IPL 2026: Shane Warne चा ‘मास्टरस्ट्रोक’! Rajastan Royals च्या विक्रीमुळे मुले होणार मालामाल; 3% हिस्सा देणार 460 कोटींचा खजिना

२०२६ च्या आयपीएल (IPL) हंगामापूर्वी, राजस्थान रॉयल्स आणि रॉयल चॅलेंजर्स बंगलोर या दोन्ही फ्रँचायझींची विक्री झाली आहे. यानंतर दिवंगत ऑस्ट्रेलियन गोलंदाज शेन वॉर्न बाबतच्या चर्चांना उधाण आली आहे.

• RR आणि RCB या दोन्ही फ्रँचायझींची विक्री
• वॉर्न यांच्या कुटुंबाला ₹४६० कोटींची रक्कम मिळण्याची शक्यता
• IPL करारात समाविष्ट असलेला ‘इक्विटी हिस्सा’

Shne Warne 460 Crore, Rajasthan Royals Deal : २०२६ च्या आयपीएल (IPL) हंगामापूर्वी, राजस्थान रॉयल्स (RR) आणि रॉयल चॅलेंजर्स बंगलोर (RCB) या दोन्ही फ्रँचायझींची विक्री झाली आहे. दोन्ही संघांची मालकी अधिकृतपणे नवीन मालकांकडे हस्तांतरित करण्यात आली आहे. या घडामोडींच्या पार्श्वभूमीवर, दिवंगत ऑस्ट्रेलियन फिरकी गोलंदाज शेन वॉर्न यांच्याबाबतच्या चर्चांना उधाण आले आहे; ज्यांच्या नेतृत्वाखाली राजस्थान रॉयल्सने आयपीएलच्या अगदी पहिल्याच हंगामात विजेतेपद पटकावले होते. राजस्थान रॉयल्सच्या विक्रीमुळे, वॉर्न यांच्या कुटुंबाला तब्बल ₹४६० कोटींची रक्कम मिळण्याची शक्यता असल्याचे वृत्त समोर येत आहे.
विराट कोहली, रोहित शर्मा आणि एम.एस. धोनी यांसारख्या खेळाडूंच्या आयपीएलमधील संपूर्ण कारकिर्दीतील एकूण कमाईच्या तुलनेत वॉर्न यांना मिळणाऱ्या ₹४६० कोटींच्या या प्रचंड आर्थिक लाभाच्या तुलनेत त्यांची कमाई अगदीच नगण्य वाटते. वॉर्न यांच्या कुटुंबाला ही कोट्यवधींची रक्कम नेमकी कशी मिळणार आहे, हे समजून घेऊया.

Gautam Gambhir च्या डीप फेक प्रकरणी दिल्ली हायकोर्टाने काय दिला निकाल? AI बाबतही केलं मोठं विधान

IPL करारात समाविष्ट असलेला ‘इक्विटी हिस्सा’

बहुतांश खेळाडू आपल्या संघांशी एका विशिष्ट मानधनावर (रक्कमेवर) करार करतात जी रक्कम सहसा लिलावादरम्यान त्यांच्यावर बोली लावून निश्चित केली जाते. मात्र, वॉर्न यांनी आयपीएलच्या अगदी सुरुवातीपासूनच एक पूर्णपणे वेगळा दृष्टिकोन स्वीकारला होता. प्रसारमाध्यमांच्या वृत्तानुसार, वॉर्न यांनी त्यांच्या वार्षिक मानधनापोटी मिळणाऱ्या $६,५७,००० (६ लाख ५७ हजार डॉलर्स) या रकमेव्यतिरिक्त, संघामध्ये ०.७५% ‘इक्विटी हिस्सा’ म्हणजे मालकी हक्क मिळवण्याबाबत वाटाघाटी केल्या होत्या. वॉर्न यांनी २००८ ते २०११ या कालावधीत, अशा एकूण चार हंगामांसाठी राजस्थान रॉयल्स संघाकडून खेळ केला. परिणामी, या फ्रँचायझीमधील त्यांचा एकूण इक्विटी हिस्सा वाढत जाऊन ३% इतका झाला. सुरुवातीच्या काळात ही गुंतवणूक तुलनेने अगदीच किरकोळ वाटत असली, तरी काळाच्या ओघात वॉर्न यांची ही धोरणात्मक गुंतवणूक त्यांच्यासाठी एक प्रचंड मोठी आर्थिक संपत्ती बनली.

संघाची विक्री नेमकी किती किमतीला झाली?

राजस्थान रॉयल्स या फ्रँचायझीची विक्री अमेरिकेतील एका समूहाला $१.६३ अब्ज म्हणजे सुमारे ₹१५,२९० कोटी इतक्या मूल्यावर करण्यात आली. या मूल्यांकनाच्या आधारे पाहता, वॉर्न यांच्या इक्विटी हिश्श्याचे मूल्य अंदाजे ₹४६० कोटी इतके ठरते. या प्रचंड आकड्यामुळे, वॉर्न यांनी रोहित, विराट आणि धोनी यांसारख्या आयपीएलमधील दिग्गज खेळाडूंच्या संपूर्ण कारकिर्दीतील एकूण कमाईलाही मागे टाकले आहे.

कोहली, रोहित आणि धोनी किती मानधन?

रोहित शर्मा: २०२६ पर्यंत, मुंबई इंडियन्सचा कर्णधार रोहित शर्माने आपल्या संपूर्ण कारकिर्दीत एकूण IPL मानधन म्हणून अंदाजे ₹२११ कोटींची कमाई केली आहे.
विराट कोहली: रॉयल चॅलेंजर्स बंगळुरूचा प्रमुख खेळाडू विराट कोहलीने २०२६ पर्यंत IPL द्वारे अंदाजे ₹२१२ कोटींची कमाई केली आहे.
MS धोनी: टीम इंडियाचा माजी कर्णधार MS धोनीने २०२६ पर्यंत IPL मानधन म्हणून सुमारे ₹१९६ कोटींची कमाई केली आहे.

लग्नानंतर Kuldeep Yadav पोहोचला वृंदावनला! पत्नीसह घेतलं बांके बिहारींचे दर्शन