virat kohli broke 5 records of sachin tendulkar
India vs West Indies: भारतीय क्रिकेट संघाने वेस्ट इंडिजविरुद्धचा पहिला एकदिवसीय सामना ८ विकेट्सने जिंकला. या विजयात टीम इंडियाचा दिग्गज फलंदाज विराट कोहलीने महत्त्वाची भूमिका बजावली. कोहलीने ( Virat Kohli) अवघ्या ८८ चेंडूंमध्ये १३९ धावांची नाबाद शानदार खेळी केली. १५७.९५ च्या प्रभावी स्ट्राईक रेटने फलंदाजी करताना कोहलीने १० चौकार आणि ९ शानदार षटकार ठोकले. यासह, किंग कोहलीने सचिन तेंडुलकरला मागे टाकत या सामन्यात एकूण ५ मोठे विक्रम प्रस्थापित केले आहेत.
विराट कोहलीने एकदिवसीय क्रिकेटमध्ये १५,००० धावा पूर्ण केल्या आहेत. हा पराक्रम करणारा तो जगातील दुसरा फलंदाज ठरला आहे. मात्र, कोहलीने सर्वात जलद गतीने १५,००० एकदिवसीय धावा पूर्ण केल्या आहेत. या बाबतीत कोहलीने महान सचिन तेंडुलकरलाही मागे टाकले आहे.
विराट कोहलीने आता लिस्ट ए क्रिकेटमधील सर्वाधिक शतकांच्या बाबतीत दिग्गज खेळाडू सचिन तेंडुलकरच्या विक्रमाची बरोबरी केली आहे. विराट कोहली आणि सचिन तेंडुलकर या दोघांनी लिस्ट ए क्रिकेटमध्ये प्रत्येकी ६० शतके झळकावली आहेत. सचिन तेंडुलकरने हा पराक्रम ५३८ डावांमध्ये, तर किंग कोहलीने केवळ ३३८ डावांमध्ये केला आहे.
विराट कोहलीने आता मायदेशात सर्वाधिक आंतरराष्ट्रीय शतके झळकावण्याच्या मास्टर ब्लास्टर तेंडुलकरच्या विक्रमाची बरोबरी केली आहे. कोहलीने आता भारतीय भूमीवर ४२ शतके झळकावून सचिन तेंडुलकरच्या एकूण शतकांची बरोबरी केली आहे. महान रिकी पाँटिंगने ऑस्ट्रेलियामध्ये एकूण ३६ आंतरराष्ट्रीय शतके झळकावली आहेत.
विराट कोहलीने आपल्या घरच्या मैदानावर ७,००० एकदिवसीय धावा पूर्ण केल्या असून, असा पराक्रम करणारा तो जगातील पहिला फलंदाज ठरला आहे. किंग कोहली व्यतिरिक्त इतर कोणत्याही फलंदाजाने आपल्या घरच्या मैदानावर ७,००० एकदिवसीय धावा केलेल्या नाहीत. या बाबतीत, कोहलीने केवळ सचिनला मागे टाकले आहे.
या सामन्यात शतक झळकावल्यानंतर ‘किंग’ने आपल्या नावावर आणखी एका मोठ्या विक्रमाची नोंद केली आहे. कोहलीने आता यशस्वी रन- चेज करताना २५ शतके झळकावली आहेत. या यादीत दुसऱ्या क्रमांकावर असलेल्या रोहित शर्माच्या नावावर १४ शतके आहेत. तिसऱ्या क्रमांकावर असलेल्या सचिन तेंडुलकरच्या नावावरही १४ शतके आहेत. अशाप्रकारे, कोहलीने या दोघांचा रेकॉर्ड मोडला आहे.
.png "Videos"){kind=small}
