PBKS Vs GT Playing 11: गिल-अय्यरमध्ये अस्तित्वाची लढाई? ‘हे’ 11 खेळाडू मैदानात उतरण्याचा अंदाज

गुजरात टायटन्सचा कर्णधार शुभमन गिल असणार आहे तर पंजाब किंग्जचा कर्णधार श्रेयस अय्यर असणार आहे. दोन्ही संघांची तुलना केल्यास कागदावर तरी पंजाब किंग्ज संघ मजबूत स्थितीत दिसून येत आहे.

पंजाब किंग्ज विरुद्ध गुजरात टायटन्समध्ये होणार सामना 
चंदीगडमधील स्टेडियमवर येणार आमनेसामने येणार दोन्ही संघ 
संध्याकाळी 7.30 वाजता सामना सुरू होणार

Tata IPL 2026 PBKS vs GT Playing XI: आज आयपीएलचा चौथा सामना संध्याकाळी 7.30 वाजता सुरू होणार आहे. दरम्यान चंदीगड येथील महाराजा यादवेंद्र सिंह आंतरराष्ट्रीय स्टेडियमवर हा सामना होणार आहे. पंजाब किंग्स विरुद्ध गुजरात टायटन्स यांच्यात मॅच होईल. दोन्ही संघाचे कर्णधार भारताचे युवा फलंदाज आहेत. दरम्यान आज आपण पंजाब आणि गुजरात संध्याकाळी कोणत्या खेळाडूंसह मैदानात उतरते याबाबत माहिती जाणून घेऊयात.

गुजरात टायटन्सचा कर्णधार शुभमन गिल असणार आहे तर पंजाब किंग्जचा कर्णधार श्रेयस अय्यर असणार आहे. दोन्ही संघांची तुलना केल्यास कागदावर तरी पंजाब किंग्ज संघ मजबूत स्थितीत दिसून येत आहे. मागील वर्षी पंजाबचा संघ अंतिम फेरीत दाखल झाला होता. ओपनिंग जोडी, मिडल ऑर्डर आणि गोलंदाजीमध्ये देखील पंजाबचा संघ मजबूत असल्याचे दिसून येत आहे.

तर दुसरीकडे गुजरात टायटन्सबद्दल बोलायचे झाल्यास, मागील वर्षी प्रमाणे कर्णधार शुभमन गिल अन् साई सुदर्शन सलामीवीर म्हणून खेळण्यास येऊ शकतात. मिडल ऑर्डरमध्ये बटलर, फिलिप्स, जेसन होल्डर असे चांगले खेळाडू गुजरातकडे आहेत. गोलंदाजीबाबत विचार केल्यास कागिसो रबाडा, मोहम्मद सिराज, प्रसिद्ध कृष्णा असे तंगडी गोलंदाजी गुजरातकडे आहे.

GT Vs PBKS Pitch Report: टॉस ठरणार ‘बॉस’! खेळपट्टीचा काय नेम नाही अन्…; कोणाची धुलाई होणार?

GT Vs PBKS खेळपट्टीचा अंदाज

आज पंजाब किंग्ज विरुद्ध गुजरात टायटन्स यांच्यात चंदीगड येथील महाराजा यादवेंद्र सिंह आंतरराष्ट्रीय स्टेडियमवर आयपीएलचा सामना पार पडणार आहे. त्यामुळे दोन्ही संघ विजयासाठी उत्सुक आहेत. दरम्यान या स्टेडियमची खेळपट्टी गोलंदाज की फलंदाज यांच्यासाठी फायदेशीर असेल हे आपण जाणून घेऊयात.

महाराजा यादवेंद्र सिंह आंतरराष्ट्रीय स्टेडियमची खेळपट्टी फलंदाजांसाठी फायदेशीर असल्याचे म्हटले जात आहे. सुरुवातीच्या काही ओव्हर्समध्ये वेगवान गोलंदाजांना उपयुक्त ठरू शकते. या स्टेडियमवर खेळल्या गेलेल्या सामन्यांमधील केवळ दोन ते तीन वेळेसच 200 धावांचा टप्पा पार झाला आहे. 160 ते 180  अशी धावसंख्या पहिल्यांदा फलंदाजी करणाऱ्या संघाने येथे केली आहे. आज येथील हवामान निरभ्र राहण्याचा अंदाज आहे, त्यामुळे या ठिकाणी पावसाची शक्यता दिसून येत नाहीये.

IPL 2026 : ‘तो कसा खेळतोय…’, वैभव सूर्यवंशीची फलंदाजी पाहून रियान पराग थक्क, पत्रकार परिषदेमध्ये केले मोठे विधान

काय असू शकते दोन्ही संघाची प्लेइंग 11

पंजाब किंग्सची संभाव्य टीम – प्रियांश आर्या, प्रभसिमरन सिंग, श्रेयस अय्यर (कर्णधार), नेहल वढेरा, मार्कस स्टोइनिस, शशांक सिंग, अजमतुल्लाह ओमरजई, मार्को यान्सन, अर्शदीप सिंग, युजवेंद्र चहल, कूपर कानोली

गुजरात टायटन्सची संभाव्य टीम: शुभमन गिल (कर्णधार), साई सुदर्शन, जॉस बटलर, कुमार कुशाग्र, अनुज रावत, जेसन होल्डर, राहुल तेवतिया, कागिसो रबाडा, शाहरुख खान, राशिद खान, प्रसिद्ध कृष्णा