Virat Kohli: क्रिकेटचा बादशाह! रनमशीन ‘विराट कोहली’चा विश्वविक्रमांचा धडाका; किंगचे असे रेकॉर्ड,जे मोडणं भल्याभल्यांना जमणार नाही

Virat Kohli 38th Birthday 10 Unbreakable World records: आज विराट कोहलीचा ३८वा वाढदिवस आहे. या महान क्रिकेटपटूने आपल्या कारकिर्दीत असंख्य विक्रम मोडले आहेत. पण तुम्हाला माहितीये का, विराट कोहलीचे काही असे रेकॉर्ड्स हे मोडणे अशक्य आहे.

• विराट कोहलीचा मैदानावर दबदबा
• विक्रमांसमोर जगातील दिग्गजही फिके
• विराटचे ऐतिहासिक विक्रम

Virat Kohli 38th Birthday: विराट कोहली हा जगातील महान क्रिकेटपटूंपैकी एक आहे. त्याने २००८ मध्ये आंतरराष्ट्रीय क्रिकेटमध्ये पदार्पण केले आणि गेल्या १८ वर्षांपासून तो भारताचा सर्वात मोठा मॅच-विनिंग खेळाडू ठरला आहे. आज ‘रन मशीन’ विराट कोहलीचा वाढदिवस आहे, तो ३८ वर्षांचा झाला आहे. त्याचा जन्म ५ नोव्हेंबर २०२६ रोजी नवी दिल्लीत झाला. कोहलीने आपल्या कारकिर्दीत अनेक महत्त्वपूर्ण विक्रम प्रस्थापित केले आहेत. पण, तुम्हाला माहितीये का, विराट कोहलीच्या असे विक्रम जे मोडणे केवळ कठीणच नाही, तर अशक्य आहे. जाणून घेऊयात.

WPL 2027 चं वेळापत्रक जाहीर! ट्रॉफीसाठी भिडणार पाच संघ; कधी, कुठे अन् केव्हा रंगणार थरार? पाहा संपूर्ण शेड्यूल

किंग कोहलीचे ‘विराट’ विक्रम

एकदिवसीय सामन्यांमध्ये सर्वाधिक शतक

विराट कोहलीच्या नावावर एकदिवसीय क्रिकेटमध्ये ५५ शतके आहेत. सचिन तेंडुलकर ४९ शतकांसह दुसऱ्या क्रमांकावर आहे. आता एकदिवसीय क्रिकेट कमी प्रमाणात खेळले जात असल्याने, कोणत्याही नवीन फलंदाजासाठी विराटचा ५५ शतकांचा विक्रम मोडणे अशक्य आहे.

एकाच आयपीएल हंगामात सर्वाधिक धावा

विराट कोहलीने आयपीएल २०२६ मध्ये १६ सामने खेळून ९७३ धावा केल्या. एकाच आयपीएल हंगामात कोणत्याही फलंदाजाने केलेल्या या सर्वाधिक धावा आहेत. दहा वर्षे उलटून गेली आहेत, तरीही हा विक्रम अबाधित आहे.

लीगल चेंडूशिवाय घेतलेली विकेट

टी२० आंतरराष्ट्रीय क्रिकेटमध्ये लीगल म्हणजेच वैध चेंडूशिवाय विकेट घेणारा विराट कोहली हा जगातील एकमेव क्रिकेटपटू आहे. २०११ मध्ये इंग्लंडविरुद्धच्या सामन्यात, विराटने आपल्या कारकिर्दीतील पहिला वाईड बॉल टाकला, ज्यामुळे केविन पीटरसन पुढे येऊन LBW झाला.

एकाच आयपीएल संघाकडून खेळणे

विराट कोहली आपल्या कारकिर्दीच्या सुरुवातीपासून आरसीबीकडून खेळला आहे. तो १८ वर्षे एकाच संघाशी एकनिष्ठ राहिला आहे.

सर्वात जलद १०,००० एकदिवसीय धावा

सर्वात जलद १०,००० एकदिवसीय धावा करण्याचा विक्रम विराट कोहलीच्या नावावर आहे. त्याने २०५ डावांमध्ये हा टप्पा गाठला. सचिन तेंडुलकरने हा पराक्रम २५९ डावांमध्ये केला होता, तर विराट कोहलीने तो ५४ कमी सामन्यांमध्ये पूर्ण केला.

कर्णधाराने केलेली सर्वाधिक द्विशतके

सात द्विशतके झळकावणारा विराट कोहली हा एकमेव कसोटी कर्णधार आहे. त्याने ब्रायन लाराचा पाच द्विशतकांचा विक्रम मोडला. हा विक्रम मोडणे अत्यंत कठीण आहे.

एकाच संघाविरुद्ध सर्वाधिक शतके

विराट कोहलीने एकदिवसीय क्रिकेटमध्ये श्रीलंकेविरुद्ध १० शतके झळकावली आहेत. आपल्या कारकिर्दीत एकाच संघाविरुद्ध इतकी शतके करणारा दुसरा कोणताही खेळाडू नाही.

सर्वाधिक मालिकावीर पुरस्कार

विराट कोहलीने आपल्या आंतरराष्ट्रीय कारकिर्दीत २२ वेळा मालिकावीर पुरस्कार जिंकले आहेत. इतर कोणत्याही खेळाडूने ही कामगिरी केलेली नाही.

सर्वात जलद २८,००० धावा

विराट कोहलीने ६२४ डावांमध्ये २८,००० धावा पूर्ण केल्या. त्याने सचिन तेंडुलकरचा ६४४ डावांचा विक्रम मोडला. मात्र, आता हा विक्रम मोडणे कठीण आहे.

IND vs NZ: आधी किवींची दाणादाण उडवली; मग गर्लफ्रेंडसाठी भर मैदानात केली खास गोष्ट, Arshdeep Singhचं ‘त्या’ सेलिब्रेशनचा Video Viral