ICC T20 World Cup 2026 :आगामी टी२० विश्वचषकात रोहित शर्माची एंट्री! जय शहाने ‘हिटमॅन’ वर सोपवली मोठी जबाबदारी

आयसीसीकडून टी-२० विश्वचषक २०२४ आणि चॅम्पियन्स ट्रॉफी २०२५ विजेता रोहित शर्माची टी-२० विश्वचषक २०२६ स्पर्धेसाठी राजदूत म्हणून नियुक्त करण्यात आले आहे. आयसीसी चेअरमन जय शहा यांनी रोहितच्या नावाची घोषणा केली.

• टी-२० विश्वचषक २०२६ साठी रोहित शर्माची राजदूत म्हणून निवड 
• ७ फेब्रुवारी २०२६ पासून टी-२० विश्वचषकाला सुरुवात 
• या स्पर्धेचा ८ मार्च रोजी अंतिम सामना खेळवण्यात येईल

ICC T20 World Cup 2026 : आयसीसीकडून टी-२० विश्वचषक २०२४ आणि चॅम्पियन्स ट्रॉफी २०२५ विजेता रोहित शर्मावर मोठी जबाबदारी सोपवण्यात आली आहे. ‘हिटमॅन’ रोहित शर्माला  टी-२० विश्वचषक २०२६ स्पर्धेसाठी राजदूत म्हणून नियुक्त केले आहे.  यावेळी, टी-२० विश्वचषकाची १० वी आवृत्ती ७ फेब्रुवारी २०२६ पासून खेळवण्यात येणार आहे. भारत आणि श्रीलंका संयुक्तपणे या स्पर्धेचे आयोजन करणार असून या स्पर्धेत अंतिम सामन्यासह ५५ सामने खेळवण्यात येणार आहे. श्रीलंकेने यापूर्वी २०१२ मध्ये या स्पर्धेचे शेवटचे आयोजन केले होते.

हेही वाचा : Ind vs SA Test : “मी कर्णधार राहिलोय, मला शिकवू नका”, माजी क्रिकेटपटू श्रीकांत यांचे गौतम गंभीरच्या टीकेला प्रत्युत्तर

टी-२० विश्वचषक २०२६ स्पर्धेसाठी राजदूत म्हणून रोहित शर्माच्या नावाची घोषणा करताना आयसीसी चेअरमन जय शहा यांनी म्हटले की, ” भारत आणि श्रीलंकेत होणाऱ्या आगामी टी२० विश्वचषका २०२६ या स्पर्धासाठी रोहित शर्मा हा स्पर्धेचा राजदूत आहे हे जाहीर करताना मला अभिमान वाटत आहे. २०२४ च्या टी२० विश्वचषकाचा विजेता कर्णधार आणि आतापर्यंतच्या सर्व नऊ आवृत्त्यांमध्ये खेळलेला खेळाडू या स्पर्धेसाठी यापेक्षा चांगला प्रतिनिधी असू शकत नाही.”

See more

It’s my honour to announce that @ImRo45 is the tournament ambassador for the upcoming @T20WorldCup in India & Sri Lanka.
There can be no better representative for the event than the winning captain of the 2024 T20 World Cup, and a player who has been in all nine editions so far. pic.twitter.com/muWh3mUflj — Jay Shah (@JayShah) November 25, 2025

हेही वाचा : Ind vs Sa 2nd Test : चौथ्या दिवसाचा खेळ संपला! भारताचा स्कोअर 27/2; दक्षिण आफ्रिकेला विजयासाठी 8 विकेट्सची गरज

७ फेब्रुवारी २०२६ पासून टी२० विश्वचषकाला सुरुवात

२०२६ चा टी२० विश्वचषक स्पर्धेला ७ फेब्रुवारीपासुन सुरू होणार आहे. ८ मार्च रोजी अंतिम सामना खेळवण्यात येईल. भारत आणि श्रीलंका हे दोघेही विश्वचषक आयोजन करणार आहेत. पाकिस्तान त्यांचे सर्व सामने कोलंबो किंवा कॅंडी येथे खेळवण्यात येणार आहेत.  स्पर्धेचे स्वरूप २०२४ च्या विश्वचषकासारखेच असणार आहे. ज्यामध्ये २० संघ चार गटांमध्ये विभागले जातील. विश्वचषकामध्ये प्रत्येक गटामधील पहिले दोन संघ सुपर ८ मध्ये प्रवेश करणार. त्यानंतर या संघांना दोन सुपर ८ गटांमध्ये विभागले जाऊन प्रत्येक गटात चार संघ असतील. या सुपर ८ गटांमधील प्रत्येकी दोन अव्वल संघ उपांत्य फेरीत आणि नंतर अंतिम फेरीत प्रवेश करतील.