रॉयल चॅलेंजर्स बंगळुरू प्लेऑफपासून एक विजय दूर, लखनौ सुपर जायंट्ससाठी पुनरागमन करण्याची शेवटची संधी

फॉर्ममध्ये असलेल्या रॉयल चॅलेंजर्स बंगळुरूला प्लेऑफमध्ये आपले स्थान निश्चित करण्यासाठी हा सामना जिंकण्याचा प्रयत्न असेल, तर लखनौ सुपर जायंट्स त्यांचे सलग पराभव विसरून विजयी मार्गावर परतण्याचा प्रयत्न करेल.

रॉयल चॅलेंजर्स बंगळुरू विरूध्द लखनौ सुपर जायंट्स : प्लेऑफची शर्यत फारच मनोरंजक होत चालली आहे, यामध्ये चेन्नई सुपर किंग्स, सनराइझर्स हैदराबाद आणि राजस्थान रॅायल्स हे संघ प्लेऑफच्या शर्यतीमधून बाहेर झाले आहेत. तर कोलकता नाइट राइडर्सला कालच्या सामन्यात चेन्नईविरूध्द पराभवाचा सामना करावा लागला. त्यामुळे कोलकाताच्या प्लेऑफच्या आशा जवळजवळ नष्ट झाल्या आहेत.आयपीएल २०२५ चा ५९ वा सामना शुक्रवारी लखनौ सुपर जायंट्स आणि रॉयल चॅलेंजर्स बंगळुरू यांच्यात खेळला जाईल. फॉर्ममध्ये असलेल्या रॉयल चॅलेंजर्स बंगळुरूला प्लेऑफमध्ये आपले स्थान निश्चित करण्यासाठी हा सामना जिंकण्याचा प्रयत्न असेल, तर लखनौ सुपर जायंट्स त्यांचे सलग पराभव विसरून विजयी मार्गावर परतण्याचा प्रयत्न करेल.

स्पर्धा जसजशी पुढे सरकत आहे तसतसे लखनौचा कर्णधार ऋषभ पंतवरील दबावही वाढत आहे. स्पर्धेच्या सुरुवातीपासूनच त्याला धावा करण्यासाठी संघर्ष करावा लागत आहे आणि त्याचा परिणाम निकालांवर स्पष्टपणे दिसून येत आहे. लखनौने गेल्या पाचपैकी चार सामने गमावले आहेत आणि उर्वरित तीन सामने जिंकल्यास त्यांना फक्त १६ गुण मिळू शकतात. प्ले-ऑफच्या शर्यतीत १८ गुण हा एक सुरक्षित आकडा मानला जातो आणि आरसीबीने येथे जिंकून तेथे पोहोचण्यासाठी कोणतीही कसर सोडली नसती. आरसीबीने गेल्या सहापैकी पाच सामन्यांमध्ये विजय मिळवून प्लेऑफमध्ये स्थान मिळवण्यासाठी स्वतःला प्रबळ दावेदार बनवले आहे.

See more

A match that could turn the tide in the #IPLRace2Playoffs! 🔥 1 day to go! Will #LSG come from behind and hamper #RCB‘s dream run? 𝘈𝘴𝘭𝘪 𝙍𝘼𝘾𝙀 𝘢𝘣 𝘴𝘩𝘶𝘳𝘶 ⚡#IPLonJioStar 👉 #LSGvRCB | FRI, 9th MAY, 6:30 PM on Star Sports 1, Star Sports 1 Hindi, Star Sports 2, Star… pic.twitter.com/Kqro86SaxN — Star Sports (@StarSportsIndia) May 8, 2025

आयपीएल लिलावात सर्वाधिक किमतीचा खेळाडू ठरलेल्या पंतसाठी हा सिझन आतापर्यंत विसरण्यासारखा राहिला आहे. त्याने फलंदाजीच्या क्रमवारीमध्ये वेगवेगळ्या स्थानांवर फलंदाजी करण्याचा प्रयत्न केला पण त्याला त्याचा फायदा झाला नाही आणि सातत्य त्याला मिळाले नाही. त्याचा ९९.९२ चा स्ट्राईक रेट या सिझनमध्ये त्याच्या संघर्षांबद्दल बरेच काही सांगतो. लखनौ संघ त्यांच्या आघाडीच्या तीन फलंदाजांवर – मिचेल मार्श, एडेन मार्कराम आणि निकोलस पूरन – खूप अवलंबून आहे, परंतु त्यांच्या इतर खेळाडूंनाही स्पर्धेत पुढे जायचे असेल तर चांगली कामगिरी करावी लागेल.

PSL ला परदेशी खेळाडूंचा रामराम! Operation Sindoor मुळे शेजाऱ्याची उडाली झोप

धर्मशाला येथे पंजाब किंग्जकडून झालेल्या पराभवानंतर पंत म्हणाला, “आम्ही अद्याप प्लेऑफमध्ये पोहोचण्याची आशा सोडलेली नाही. जर आम्ही पुढील तीन सामने जिंकले तर आम्ही तिथे पोहोचू शकतो. जेव्हा तुमचा टॉप ऑर्डर खरोखर चांगली फलंदाजी करत असेल तेव्हा ते अर्थपूर्ण आहे. तुम्ही त्यांच्याकडून प्रत्येक सामन्यामध्ये चांगली कामगिरी करण्याची अपेक्षा करू शकत नाही असे स्पष्टपणे रिषभ पंत याने सांगितले.”