टेबल टेनिसमध्ये भारताला सुवर्णपदक, शरथ कमलची चमकदार कामगिरी

भारताचा टेबल टेनिसपटू शरथ कमल याने (Sharath Kamal) पुरुष एकेरीत भारताला सुवर्णपदक मिळवून दिलं आहे. शरथच्या सामन्यापूर्वी साथियान गनसेकरननं (Sathiyan Gnanasekaran) इंग्लंडच्या पॉल ड्रिंकहॉल (Paul Drinkhall) याला ४-३ च्या फरकाने हरवलं आणि कांस्य पदक मिळवलं.

कॉमनवेल्थ स्पर्धेत (Commonwealth Games 2022) भारताला आणखी एक सुवर्णपदक मिळालं आहे. भारताचा टेबल टेनिसपटू शरथ कमल याने (Sharath Kamal) पुरुष एकेरीत भारताला सुवर्णपदक मिळवून दिलं आहे. त्याने इंग्लंडच्या लियाम पीचफोर्डला ११-१३, ११-७, ११-२, ११-६, ११-७ च्या फरकाने हरवून भारताच्या खात्यात आणखी एका सुवर्णपदकाची (Sharath Kamal Won Gold Medal) भर पाडली आहे.

[read_also content=”कॉमनवेल्थ स्पर्धेमध्ये पी. व्ही. सिंधूनंतर लक्ष्य सेनची सुवर्णपदकाची कमाई https://www.navarashtra.com/sports/lakshya-sen-won-gold-medal-in-badminton-at-commonwealth-games-2022-nrsr-313556.html”]

आज पी. व्ही. सिंधू आणि लक्ष्य सेनने सुवर्णपदकावर आपलं नाव कोरलं आहे. या पदकासह भारताची पदकसंख्या ६० झाली आहे. भारतानं कॉमनवेल्थ स्पर्धेत २२ सुवर्णपदकं, १५ रौप्यपदक आणि २३ कांस्यपदकं जिंकली आहेत.

See more

#CommonwealthGames2022 | Achanta Sharath Kamal wins Gold in Men’s Single Finals in Table Tennis pic.twitter.com/gcThyuYBBQ

— ANI (@ANI) August 8, 2022

शरथच्या सामन्यापूर्वी साथियान गनसेकरननं (Sathiyan Gnanasekaran) इंग्लंडच्या पॉल ड्रिंकहॉल (Paul Drinkhall) याला ४-३ च्या फरकाने हरवलं आणि कांस्य पदक मिळवलं. साथियान आणि पॉल यांच्यातील हा कांस्यपदकासाठीचा सामना अटीतटीचा झाला. पण आक्रमक खेळ दाखवत साथियाननं सातत्यपूर्ण चांगली खेळी केली. पण पॉलनंही कडवी झुंज दिल्यानं सामना ३-३ अशा स्थितीत आला होता. पण अखेरच्या राऊंडमध्ये साथियानने आक्रम खेळ दाखवत अगदी रोमहर्षकपणे ११-९ ने विजय मिळवत सामना जिंकला. साथियानने ४-३ अशा फरकाने विजय मिळवला.