IND Vs NZ: जिथे संकट तिथे Virat भाऊ तत्पर! स्लिपमध्ये घेतलेल्या भन्नाट झेलचा VIDEO व्हायरल

IND Vs NZ: भारत आणि न्यूझीलंड यांच्यातील एकदिवसीय सामन्यात भारतीय खेळाडूंच्या अप्रतिम कामगिरीने चाहत्यांचे मन जिंकले आहे. यामध्ये वेगवान गोलंदाज अंशुल कंबोज आणि अनुभवी विराट कोहलीचा एक अनोखा क्षण मैदानात दिसून आला.

• न्यूझीलंडने भारताला दिले 186 रन्सचे टार्गेट 
• विराट कोहलीचा व्हिडिओ झाला व्हायरल 
• भारताने घेतलेला प्रथम गोलंदाजीचा निर्णय 

IND Vs NZ: आजपासून ऑकलंडमध्ये भारत आणि न्यूझीलंड यांच्यात पाच वनडे सामन्यांची सिरीज सुरू झाली आहे. त्यातील पहिला सामना सध्या सुरू आहे. या सामन्यात भारतीय संघाने आपली पकड मजबूत केल्याचे दिसून येत आहे. कर्णधार शुभमन गिलने टॉस जिंकून प्रथम गोलंदाजीचा निर्णय घेतला होता. या सामन्यात फिल्डिंग करतानाचा विराट कोहलीचा कॅच घेतानाचा व्हिडिओ व्हायरल झाला आहे.

प्रथम गोलंदाजी करताना भारताने अचूक मारा केला. त्यामुळे न्यूझीलंडचा संघ 185 रन्सवर ऑल आउट झाला. मात्र यावेळेस विराट कोहलीची चर्चा मोठ्या प्रमाणात होत आहे. माजी कर्णधार विराट कोहलीने स्लिपमध्ये एक अत्यंत अशक्य आणि अद्भुत असा कॅच पकडला. त्याचा व्हिडिओ देखील समोर आला आहे.

भारत आणि न्यूझीलंड यांच्यातील एकदिवसीय सामन्यात भारतीय खेळाडूंच्या अप्रतिम कामगिरीने चाहत्यांचे मन जिंकले आहे. यामध्ये वेगवान गोलंदाज अंशुल कंबोज आणि अनुभवी विराट कोहलीचा एक अनोखा क्षण मैदानात दिसून आला. हा अप्रतिम थरार 29 व्या ओव्हरमध्ये घडली.

IND vs NZ: King Kohli चा पुन्हा एकदा ‘विराट’ पराक्रम! नंबर-3 वर बादशाहत कायम; ‘असा’ रेकॉर्ड करणारा जगातील पहिलाच फलंदाज

भारताचा तरुण वेगवान गोलंदाज 29 वी ओव्हर टाकत होता. या ओव्हरमधील तिसऱ्या बॉलवर न्यूझीलंडचा बॅटसमन नेथन स्मिथने एक चांगला शॉट मारण्याचा प्रयत्न केला. मात्र त्याच्या बॅटला बॉल लागून दुसऱ्या स्लिपकडे गेला. तिथे दुसऱ्या स्लिपमध्ये विराट कोहली उभा होता. विराटने उजव्या बाजूस एक जबरदस्त डाईव्ह मारत आणि हवेतच तो कॅच पकडला. याचा व्हिडिओ समोर आला आहे.

VIRAT KOHLI MAGIC – A ONE HANDED STUNNER 🥶 https://t.co/Ei4gl8eewM — Johns. (@CricCrazyJohns) November 4, 2026

कोहलीने इतका अशक्य असा कॅच पकडला होता की मैदानावरील सर्व खेळाडू आणि प्रेक्षक देखील चकित झाले. हा कॅच पकडला गेला आहे की नाही याची स्पष्टता तपासण्यासाठी थर्ड अंपायरने रिप्ले पाहण्यास सुरुवात केली. मात्र यामध्ये कॅच पूर्ण झाल्याचे दिसून आले. अंशुल कंबोजच्या गोलंदाजीवर विराट कोहलीने घेतलेला हा कॅच या सामन्याचे मुख्य आकर्षण ठरला.

IND vs NZ: ‘अर्ध्यावरती डाव मोडला…’ न्यूझीलंडचे वाजले 3-13, भारताने उडवली भंबेरी; १८६ धावांचे आव्हान

भारत आणि न्यूझीलंड यांच्यातील एकदिवसीय मालिकेत विराट कोहलीने आपल्या शानदार फिल्डिंगमुळे आपले नाव क्रिकेटच्या इतिहसात कोरले आहे. आपल्या या ‘सुपरमॅन’ कॅचच्या बळावर विराटने भारताचा माजी कर्णधार महेंद्रसिंग धोनी याचा एक अत्यंत खास विक्रम मोडीत काढला आहे. न्यूझीलंडमध्ये इंटरनॅशनल क्रिकेटमध्ये कॅच पकडणारा विराट कोहली आता सर्वात वयस्कर खेळाडू ठरला आहे. आज हा पराक्रम करताना विराट कोहलीचे वय ३७ वर्षे आणि ३६४ दिवस इतके आहे. यापूर्वी हा रेकॉर्ड धोनीच्या नावववर होता. तो आता कोहलीच्या नावावर झाला आहे.