फोटो सौजन्य: X.com
क्रीडा विश्वात 10 नंबर जर्सीला ओळख मिळवून देणारे दोन दिग्गज खेळाडू मुंबईतील वानखेडे स्टेडियमवर भेटले. सचिन तेंडुलकर आणि लिओनेल मेस्सी यांची मुंबईच्या वानखेडे स्टेडियमवर भेट झाली, यावेळी सचिनने मेस्सीला त्याची क्रिकेट जर्सी भेट दिली. क्रिकेट आणि फुटबॉलच्या इतिहासातील हा एक ऐतिहासिक क्षण ठरला.
लिओनेल मेस्सीने वानखेडे स्टेडियमवर माजी भारतीय फुटबॉल कर्णधार सुनील छेत्री यांचीही भेट घेतली. त्यानंतर त्यांनी महाराष्ट्राचे मुख्यमंत्री देवेंद्र फडणवीस आणि नंतर “मास्टर ब्लास्टर” सचिन तेंडुलकर यांची भेट घेतली. त्यानंतर दोघांमध्ये शब्दांची देवाणघेवाण झाली, ज्याचा व्हिडिओ सोशल मीडियावर मोठ्या प्रमाणात शेअर केला जात आहे.
VIDEO | Maharashtra: Amid loud cheers, Indian cricket legend Sachin Tendulkar gifts Argentine football icon Lionel Messi the 2011 World Cup jersey, calling it a golden moment for Mumbai and India. (Source: Third Party) (Full VIDEO available on PTI Videos –… pic.twitter.com/GKIqReBoqa — Press Trust of India (@PTI_News) December 14, 2025
सचिन तेंडुलकरने मेस्सीला त्याची 2011 ची एकदिवसीय विश्वचषक जर्सी भेट दिली. तसेच अर्जेंटिनाच्या फुटबॉल दिग्गजाने सचिन तेंडुलकरला 2022 च्या विश्वचषकाचा चेंडूही भेट दिला. सचिन तेंडुलकर काय म्हणत आहे हे समजून घेण्यासाठी त्याच्यासोबत एक ट्रान्स्लेटर सुद्धा उपस्थित होता.
दरम्यान, सचिन तेंडुलकरला लिओनेल मेस्सीच्या भारत भेटीबद्दल त्याचे काय मत आहे असे विचारण्यात आले. ते म्हणाले, “आम्ही लिओनेल मेस्सीच्या चिकाटीचा आणि वचनबद्धतेचा आदर करतो. त्याच्या नम्र स्वभावाबद्दल आणि व्यक्तिमत्त्वाबद्दल त्याचे खूप कौतुक आहे. मुंबई आणि भारतातील लोकांच्या वतीने, मी मेस्सी आणि त्याच्या कुटुंबाला आनंद आणि चांगल्या आरोग्यासाठी शुभेच्छा देतो.”
13 डिसेंबर रोजी लिओनेल मेस्सी कोलकाता येथे पोहोचला, त्यानंतर हैदराबाद येथे त्याने राहुल गांधींची भेट घेतली आणि एका प्रदर्शनीय सामन्यात तो सहभागी झाला. तो आज म्हणजेच 14 डिसेंबर रोजी मुंबईत पोहोचला आणि उद्या, 15 डिसेंबर रोजी दिल्लीला जाणार आहे.
.png "Videos"){kind=small}
