फोटो सौजन्य – X (Rajasthan Royals)
वैभव सुर्यवंशीच्या चाहत्यांची क्रेझ वाढली : भारत विरुद्ध इंग्लड U19 संघामध्ये नुकतीच मालिका संपली. या मालिकेमध्ये भारताच्या संघाने एकदिवसीय मालिकेमध्ये 3-2 अशी मालिका जिंकली आणि भारताच्या संघाने कमालीची कामगिरी केली होती. यामध्ये वैभव सुर्यवंशी याने संघासाठी चांगल्या खेळी खेळल्या. 14 वर्षीय वैभव सूर्यवंशीची लोकप्रियता सातत्याने वाढत आहे. आयपीएल 2025 मध्ये पदापर्ण करणारा आणि लक्ष वेधणारा वैभव सुर्यवंशी सातत्याने चर्चेत असतो.
आयपीएलमध्ये धमाका केल्यानंतर, वैभवने इंग्लंडमधील 19 वर्षांखालील संघासाठी चमकदार कामगिरी करून जागतिक क्रिकेटला आश्चर्यचकित केले आहे. वैभवच्या अद्भुत कामगिरीमुळे त्याचे चाहतेही वाढले आहेत. याचे ताजे उदाहरण इंग्लंडमध्ये पाहायला मिळाले, जेव्हा दोन मुलींनी या 14 वर्षीय क्रिकेटपटूला भेटण्यासाठी सर्व मर्यादा ओलांडल्या. मुलींनी 6 तास सतत गाडी चालवली आणि नंतर वैभवपर्यंत पोहोचून त्याला भेटल्या. दोघांचाही फोटो सोशल मीडियावर व्हायरल होत आहे.
वैभव सूर्यवंशी याचे चाहते फक्त भारतातच नाही तर जगभरामध्ये पाहायला मिळत आहेत. त्याने त्याच्या कामगिरीने चाहत्यांची मनं जिंकली आहेत. वैभव सूर्यवंशीला भेटण्याची चाहत्यांमध्ये मोठी क्रेझ आहे. अशा परिस्थितीत, त्याच्या वयाच्या दोन मुली, अनन्या आणि रिवा, वॉर्सेस्टरला 6 तास गाडी चालवून वैभवला भेटल्या. दोन्ही मुलींनी राजस्थान रॉयल्सची जर्सी घातली होती. वैभवला भेटल्यानंतर दोन्ही मुलींचा आनंद सातव्या आसमानाला भिडला होता. राजस्थान रॉयल्सने त्यांच्या सोशल मीडिया अकाउंटवर दोन्ही मुलींचा फोटो पोस्ट केला आहे.
Proof why we have the best fans 🫡 🚗 Drove for 6 hours to Worcester
👚 Wore their Pink
🇮🇳 Cheered for Vaibhav & Team India Aanya and Rivaa, as old as Vaibhav himself, had a day to remember 💗 pic.twitter.com/9XnxswYalE — Rajasthan Royals (@rajasthanroyals) July 9, 2025
राजस्थान रॉयल्सने हा खास फोटो पोस्ट केला आणि कॅप्शनमध्ये लिहिले, “यावरून सिद्ध होते की आमचे सर्वोत्तम चाहते का आहेत. वॉर्सेस्टरला ६ तास गाडी चालवली. माझा गुलाबी ड्रेस घातला. वैभव आणि टीम इंडियाला प्रोत्साहन दिले. वैभवच्याच वयाच्या अन्या आणि रिवा यांचा दिवस संस्मरणीय होता.”
आयपीएल २०२५ मध्ये ३५ चेंडूत शतक ठोकून वैभवने खळबळ उडवून दिली. आयपीएलच्या इतिहासात सर्वात जलद शतक करणारा वैभव हा भारतीय फलंदाज होता, तर इंग्लंड दौऱ्यावर वैभवने इंग्लंड अंडर १९ संघाविरुद्ध युवा एकदिवसीय सामन्यात सर्वात जलद शतक ठोकण्याचा विश्वविक्रमही केला. वैभवने इंग्लंड अंडर १९ संघाविरुद्ध फक्त ५२ चेंडूत शतक ठोकून जागतिक क्रिकेटला आश्चर्यचकित केले.
.png "Videos"){kind=small}
