साऊथ आफ्रिका चॅम्पियन्सने पाकिस्तानला पाजलं पाणी! WCL 2025 फायनलच्या सामन्यात 9 विकेट्सने केले पराभूत

WLC २०२५ चा फायनलचा सामना हा दक्षिण आफ्रिका विरुद्ध पाकिस्तान या दोन संघांमध्ये खेळवण्यात आला होता. या फायनलच्या सामन्यामध्ये दक्षिण आफ्रिकेच्या संघाने पाकिस्तानला 9 विकेट्सने पराभुत करुन ट्राॅफी जिंकली.

• वर्ल्ड चॅम्पियनशिप ऑफ लीजेंड्स २०२५ चा अंतिम सामना पार पडला 
• दक्षिण आफ्रिका चॅम्पियन्स विरुद्ध पाकिस्तान चॅम्पियन्स या दोन संघांमध्ये खेळवण्यात आला होता.
• दक्षिण आफ्रिका चॅम्पियन्सच्या संघाने पाकिस्तानला फायनलच्या सामन्यामध्ये पराभुत करुन जेतेपद नावावर केले. 

वर्ल्ड चॅम्पियनशिप ऑफ लीजेंड्स २०२५ चा काल फायनलचा सामना पार पडला. हा सामना दक्षिण आफ्रिका चॅम्पियन्स विरुद्ध पाकिस्तान चॅम्पियन्स या दोन संघांमध्ये खेळवण्यात आला होता. दक्षिण आफ्रिका चॅम्पियन्सचा कर्णधार एबी डिव्हिलियर्स हा दमदार फॉर्ममध्ये सध्या आहे. त्याने त्याने आतापर्यंत कमालीच्या खेळी खेळला आहे त्याचबरोबर दोन शतके देखील या स्पर्धेमध्ये झळकावली आहे.  वर्ल्ड चॅम्पियनशिपच्या फायनान्सच्या सामन्यांमध्ये देखील त्याने कहर केला आणि पाकिस्तानच्या संघाला धूळ चारली.

वर्ल्ड चॅम्पियनशिप ऑफ लीजेंड्स २०२५ च्या अंतिम सामन्यात पाकिस्तान चॅम्पियन्स आणि दक्षिण आफ्रिका चॅम्पियन्स हे संघ आमनेसामने आले. जिथे पाकिस्तान संघाने नाणेफेक जिंकून प्रथम फलंदाजी करण्याचा महत्त्वाचा निर्णय घेतला. मोहम्मद हाफिजच्या संघाने २० षटकांत ५ गडी गमावून १९५ धावा केल्या. प्रत्युत्तरादाखल, एबी डिव्हिलियर्सच्या दक्षिण आफ्रिका चॅम्पियन्स संघाने सामना ९ गडी राखून जिंकला आणि ट्रॉफीही जिंकली.  

IND vs ENG 5th Test : इंग्लिश खेळाडूचा पुन्हा ढोंगीपणा सुरू! पुढच्या चेंडूला मिया भाईने दाखवलं बाहेरचा रस्ता

नाणेफेक जिंकल्यानंतर पाकिस्तान प्रथम फलंदाजीला आला आणि सलामीवीर शरजील खानने ७६ धावांची शानदार खेळी केली. मात्र, कामरान अकमल फक्त २ धावा काढून पॅव्हेलियनमध्ये परतला. कर्णधार मोहम्मद हाफिजने १७ धावा केल्या तर शोएब मलिकने फक्त २० धावा केल्या. शेवटी उमर अमीनने ३६ धावा केल्या तर आसिफ अलीने २८ धावा केल्या. त्यामुळे पाकिस्तानचा संघ १९५ धावांपर्यंत पोहोचू शकला. दक्षिण आफ्रिकेकडून हार्डस विल्जोएन आणि वेन पार्नेलने प्रत्येकी २-२ बळी घेतले. ड्वेन ऑलिव्हियरनेही १ बळी घेतला.

See more

Ab de Villiers = Champion 👏❤️ @ABdeVilliers17 #worldchampionshipoflegends #WCL2025 pic.twitter.com/pzqSoFYWdo — World Championship Of Legends (@WclLeague) August 2, 2025

लक्ष्याचा पाठलाग करताना दक्षिण आफ्रिकेकडून हाशिम अमलाने १८ धावा केल्या. त्याचा सहकारी फलंदाज एबी डिव्हिलियर्सने ६० चेंडूत १२० धावांची शानदार खेळी केली. ज्यामध्ये १२ चौकार आणि ७ उत्तुंग षटकारांचा समावेश होता. तिसऱ्या क्रमांकावर फलंदाजीला आलेल्या जेपी ड्युमिनीने २८ चेंडूत ५० धावांची खेळी केली. त्यामुळे दक्षिण आफ्रिकेने सामना तसेच स्पर्धा जिंकली.

See more

CELEBRATION BY AB DE VILLIERS WITH WCL TROPHY 🥹❤️ pic.twitter.com/iiv2zXUh8m — Johns. (@CricCrazyJohns) August 2, 2025

पाकिस्तानचा संघ सलग दुसऱ्यांदा अंतिम सामन्यात पराभूत झाला आहे. दुसरीकडे, आफ्रिकेचा संघ पहिल्यांदाच चॅम्पियन बनला आहे.भारताच्या संघाला सेमीफायनलमध्ये न खेळल्यामुळे स्पर्धेबाहेर व्हावे लागले. भारताच्या खेळाडूंनी पाकिस्तानविरुद्ध सामना खेळण्यास नकार दिल्यामुळे टीम इंडीया उपांत्य फेरीमधुन बाहेर झाली आहे. त्यानंतर पाकिस्तानच्या संघाला फायनलमध्ये प्रवेश मिळाला होता.