RCB Vs DC Live: केएल राहुलने होम ग्राऊंडवर दाखवला ‘क्लास’; रजत सेनेचा 6 विकेट्सने पराभव

आरसीबीकडून भुवनेश्वर कुमारने दिल्ली कॅपिटल्सला पॉवर प्लेमध्ये दोन मोठे धक्के दिले. पाथूम निसांकाला 1 रनवर आणि करूण नायरला 5 रन्सवर भुवनेश्वर कुमारने आउट केले. 

आरसीबीने दिल्ली कॅपिटल्सला दिले 176 रन्सचे टार्गेट 
फिलिप सॉल्टने केली अर्धशतकी खेळी
भुवनेश्वर कुमारने पटकावल्या 3 विकेट्स 

Tata IPL 2026 RCB Vs DC Live Updates: एम. चिन्नास्वामी स्टेडियमवर रॉयल चॅलेंजर्स बंगलोर विरुद्ध दिल्ली कॅपिटल्स सामना पार पडला. या सामन्यात दिल्ली कॅपिटल्सने टॉस जिंकून प्रथम गोलंदाजी करण्याचा निर्णय घेतला होता. आरसीबीने प्रथम फलंदाजी करून दिल्ली कॅपिटल्सला 176 रन्सचे टार्गेट दिले होते. फिलिप सॉल्टने (IPL 2026) शानदार अर्धशतकी खेळी केली. दरम्यान या सामन्यात दिल्ली कॅपिटल्सने आरसीबीचा 6 विकेट्सने पराभव केला आहे.

दिल्ली कॅपिटल्सची फलंदाजी
आरसीबीने दिलेल्या 176 रन्सचा पाठलाग करण्यासाठी दिल्ली कॅपिटल्सकडून केएल. राहुल आणि पाथूम निसांका सलामीची जोडी म्हणून मैदानात उतरले. पाथूम निसांका आजच्या सामन्यात चांगली खेळी करू शकला नाही. 1 रन करून तो आउट झाला. करूण नायरला आजच्या सामन्यात संधी देण्यात आली होती. मात्र तो केवळ 5 रन करून बाद झाला. त्यानंतर समीर रिझवी केवळ 2 रन्स करून आउट झाला.

केएल राहुलने शानदार अर्धशतक झळकावले. राहुल 57 रन्स करून आउट झाला. राहुलचा कॅच विराट कोहलीने पकडला. स्टब्स आणि कर्णधार अक्षर पटेलने दिल्लीचा डाव राहुलच्या विकेटनंतर सांभाळला. स्टब्सने 60 रन्सची नाबाद खेळी केली. अक्षर पटेल 26 रन्स करू आउट झाला. डेव्हिड मिलरने 10 बॉल्समध्ये 22 रन्सची वादळी खेळी केली.

RCB Vs DC Live: दिल्लीच्या गोलंदाजांना ‘सॉल्ट’ झोंबला; कॅपिटल्सला विजयासाठी ‘इतक्या’ रन्सची गरज

आरसीबीची गोलंदाजी

आरसीबीकडून भुवनेश्वर कुमारने दिल्ली कॅपिटल्सला पॉवर प्लेमध्ये दोन मोठे धक्के दिले. पाथूम निसांकाला 1 रनवर आणि करूण नायरला 5 रन्सवर भुवनेश्वर कुमारने आउट केले. भुवनेश्वर कुमारने समीर रिझवीची विकेट घेतली. कृणाल पंड्याने केएल राहुलला आउट केले. रसिख डारने एक विकेट घेतली.

आरसीबीची फलंदाजी

दिल्ली कॅपिटल्सने प्रथम फलंदाजीसाठी आमंत्रित केल्यावर फिलिप सॉल्ट आणि विराट कोहली सलामीला खेळण्यासाठी आले. दोघांनी पॉवर प्लेमध्ये संघाला चांगली सुरुवात करून दिली. मात्र आपला 300 वा सिक्स मारण्याच्या प्रयत्नात असलेला विराट कोहली 19 रन्स करून आउट झाला. त्याने मारलेला फटका सिक्स गेला असतं तर आयपीएलमध्ये 300 सिक्स मारण्याचा विक्रम त्याच्या नावावर झाला असता. त्यानंतर देवदत्त पाडीकल खेळण्यासाठी मैदानात उतरला.

See more

Soaking up the early pressure out in the middle 💪 Will the birthday boy KL Rahul stay till the end and take #DC home? 🎂 Updates ▶️ https://t.co/vfJ6SccA9T#TATAIPL | #KhelBindaas | #RCBvDC | @DelhiCapitals | @klrahul pic.twitter.com/mI0iXeI1na — IndianPremierLeague (@IPL) April 18, 2026

दिल्ली कॅपिटल्सची गोलंदाजी

दिल्ली कॅपिटल्सच्या गोलंदाजांनी पॉवर प्लेमध्ये बऱ्यापैकी चांगली गोलंदाजी केली. दरम्यान विराट कोहली 19 रन्स वर असताना लुंगी एनगिडीने त्याची विकेट पटकावली. विराट कोहलीचा कॅच पाथूम निसांकाने पकडला. कर्णधार अक्षर पटेलने देवदत्त पाडीकलला 18 रन्सवर आउट केले तर कुलदीप यादवने सेट झालेल्या फिलिप सॉल्टला 63 रन्सवर आउट केले. मुकेश कुमारने पाटीदारला आउट केले. कुलदडेप यादवने शेफर्डची विकेट घेतली.

CSK Vs SRH Pitch Report: स्पिनर्सची जादू चालणार की फलंदाजांची…; कसे आहे आजचे पीच? वाचा सविस्तर…

आरसीबीची संभाव्य टीम: फिल सॉल्ट, विराट कोहली, देवदत्त पडिक्कल, रजत पाटीदार (कर्णधार), जितेश शर्मा (यष्टिरक्षक), टिम डेव्हिड, रोमारिओ शेफर्ड, कृणाल पांड्या, भुवनेश्वर कुमार, जोश हेझलवूड, रसीख सलाम, सुयश शर्मा.

दिल्ली कॅपिटल्सची संभाव्य टीम: पाथुम निसंका, के.एल. राहुल (यष्टिरक्षक), समीर रिझवी, अक्षर पटेल (कर्णधार), डेव्हिड मिलर, ट्रिस्टन स्टब्स, आकिब नबी, कुलदीप यादव, लुंगी एन्गिडी, टी. नटराजन, मुकेश कुमार.