Virat Kohli: किंगची बॅट बोलली अन् रँकिंग हादरली! विराट कोहलीची ICC Ranking मध्ये थेट टॉप-2 मध्ये एन्ट्री, गिलचं सिंहासन धोक्यात

Virat Kohli Climbs On No 2 ICC ODI Batting Ranking: विराट कोहलीने ताज्या आयसीसी एकदिवसीय क्रमवारीत लक्षणीय झेप घेतली आहे. दुसरीकडे, शुभमन गिलचे अव्वल स्थान धोक्यात आले आहे.

• ICC वनडे रँकिंगमध्ये भारतीय फलंदाजांचा दबदबा
• कोहलीने गाठलं दुसरं स्थान
• शुभमन गिल अजूनही नंबर-1

भारत आणि वेस्ट इंडिज यांच्यातील तीन एकदिवसीय सामन्यांची मालिका सुरु आहे. मालिकेतील दुसरा सामना आज गुवाहाटी येथे खेळला जात आहे. दरम्यान आयसीसीने एकदिवसीय क्रमवारी जाहीर केली आहे. भारतीय संघाचा स्टार फलंदाज विराट कोहलीने (Virat Kohli) ताज्या क्रमवारीत मोठी झेप घेतली आहे. तिरुवनंतपुरम येथे झालेल्या पहिल्या एकदिवसीय सामन्यात कोहलीने धडाकेबाज शतक ठोकत नाबाद १३९ धावा केल्या. या स्फोटक खेळीनंतर कोहली एकदिवसीय फलंदाजी क्रमवारीत दुसऱ्या स्थानावर पोहोचला आहे. दरम्यान, भारतीय कर्णधार शुभमन गिल पहिल्या स्थानावर कायम आहे.

Asian games 2026: निशाणा थेट सुवर्णपदकावर! शेवटच्या क्षणी पलटला गेम; साहिल-गणेश-कुशलने चीनला नमवत जिंकले तिसरे गोल्ड

किंग कोहलीची दुसऱ्या स्थानावर झेप, गिल अव्वल स्थानी

भारतीय स्टार फलंदाज विराट कोहलीने वेस्ट इंडिजविरुद्ध धडाकेबाज खेळी करत अवघ्या ८८ चेंडूंमध्ये नाबाद १३९ धावा केल्या. कोहलीने आपले ५५ वे एकदिवसीय शतक आणि एकूण ८६ वे आंतरराष्ट्रीय शतक झळकावले. या स्फोटक खेळीनंतर, कोहली एकदिवसीय क्रमवारीत एका स्थानाने झेप घेत दुसऱ्या स्थानी पोहोचला आहे. कोहलीचे रेटिंग ७९६ वर पोहोचले आहे. आता त्याच्या पुढे फक्त भारतीय कर्णधार शुभमन गिल आहे. गिल ८१६ रेटिंग गुणांसह पहिल्या क्रमांकावर आहे. गिलनेही वेस्ट इंडिजविरुद्धच्या त्याच सामन्यात शतक झळकावून आपले अव्वल स्थान अधिक मजबूत केले. कोहली आणि गिल यांच्या रेटिंगमध्ये केवळ २० गुणांचा फरक आहे. त्यामुळे गिलचे अव्वल स्थान धोक्यात आले आहे.

रोहित शर्मा चौथ्या क्रमांकावर कायम

भारताचा रोहित शर्मा ७१९ रेटिंग गुणांसह ताज्या आयसीसी एकदिवसीय फलंदाजी क्रमवारीत चौथ्या स्थानावर कायम आहे. रोहितने तिरुवनंतपुरम येथील एकदिवसीय सामन्यात ३५ चेंडूंमध्ये ३२ धावा केल्या. न्यूझीलंडचा डॅरिल मिचेल ७९४ रेटिंगसह तिसऱ्या स्थानावर आहे. श्रीलंकेच्या कुसल मेंडिसने लीड्समध्ये इंग्लंडविरुद्ध केलेल्या १२१ धावांच्या शानदार खेळीमुळे त्याला क्रमवारीत एक स्थान वर येण्यास मदत झाली आहे. त्याने तीन स्थानांची झेप घेत ६७४ रेटिंग गुणांसह कारकिर्दीतील सर्वोत्तम सातवे स्थान पटकावले आहे. दरम्यान, इंग्लंडचा हॅरी ब्रुक ओव्हल येथे अर्धशतक झळकावल्यानंतर ६५० रेटिंगसह ११ व्या स्थानावर पोहोचला आहे. तो आयर्लंडच्या हॅरी टेक्टरपेक्षा केवळ तीन गुणांनी मागे आहे.

🚨 VIRAT KOHLI MOVES TO NUMBER 2 IN ICC ODI BATTERS RANKING 🇮🇳 1) Shubman Gill – 816 rating.
2) Virat Kohli – 796 rating. KING 🤝 PRINCE IN ODIs 😍 pic.twitter.com/6FDHUnYwtD — Johns. (@CricCrazyJohns) September 30, 2026

कुलदीप यादव टॉप-५ मध्ये

वेस्ट इंडिजविरुद्धच्या दुसऱ्या एकदिवसीय सामन्यात कुलदीप यादवने ४० धावा देऊन ४ विकेट्स घेतले. यानंतर, तो ६२३ च्या रेटिंगसह पाचव्या स्थानी पोहोचला आहे. या सामन्यात कुलदीपला सामनावीर म्हणूनही गौरविण्यात आले होते.

WPL 2027: ऑक्शनपूर्वी बदललं समीकरण! फ्रँचायझींचे मोठे निर्णय; RCB अन् ‘या’ संघांची रिटेन-रिलीज यादी जाहीर