IND vs SA 2nd ODI: रोमांचक सामन्यात दक्षिण आफ्रिकेने भारताचा केला पराभव; ऐतिहासिक विजयासह रचला नवा विक्रम!

IND vs SA: दक्षिण आफ्रिकेने नाणेफेक जिंकून भारताला फलंदाजीसाठी अंमत्रित केले. भारताने फलंदाजी करत दक्षिण आफ्रिकेसमोर ३५९ धावांचे मोठे लक्ष्य ठेवले. प्रत्युत्तरात, दक्षिण आफ्रिकेने ६ विकेट गमावून ४९.२ षटकांत लक्ष्य गाठले.

 

• आफ्रिकेने भारताविरुद्ध मिळवला अविस्मरणीय विजय
• ऐतिहासिक विजयासह रचला नवा विक्रम
• मालिकेत केली बरोबरी

IND vs SA 2nd ODI Scorecard: भारत आणि दक्षिण आफ्रिका (IND vs SA) यांच्यातील दुसरा एकदिवसीय सामना बुधवारी रायपूर येथील शहीद वीर नारायण सिंह स्टेडियमवर खेळला गेला. या सामन्यात दक्षिण आफ्रिकाने ४ विकेट राखून भारताचा पराभव केला आहे आणि मालिकेत बरोबरी साधली आहे. हा दक्षिण आफ्रिकेचा परदेशी भूमीवरचा सर्वाधिक धावांचा पाठलाग होता. त्याआधी दक्षिण आफ्रिकेने नाणेफेक जिंकून भारताला फलंदाजीसाठी अंमत्रित केले. भारताने फलंदाजी करत दक्षिण आफ्रिकेसमोर ३५९ धावांचे मोठे लक्ष्य ठेवले. प्रत्युत्तरात, दक्षिण आफ्रिकेने ६ विकेट गमावून ४९.२ षटकांत लक्ष्य गाठले.See more

SA flex their batting might in a record chase – the highest in ODIs against India & their third highest in the format🔥 Almost got there in Ranchi, no such problems in Raipur 👊 👉 https://t.co/IaMIjWzxBW | #INDvSA pic.twitter.com/10pcvPgqWx — ESPNcricinfo (@ESPNcricinfo) December 3, 2025

ऋतुराज गायकवाडचे पहिले वनडे शतक

नाणेफेक गमावल्यानंतर आणि फलंदाजी करण्याचा निर्णय घेतल्यानंतर, भारतीय संघाने स्थिर सुरुवात केली. रोहित शर्मा (१४) आणि यशस्वी जयस्वाल (२२) यांनी पहिल्या विकेटसाठी ४० धावा जोडल्या. रोहित पाचव्या षटकात बाद झाला, तर यशस्वी दहाव्या षटकात बाद झाला. त्यानंतर विराट कोहली आणि ऋतुराज गायकवाड यांनी तिसऱ्या विकेटसाठी १९५ धावांची भागीदारी केली. गायकवाडने ८३ चेंडूत १२ चौकार आणि दोन षटकारांसह १०५ धावा केल्या. हे त्याचे पहिले एकदिवसीय शतक होते.

हे देखील वाचा: भारताचा नवा अवतार पाहिलात का? T20 World Cup 2026 साठी BCCI कडून नव्या जर्सीचे अनावरण

कोहलीने ९३ चेंडूत १०२ धावा केल्या, ज्यामध्ये सात चौकार आणि दोन षटकारांचा समावेश होता. कोहलीने त्याचे ५३ वे एकदिवसीय शतक आणि आंतरराष्ट्रीय क्रिकेटमधील ८४ वे शतक केले. वॉशिंग्टन सुंदर (१) चांगली कामगिरी करू शकला नाही. अशा परिस्थितीत, कार्यवाहक कर्णधार केएल राहुलने रवींद्र जडेजासोबत जबाबदारी सांभाळली. दोघांनी सहाव्या विकेटसाठी ६९ धावांची भागीदारी करून भारताला मोठी धावसंख्या गाठून दिली. राहुलने ४३ चेंडूत सहा चौकार आणि दोन षटकारांसह नाबाद ६६ धावा जोडल्या. जडेजाने २७ चेंडूत दोन चौकारांसह २४ धावांची नाबाद खेळी केली आणि भारताला ३५८ धावांपर्यंत पोहचवले. दक्षिण आफ्रिकेकडून मार्को जानसेनने दोन बळी घेतले, तर लुंगी एनगिडी आणि नांद्रे बर्गरने प्रत्येकी एक बळी घेतला.

दक्षिण आफ्रिकेने मिळवला दणदणीत विजय 

मोठ्या लक्ष्याचा पाठलाग करताना, दक्षिण आफ्रिकेचा सलामीवीर एडेन मार्करामने ९८ चेंडूत ११० धावा केल्या. कर्णधार टेम्बा बावुमानेही ४६ महत्त्वपूर्ण धावा केल्या. चौथ्या क्रमांकावर फलंदाजी करताना मॅथ्यू ब्रीट्झकेने ६८ धावा केल्या, तर देवाल्ड ब्रेव्हिसने ५४ धावा केल्या. या सामन्यात क्विंटन डी कॉक आणि मार्को जॅन्सन अपयशी ठरले. शेवटी, कॉर्बिन बॉशने १५ चेंडूत २९ धावांची संक्षिप्त पण महत्त्वाची खेळी खेळली आणि त्यांच्या संघाला ४ विकेटने विजय मिळवून दिला. एकदिवसीय क्रिकेट इतिहासात दक्षिण आफ्रिकेचा भारताविरुद्धचा हा सर्वात मोठा विजय आहे. टीम इंडियासाठी, अर्शदीप सिंग आणि प्रसिद्ध कृष्णाने प्रत्येकी दोन विकेट घेतल्या, जरी कृष्णा खूप महागडा ठरला.

हे देखील वाचा: IND vs SA T20 series : टी-२० मालिकेसाठी भारतीय संघाची घोषणा! ‘या’ खेळाडूंचे पुनरागमन, वाचा कुणाला लागली लॉटरी?