Satara Half Marathon: धावण्याच्या शर्यतीत हृदय थांबले; डॉक्टरांच्या शर्थीच्या प्रयत्नांनंतरही पुण्याच्या धावपटूचा मृत्यू

Satara Half Marathon Sanjay Kadam Dies Heart Attack: सातारा हाफ मॅरेथॉनदरम्यान पुण्याचे संजय कदम यांना बोगदा परिसरात धावताना अचानक हृदयविकाराचा त्रास झाला. रुग्णालयात अँजिओप्लास्टी करूनही उपचारादरम्यान काही तासांनी त्यांचा मृत्यू झाला.

• मॅरेथॉनमध्ये धावताना काळाचा घाला
• संजय कदम यांची जीवनाची शर्यत संपली
• पुण्याच्या धावपटूचा मृत्यू

सातारा: सातारा हाफ मॅरेथॉनमध्ये उत्साहाने धावत आलेल्या पुण्याच्या संजय कदम यांच्या आयुष्याची शर्यत मात्र रविवारी बोगदा परिसरातच थांबली. धावताना अचानक हृदयविकाराचा त्रास जाणवल्यानंतर त्यांच्यावर घटनास्थळी उपस्थित डॉक्टरांनी तातडीने सीपीआरसह प्राथमिक उपचार केले. त्यानंतर रुग्णवाहिकेतून पल्स हॉस्पिटलमध्ये दाखल करून अँजिओप्लास्टी करण्यात आली. मात्र उपचार सुरू असतानाच काही तासांनी त्यांचा मृत्यू झाला.

Nehru Hockey Tournament: नेहरू हॉकी स्पर्धेत सहकार विद्या मंदिरचा ‘दबदबा’! तिन्ही प्रमुख गटांत मारली बाजी

सातारा हाफ मॅरेथॉनचे यंदाचे पंधरावे वर्ष आहे. स्पर्धेदरम्यान प्रथमच धावपटूचा मृत्यू झाल्याने आयोजक, सहभागी धावपटू आणि सातारेकरांमध्ये हळहळ व्यक्त होत आहे. कदम यांना बोगदा परिसरात त्रास जाणवताच त्यांच्या मागून धावत असलेले डॉ. मुजावर, पल्स हॉस्पिटलचे डॉ. कौशिक पाटील आणि मीनाक्षी हॉस्पिटलचे डॉ. प्रतापराव गोळे यांनी धाव घेतली. रुग्णवाहिका येईपर्यंत सीपीआर देत त्यांनी त्यांची प्रकृती स्थिर ठेवण्याचा प्रयत्न केला. रुग्णवाहिकेतही उपचार सुरू ठेवण्यात आले.

पल्स हॉस्पिटलमध्ये तपासणीत रक्तवाहिनी ब्लॉक झाल्याचे निदर्शनास आले. त्यानंतर तातडीने अँजिओप्लास्टी करण्यात आली. डॉ. संग्राम देशमुख, डॉ. ओंकार पाटील यांच्यासह वैद्यकीय कर्मचाऱ्यांनीही उपचारासाठी शर्थीचे प्रयत्न केले. मात्र, काही तासांनी कदम यांची प्राणज्योत मालवली. या घटनेने आनंदाच्या मॅरेथॉनवर शोककळा पसरली.

Half Marathon: २१ किलोमीटरचा थरार अन् सांगलीचा डंका! परतीच्या वेगात प्रवीण कांबळेने मारली बाजी; महिलांमध्ये राणी उत्तंडे अव्वल