IPL 2025 मध्ये ऑरेंज कॅप आणि पर्पल कॅपची लढत मनोरंजक, आणखी एक लखनौच्या खेळाडूने मारली एंट्री

आयपीएलचे आतापर्यत ४० सामने खेळवण्यात आले आहेत. या सीझनमध्ये ऑरेंज कॅप आणि पर्पल कॅपच्या शर्यतीमध्ये कोणते टॉप ५ खेळाडू आहे आणि त्यांनी केलेली कामगिरीवर एकदा नजर टाका.

IPL 2025 Orange Cap and Purple Cap List : आयपीएलचे आतापर्यत ४० सामने खेळवण्यात आले आहेत, यामध्ये काही संघानी या सीझनमध्ये कमालीची कामगिरी केली आहे. दिल्ली, गुजरात हे दोन्ही संघ सध्या पॉईंट टेबलमध्ये अव्वल स्थानावर आहेत तर चेन्नई हैदराबाद त्याचबरोबर राजस्थान आणि कोलकाता या संघानी आजच्या सामन्यात अत्यंत निराशाजनक कामगिरी केली आहे. चेन्नईच्या संघाने या सीझनमध्ये फार काही चांगली कामगिरी केली नाही त्यामुळे संघ सध्या गुणतालिकेत शेवटच्या म्हणजेच दहाव्या स्थानावर आहे. तर हैदराबादचा संघ नवव्या स्थानावर आहे.

आयपीएल २०२५ मध्ये जे फलंदाज सर्वाधिक धावा करतात त्यांना ऑरेंज कॅप दिली जाते तर जे गोलंदाज सर्वाधिक विकेट घेतात त्यांना पर्पल कॅप दिली जाते. या सीझनमध्ये ऑरेंज कॅप आणि पर्पल कॅपच्या शर्यतीमध्ये कोणते टॉप ५ खेळाडू आहे आणि त्यांनी केलेली कामगिरीवर एकदा नजर टाका.

Pahalgam Terror Attack : SRH vs MI आयपीएल सामन्यात चीअरलीडर्स आणि आतषबाजी होणार नाही, बीसीसीआयचा निर्णय

ऑरेंज कॅप फलंदाजांची यादी

आयपीएल २०२५ मध्ये ऑरेंज कॅपच्या शर्यतीमध्ये सध्या पहिल्या स्थानावर गुजरात टायटन्सचा साई सुदर्शन आहे त्याने ८ सामने खेळले आहेत यामध्ये त्याने ८ सामन्यात ४१७ धावा केल्या आहेत. लखनौ सुपर जायंट्सचा धुव्वादार फलंदाज निकोलस पुरन दुसऱ्या स्थानावर आहे. त्याने आतापर्यत ९ सामने खेळले आहेत. यामध्ये त्याने २०४ च्या स्ट्राईक रेटने संघासाठी ३७७ धावा केल्या आहेत. यामध्ये त्याने चार अर्धशतक झळकावले आहेत त्याचबरोबर त्याने ३१ षटकार मारले आहेत. या सीझनमध्ये तिसऱ्या स्थानावर जोस बटलर आहे सध्या जोस बटलर दमदार फॉर्ममध्ये आहे, त्याने ८ सामन्यात ३५६ धावा केल्या आहेत.

या यादीमध्ये चौथ्या स्थानावर लखनौ सुपर जायंट्सचा मिचेल मार्श आहे. मिचेल मार्शने संघासाठी ८ इनिंगमध्ये ३४४ धावा केल्या आहेत. या यादीमध्ये पाचव्या स्थानावर मुंबई इंडियन्सचा सूर्यकुमार यादव आहे. त्याने या सीझनमध्ये ८ सामन्यात ३३३ धावा केल्या आहेत.

See more

Here are the Orange Cap and Purple Cap standings after the 40th match of IPL 2025 🧡💜#IPL2025 #LSGvsDC #OrangeCap #PurpleCap #InsideSport #CricketTwitter pic.twitter.com/feAOeNdDaR — InsideSport (@InsideSportIND) April 22, 2025

पर्पल कॅप गोलंदाजांची यादी

पर्पल कॅप गोलंदाजांच्या यादीमध्ये पहिल्या स्थानावर विराजमान गुजरात टायटन्सचा प्रसिद्ध कृष्णां आहे. त्याने या सीझनमध्ये आतापर्यत १६ विकेट्स संघासाठी घेतले आहे. त्याने संघासाठी सातत्याने कमालीची कामगिरी केली आहे. या यादीमध्ये दुसऱ्या स्थानावर कुलदीप यादव आहे त्याने आतापर्यत या सीझनमध्ये १२ विकेट्स दिल्लीसाठी घेतले आहेत. चेन्नई सुपर किंग्सचा नूर अहमद या यादीमध्ये तिसऱ्या स्थानावर आहे. त्याने आतापर्यत १२ विकेट घेतले आहेत. चौथ्या स्थानावर साई किशोर आहे त्याने या सीझनमध्ये आतापर्यत १२ विकेट्स गुजरात टाइटांसाठी घेतले आहेत. टॉप ५ च्या शर्यतीत रॉयल चॅलेंजर्स बंगळुरूचा जोश हझलवूड हा आहे त्याने संघासाठी १२ विकेट घेतले आहेत.