Delhi Half Marathon : दिल्ली हाफ मॅरेथॉनमध्ये केनियाचा डंका! माताताने मोडला कोर्स रेकॉर्ड, महिलांमध्ये एलेमू अव्वल
माताताने नोंदवलेली वेळ त्याची वैयक्तिक सर्वोत्तम कामगिरीही ठरली. पुरुषांच्या शर्यतीत केनियाच्याच सॅमवेल न्यामाई माइलूने दुसरे, तर स्टॅनली वैथाका म्बुरूने तिसरे स्थान मिळवले. त्यामुळे पुरुषांच्या एलिट गटातील तिन्ही पदके केनियाच्या धावपटूंनी पटकावली.
महिलांच्या एलिट गटात इथिओपियाच्या एलेमूने आपल्याच देशाच्या सेला बुसिनेईला मागे टाकत विजेतेपद मिळवले. केनियाच्या सिंथिया चेलंगात चेपक्वोनीने तिसरे स्थान पटकावले. भारतीय एलिट गटात पुरुषांमध्ये शैलेश कुशवाहा, तर महिलांमध्ये अंकिता ध्यानी यांनी विजेतेपद मिळवले.
दिल्लीच्या मुख्यमंत्री रेखा गुप्ता, जम्मू-काश्मीरचे मुख्यमंत्री ओमर अब्दुल्ला आणि वेदांता समूहाचे मुख्य कार्यकारी अधिकारी अरुण मिश्रा यांनी स्पर्धेला हिरवा झेंडा दाखवला. यावेळी व्हाइस अॅडमिरल अतुल आनंद उपस्थित होते. एलिट हाफ मॅरेथॉनसह मास पार्टिसिपेशन हाफ मॅरेथॉन, पोलीस कप, ‘चॅम्पियन्स विथ डिसॅबिलिटी’, ज्येष्ठ नागरिकांची धाव, ओपन 10 किलोमीटर आणि ‘ग्रेट दिल्ली रन’ अशा विविध गटांतील शर्यतीही पार पडल्या.
IND Vs WI: चाहत्यांचा हिरमोड! आधी उशिरा सुरुवात अन् पुन्हा पाऊस…; बंगळुरूत नक्की काय घडतंय?
बॉक्सिंगपटू मेरी कोम, पॅरालिम्पिक बॅडमिंटन विजेता प्रमोद भगत आणि टेनिसपटू महेश भूपती यांनीही या उपक्रमाला पाठिंबा दिला. आघाडीचे खेळाडू आणि हौशी धावपटू यांच्या सहभागामुळे या स्पर्धेत क्रीडा उत्कृष्टतेसोबतच सर्वसमावेशक सहभागाचे दर्शन घडले.
या वर्षीच्या स्पर्धेत ‘रन फॉर झिरो हंगर’ या उपक्रमालाही जोड देण्यात आली. सहभागी धावपटूंच्या माध्यमातून यंदा 50 लाख भोजन उपलब्ध करून देण्याचे उद्दिष्ट साध्य करण्यात आले. मागील पाच आवृत्त्यांमध्ये या अभियानांतर्गत एकूण 2.7 कोटींहून अधिक भोजन उपलब्ध करून देण्यात आले आहे. वेदांता समूहाच्या दिल्ली हाफ मॅरेथॉनशी असलेल्या सहभागाची पाच वर्षे पूर्ण झाल्याचेही हे वर्ष विशेष ठरले.
वेदांता समूहाच्या नॉन-एक्झिक्युटिव्ह संचालक आणि हिंदुस्तान झिंक लिमिटेडच्या अध्यक्ष प्रिया अग्रवाल हेब्बर म्हणाल्या, 40 हजार धावपटू रस्त्यावर उतरल्याने दिल्ली हाफ मॅरेथॉनने क्रीडा उत्कृष्टता, वैयक्तिक दृढनिश्चय आणि सामूहिक प्रयत्नांच्या ताकदीचा उत्सव साजरा केला. आघाडीच्या खेळाडूंपासून ते पहिल्यांदाच धावणाऱ्या सहभागींपर्यंत प्रत्येकाने खेळ आपल्याला स्वतःसाठी आणि इतरांसाठी काहीतरी चांगले करण्याची प्रेरणा कशी देऊ शकतो, हे दाखवून दिले.
दरम्यान, सीमा सुरक्षा दलानेही (बीएसएफ) या स्पर्धेत उत्साहाने सहभाग घेतला. दलाच्या स्थापनेची 61 वर्षे पूर्ण झाल्यानिमित्त 61 पुरुष आणि 61 महिला कर्मचाऱ्यांनी या प्रतिष्ठित स्पर्धेत भाग घेतला. बीएसएफ आणि ‘बॉर्डर सिक्युरिटी फोर्स वाइव्स वेल्फेअर असोसिएशन’च्या सदस्यांसह सुमारे 130 जण सहभागी झाले.
बीएसएफचे महासंचालक प्रवीण कुमार यांनीही हाफ मॅरेथॉनमध्ये सहभाग घेत 2 तास 28 मिनिटे 15 सेकंदांत शर्यत पूर्ण केली. आव्हानात्मक परिस्थितीत काम करणाऱ्या जवानांसाठी शारीरिक तंदुरुस्ती महत्त्वाची असल्याने नियमित व्यायाम, निरोगी जीवनशैली आणि सातत्यपूर्ण आत्मसुधारणेला प्रोत्साहन देण्याच्या उद्देशाने दलाकडून अशा क्रीडा उपक्रमांमध्ये सहभाग घेतला जातो.
Ans: या स्पर्धेत सुमारे ४० हजार धावपटूंनी सहभाग घेतला.
Ans: पुरुषांमध्ये शैलेश कुशवाहा आणि महिलांमध्ये अंकिता ध्यानी यांनी विजेतेपद मिळवले.
Ans: २०२६ च्या आवृत्तीत ५० लाख भोजन उपलब्ध करून देण्यात आले. मागील पाच आवृत्त्यांमध्ये एकूण २.७ कोटींहून अधिक भोजन उपलब्ध करण्यात आल्याचे आयोजकांनी सांगितले.
.png "Videos"){kind=small}
