म्हणजे वेस्ट इंडिजचा वेगवान गोलंदाज ग्रिफिथचा बाऊन्सर, ज्यामुळे त्यांचे डोके फुटले. ही घटना 1962 च्या मालिकेतील आहे. त्याच्या डोक्याला जोरदार मार लागल्यानंतर, नारी कॉन्ट्रॅक्टरच्या  डोक्यात मेटल प्लेट्स घातल्या गेल्या, ज्या 2022 मध्ये 60 वर्षांनंतर काढल्या गेल्या. नारी कॉन्ट्रॅक्टर सध्या ९० वर्षांचे असून ते पूर्णपणे निरोगी आहेत.